هاتوا لنا كأس الخليج امن الكويت .

[ALIGN=CENTER]هاتوا لنا كأس الخليج امن الكويت
الكأس أصلاً موقعه وسط الرياض

ياكاسنا في المملكة أحلـــى مبيت
هذي حقايق.. ماتبي أي افتراض

يامنتخبنا والفرح فــــي كل بيت
أسعدتنا يالون الاخضر.. والبياض

يا منتخبنا عادتك كساب صيت
دايم للأعلى ترتقي دون انخفاض

يأهل الصحافة اكتبوا بالمانشيت
من له على الفوز السعودي اعتراض[/ALIGN]

سعود الشبرمي



صح الله السانك ولاهنت



تستاهلون الكاس يا سعود


والى الاعلى انشالله

تحياتي لك

سعد الصواغ

سعود الشبرمي


صح السانك ولاهنت


وتستاهلون الكاس


لك تحياتي

هاتوا لنا كأس الخليج امن الكويت
الكأس أصلاً موقعه وسط الرياض

ياكاسنا في المملكة أحلـــى مبيت
هذي حقايق.. ماتبي أي افتراض

يامنتخبنا والفرح فــــي كل بيت
أسعدتنا يالون الاخضر.. والبياض

يا منتخبنا عادتك كساب صيت
دايم للأعلى ترتقي دون انخفاض

يأهل الصحافة اكتبوا بالمانشيت
من له على الفوز السعودي اعتراض

ايه ياسعود جيت في وقتك بلشونا اهل الكويت سعد براك ونواف بن مركوز

قالوا ازيرق قالوا

لاحد يشره

الاخ سعود

صح لسانك وسلمت والكاس تستاهلونه

اصلاُ حنّا ما نبيه هالمره كسرتوا خواطرنا
قلنا نعطيه ربعنا اهل السعوديه
والاقربون اولى بالمعروف
والا حنا ما نبيه !!!!
ما تشوفنا نلعب بالازيرق؟
على ما قال مدغم
يعني ( نلاعبكم بالبزارين )

هههههههههههههههههه

على كل حال تستاهلون وصح لسانك يالغالي

اسلم وسلم

مبروك فوز السعودي ... منتخب قدّم مستوى رائع واستحق الكأس عن جدارة




صح لسانك ولاهنت ..... قصيدة جت في وقتها بالفعل



بصراحة ملينا من كثر كؤوس الخليج عندنا المره هذي دام الكويت مستضيفه كاس الخليج فالواجب علينا اننا نخليه لضيوفنا والأقربون أولى بالمعروف على قول أخوي خالد المطيري





تحياتي للجميع واحترامي

مبروك فوز السعودي ... منتخب قدّم مستوى رائع واستحق الكأس عن جدارة





ابطالنا ويستحقوووون الفوز

الاخ العزيز / سعد بن مرزوق الصواغ

الله يبارك فيك .

شاكر لك مشاعرك الاخوية الطيبه ....

الكاس غالي خاصة انه خليجي وفي الكويت يعني صعب مره .

لك الود ياسعد ..،

الاخ العزيز/ حسن الوطري

صح بدنك يالغالي .

شاكر لك مشاعرك الاخوية ياحسن .

لك كل الود .

الاخ الغالي / مدغم ابو شيبة .

الازيرق هالسنة ماهو تمام ؟؟؟؟؟؟؟؟؟؟؟يابو شيبة الله اعلم له بحاله

من نظرت الوضع ربكه وانقسام؟؟؟؟؟؟؟ .............................................

اكمل

لايهمونك الفن الكويتي انتهى عهدة وتكفيهم الكؤوس السابقة ماخلوا لنا شي .

لك كل الود يامدغم ...،

يأهل الصحافة اكتبوا بالمانشيت
من له على الفوز السعودي اعتراض



أبدا


صح الله لسانك ياسعود الشبرمي

قلت وصدقت

وألف مبرك


والله كنّا الي ماخذينه

استاذي/ سعود الشبرمي


انت سهل ممتنع في كل شي حتى في الرياضه


صح لسانك ويستاهل الاخضر ومبروك الفوز للجميع ..



تعرف وش تكتب . وتعرف وش يعجب الناس ..



الله يعطيك العافية


وتقبل تحياتي

خالد المطيري

صدقت ياخالد وشاكرين لكم حسن الضيافة والكرم ومراعاة الشعور( ادري مليتوا

من الدروع والكاسات من ايام جاسم يعقوب والطرابلسي )

بس ماتشوف الازيرق ختمها مع البحرين صح ؟؟

المنتخب الجديد شباب ومبدع بس في سوق شرق !!!


يبي لهم مفاهمة ؟ المجد غالي ياخالد .


لك كل الحب ياغالي .

جروح الماضي

ياسلام عليك على الاهداء الاقربون لهم حق.

كذا تمام تعاون ومفاهمة وكلنا حبايب

التعاون رياضي وفني ماتشوفيني في اغنية تهددني تركت كل الربع القريبين

وعطيتها نوال .

كلنا ربع واخوان

بس راضية انتي عن الازيرق عقب اربعة البحرين ؟

المفروض انتفاضة شعرية قوية .

تحياتي ...،

سطام بن فهد

هلا ياسلطان

مبروك الكأس وعقبال بطولة اسيا

الاخضر ماقصر والفوز حلو يابو فهد

لك كل الود ....،