الحب هذي كواياه وبهاذيله

الاخ سعود الدهيمي



كفو والله

كفيت ووفيت

كل ما اقراء لك ازددت اعجاباُ بما تكتب

ان اردت الجزاله وجدتها
وان اردت الابداع وجدته

ابداعاتك متواصله لاعدمناك

اعرف انك لا تحتاج للاشاده من احد وانا لم أتي لا شيد بك وامدحك
انما اتيت لاسجل اعجابي فقط

لك اطيب التحيات من اخوك

صح بدنك

ياحسن المسعودي

تسلم على هالكلام الطيب..
تحياتي...

ياسلام يابومشاري

بيض الله وجهك ولانستغرب منك هالرد بجزالته وتميزه

صح لسانك ولسان شبيب بن مشرع

ولكم تحياتي

فالح

,,,,,,,,,

سـرّه كفيـت المهونـه يادريويـلـه
للـي تعالـج لهـود القلـب فزعاتـه
شبلٍ علـى النـار مركـاةٍ معاميلـه
ياعنك مهـوب يزعـل لاذبـح شاتـه
سعود لاعجز راع الحمل عن شيلـه
تلقـاه كالـدرع مبـزيـاً لحـزاتـه
من عزوةٍ خصمهـا ماهيـب تاويلـه
كم غازيـاً ضيعّـوا ظنـه وهقواتـه
رجّالهـم تفـرج الكربـه محاويـلـه
في ماقفٍ كن يـوم الحشـر كرباتـه
ياسعود راع الهوى تعبـوا مراسيلـه
للفاتن اللي عجـزت اعـرف غاياتـه

سعود ....تستاهلون المدح وكفو ياطير حوران
والله يصح لسان شبيب ...ولسانك ...

لكن يبشـر بجـاهٍ يوفـي الكيلـه
وبالمال لوكثروّلـه فـي مغالااتـه
مثله ترانا مـن الضيقـات ناويلـه
ونقوم له لين ياخـذ كـل رغباتـه

يستاهل ابو مشرع ...
وكفو ياسعود ..لاهنت
وتقبل خالص التقدير والاحترام...!!

رد: الحب هذي كواياه وبهاذيله

باقتباس من مشاركة سعود الدهيمي اخواني الغالين النداويه واخواتي النداويات
زوار هذا الصرمح الشامخ
ردي على قصيدة المبدع شبيب بن مشرع والموجوده على هذا الرابط
http://www.alnadawi.com/vb/showthrea...threadid=22131

اتمنى ان تنال القليل من اعجابكم واعجاب ابو نادر....

[poet font="Simplified Arabic,5,black,bold,normal" bkcolor="transparent" bkimage="backgrounds/9.gif" border="groove,8,gray" type=2 line=200% align=center use=ex length=0 char="" num="0,black" filter=""]
حي القصيده بشوق وحي منهيله=حي الله الشاعر اللي يصخر ابياته
كم من شواعير ماتاصل مواصيله= فكره الياطب بحراً غاص غباته
شبيب مشرع لامني جيت عانيله= يسبق بحلفه تراحيبه واناساته
طبعه وعرقٍ مثبتاً مداهيله= فاقصى نسبهم وفادناته ومثناته
الآد نامر نهار الضد والميله=سيفا تهاب العدى فالكون سلاته
لاجا نهاراً شياطينه تغنيله= هم درع جنب الرفيق القرم وحماته
جاني كتابه وانا بالود مشفيله=واللي سواته تنومسني مخاواته
يوم اقبل البنز وانا اقوم واوميله= واقلط السايق اللي جا بمرضاته
على اشقر البن دايرةٍ فناجيله= وفقار حاش ٍ رضاع العام مافاته
واظهر كتابٍ يفوح بريح اكاليله= قلت انت لاهنت وكتاب السعد هاته
قريت خطه وهالتني تحاليله= يشكي من اللي سلب عقله بنظراته
والحب هذي كواياه وبهاذيله= ولولا كواياه كلاً عاف لذاته
لكن يبشر بجاهٍ يوفي الكيله= وبالمال لوكثروّله في مغالااته
مثله ترانا من الضيقات ناويله=ونقوم له لين ياخذ كل رغباته
لين ان الايام تضحكله وتصفيله=ويذوق مع من هواه القلب مشهاته
واللي يلومه بطرد الحب عزّيله= مغير مايبلعن البيض شوفاته
هذا ومردود قاف القرم مصغيله=اصيغ مبداه وازخرف بوقفاته
ويوم اقبل الصبح واليوم انقضى ليله=وانا كتابي منقحةً عباراته
دجت الوكالات ابي موتر على حيله=اقوى من البنز في مشيه وفزاته
لي مطلبٍ عجّز التجار تأويله= باوصل كتابي باقل من التلفاته
ولالقيت الي شي اسرع من ايميله= هذا التطور وذي حزات نفعاته
وارسلتها لابو نادر دام تبجيله= يفتح ايميله وتطلع في ملفاته
ان جملت قلت فضل الله وتجميله= وان قصرت عذر ابو نادر ومرفاته


[/poet]

[ALIGN=CENTER]

يا سلالامي عليك يا جزل

قصيدة من شاعر يستحق المتابعه لاعدمنااك


صح الله ألساانك يا الغااالي

وبيض الله وجهك ولالالالاهنت



امتعني قراءة القصيدة


تحيااتي لك اخيـــــــك



العجمــــ بــــدر ــــي......@@


[/ALIGN]

اخوي محمد اللطيف

صح بدنك

نعم حنا في عصر السرعه طال عمرك..........


تحياتي لحضورك الغالي..............

حسن الوطري


صح بدنك

وطال عمرك يابو عبد الله..................

صح السانك يالدهيمي مليون مره

ولاهنت جزل ووافي

ولك تحياتي

دجت الوكالات ابي موتر على حيله
اقوى من البنز في مشيـه وفزاتـه
لي مطلـبٍ عجّـز التجـار تأويلـه
باوصل كتابي باقـل مـن التلفاتـه
ولالقيت الي شي اسرع من ايميلـه
هذا التطـور وذي حـزات نفعاتـه
وارسلتها لابـو نـادر دام تبجيلـه
يفتح ايميلـه وتطلـع فـي ملفاتـه




يا سلام عليك يا شاعر

رد ولا أحلي علي نص الرائع شبيب

ماشاء الله عليكم يا شعار




أخوك,

جروح الماضي


هلا ياجروح


صح بدنك ولاهنتي اختي..
تعطرت الصفحه بمرورك لاهنتي

[ALIGN=CENTER]ابو مشاري



ارحب



رد وافي وجزل من راسٍ وافي لاعدمتك




صح لسانك ولاهنت على الجزاله




تقبل احترامي[/ALIGN]

ولالقيت الي شي اسرع من ايميلـه
هذا التطـور وذي حـزات نفعاتـه
وارسلتها لابـو نـادر دام تبجيلـه
يفتح ايميلـه وتطلـع فـي ملفاتـه
ان جملت قلت فضـل الله وتجميلـه
وان قصرت عذر ابو نادر ومرفاتـه

هندسة شاعر مقتدر!!

صح السانك يابو مشاري رد وافي وانت وافي
ودايم تمتطي صهوة القصيدة رغم عنها
محبك..
مدغم ابوشيبه

بيض الله وجيهكم

كلكم شعراء كبار

ومتحتاجون شهادة أحد

أبداع غير مستغرب

لاهنتوا


أخووووووكم

فلاح ال مخلص

صح بدنك

حضورك يرفع الراس.........

لاهنت

الشاعر المتألق / سعود الدهيمي

صح الله لسانك

عزالله انه رد وافي من وافي
دمت ودام ابداعك يابو مشاري




وتقبل تحياتي