Tweet
[poet font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
الغلا والشوق وجروح الشقاوي = والسهر والليل والنفس الشقيه
والشقا والضيم وهموم الخلاوي = والامل والياس وحياض المنيه
والجفا والحزن ودموع الهواوي = والعنا والويل ودن الهاشميه
والرجا والحلم ودروب الحراوي = والوله والبعد والميسم وكيه
كلها سبتك ياعين المهاوي = من عرفتك ماعرفت الا الاذيه !
كيف تقسى ياصخيف ياحياوي = كيف تقسى وانت مالك مقدريه
منهو اللي علمك تقسى وتاوي = منهو اللي علمك تقسى عليه
مادريت ان الهوى ( ملوي ولاوي ) = مثل عودك باالهوى ( ليه وليه )
كنك اللي لا طعن يرجع يداوي = بكلمتين وجبر خاطر مع هديه !!
لا تعذر طاشت احلام وهقاوي = عذرك اقبح من ذنوبك والخطيه
ولا تقوله اعرفه عذر الخطاوي = مايبري موقفك هذي وذيه
صدتك يشره بها الحر النداوي = والحرار حرار والشيمه عصيه
ليه ماشره دامني طلق العزاوي = وان ذكرت مطير جيت كلي حميه
لابتي المطران مزبنة الجلاوي = من تعزوى في حديهم واهنيه
وكل الله ماتسر كثر الحكاوي = رح توكل مابقى بقلبك بقيه!
انت موتت الهوى بقلب الهواوي = في صميمه طلقتين ونار حيه
وادري ان البعد يامجمول كاوي = علتن بالجوف وجروحه مديه
( ماتت البسمه) على الوجه الصباوي = ليه تقتل نبضة القلب الوفيه
كنت اشوفك تحرج النجم السماوي = وكنت اغلى مامشى بين البريه
وكنت في عيني ملاك وشمع ضاوي = وانطفى ثم احترق قلبك وضيه
وكنت اهوجس فيك لين اصبحت راوي = كني ( الشرهان ) والسيره نديه!!
اعشقك والوقت لله مايساوي = والزمن والوقت وانت ثالث بليه
اتركك ياصاح والدنيا دناوي = والا انا لله ماشلت الرديه
ولا تعيش امال تركي بالرجاوي = وما يموت الحلم واطرافه بيديه
من عرفتك ماعرفت الا البلاوي = وبصراحه ياحلو منك الاذيه !!
[/poet]
الغلا والشوق وجروح الشقاوي = والسهر والليل والنفس الشقيه
والشقا والضيم وهموم الخلاوي = والامل والياس وحياض المنيه
والجفا والحزن ودموع الهواوي = والعنا والويل ودن الهاشميه
والرجا والحلم ودروب الحراوي = والوله والبعد والميسم وكيه
كلها سبتك ياعين المهاوي = من عرفتك ماعرفت الا الاذيه !
كيف تقسى ياصخيف ياحياوي = كيف تقسى وانت مالك مقدريه
منهو اللي علمك تقسى وتاوي = منهو اللي علمك تقسى عليه
مادريت ان الهوى ( ملوي ولاوي ) = مثل عودك باالهوى ( ليه وليه )
كنك اللي لا طعن يرجع يداوي = بكلمتين وجبر خاطر مع هديه !!
لا تعذر طاشت احلام وهقاوي = عذرك اقبح من ذنوبك والخطيه
ولا تقوله اعرفه عذر الخطاوي = مايبري موقفك هذي وذيه
صدتك يشره بها الحر النداوي = والحرار حرار والشيمه عصيه
ليه ماشره دامني طلق العزاوي = وان ذكرت مطير جيت كلي حميه
لابتي المطران مزبنة الجلاوي = من تعزوى في حديهم واهنيه
وكل الله ماتسر كثر الحكاوي = رح توكل مابقى بقلبك بقيه!
انت موتت الهوى بقلب الهواوي = في صميمه طلقتين ونار حيه
وادري ان البعد يامجمول كاوي = علتن بالجوف وجروحه مديه
( ماتت البسمه) على الوجه الصباوي = ليه تقتل نبضة القلب الوفيه
كنت اشوفك تحرج النجم السماوي = وكنت اغلى مامشى بين البريه
وكنت في عيني ملاك وشمع ضاوي = وانطفى ثم احترق قلبك وضيه
وكنت اهوجس فيك لين اصبحت راوي = كني ( الشرهان ) والسيره نديه!!
اعشقك والوقت لله مايساوي = والزمن والوقت وانت ثالث بليه
اتركك ياصاح والدنيا دناوي = والا انا لله ماشلت الرديه
ولا تعيش امال تركي بالرجاوي = وما يموت الحلم واطرافه بيديه
من عرفتك ماعرفت الا البلاوي = وبصراحه ياحلو منك الاذيه !!
[/poet]
تعليق