روائع في شعر حمد هادي المسردي

[ALIGN=CENTER]الشاعر الكبير / حمد هادي المسردي

غني عن التعريف فهو صاحب القصيده المعجزة الطائرة وأصبحت ابيات هذا الشاعر حكمة يستدلون به الناس في اقوالهم فسطر الحكم والأمثال من خلال شعره وسنختار لكم بعض من ابيات الجميله وهي مقاطع من بعض القصائد ولكن هذه الابيات دائم مانسمعها تتردد على إلسن المجتمع[/ALIGN]

[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]
المال
يالله يالـلـي بـيـدك الـعــز والـجــاه=يالـلـي لـخـلات المخالـيـق رافـــي
يـا مـن خلـل عبـدك ليابـان ترفـاه=ياعـالـمٍ غـايـة خـفـا كــل خـافـي
ألطـف بحـال اللـي تبـهـذل بدنـيـاه=وداج بجميع أنحـا النحايـا وطافـي
يطرد ورا حظٍ عليك أنـت مشكـاه=لا شك شاف من الزمان إختلافـي
من كثر ماله ساروا الناس برضاه=ولو كان ناقص قالوا النـاس وافـي
ومن قل ما بيده ترى الناس تشنـاه=لو كان يسقيهـم عسـل قنـد صافـي
فالمال كـم سـاس ٍ طمـان ٍوعـلاه=والفقـر كـم حطـم روابــع سنـافـي
لا شك مـا للعبـد عـن حكـم مـولاه=مـن خيـر ولا شـر والـرب كـافـي
مــا كـتـب للمخـلـوق لا بــد يلـقـاه= أمـــا هـزايــم شـــر ولا عــوافــي


ياكثر الأصحاب في وقت الرخا
ياكثر الأصحاب في وقت الرخا ياناس كثراه=وياقلهم حزة الشدات في وقت اللزومي
كم واحد ٍ بالرخا دايم معي والضيق ما ألقاه=توي دريت ان خلان الرخا لي ماتدومي
وكم من صديق ٍ مصد ٍ بالرخا عني ولا أدناه=لا شك يوم انها ضاقت علي جلا همومي
فياحي حي الشدايد لو بها تكليف حياه=كم نبهت غافل ٍ تلعبّه أوهام الحلومي
جربت والتجربه برهان للعاقل بدنياه=من لا يجرب يعض من الندم روس البهومي


صدى الجميل في بعض الناس
احسبن ما للجمايل على الدنيا جحود=لين معروفي بذرته بناس وجحدوه
اشهد من يفعل الجود في من لا يجود= مثل من حجج على غاربه ذباح ابوه


تجربه صادقه
اشهد بعض العرب لو معه مال وحلال=لو غني من المواجيب ماهو قدها
كم غني ما ينومس ليا جوه الرجال=وكم فقير لبدا اللوازم سدها

حقيق ظاهره
من معه ماله تراه يصير غالي=والفقير الناس دايم يرخصونه
يرخصه حتى الرفيق اللي موالي=واسرته لقل ماله يبغضونه
وغيرت سود الدهر مجرى الليالي=واختلف طبع الخلايق عن يكونه
واليمين اليوم تغلبها الشمالي=العوارف مقصدي ما يجهلونه


قطره من بحر
في شعر حمد هادي
((رحمة الله ))

[/poet][ALIGN=CENTER]المعذره لو حصل هناك تقصير

وتقبلو خالص تحياتي
محمــ الجربوعي ــد[/ALIGN]

ما من تقصير لا عدمتك



انت وافي يا محمد و ما جبت الا الزين



و الشاعر حمد هادي الله يرحمه كان من نوادر الشعر .



رحمه الله رحمة واسعه .



اخوك فيصل العاصمي

لاهنت يامحمد الجربوعي



والشاعر حمد هادي رحمه الله عليه مافيه الا من سمع له شاعر غني عن التعريف


لاهنت ولا هان غاليك


تقبل اجمل التحايا