نـــــقــّـاد الـــنـــداوي

[poet font="Arabic Transparent,4,black,normal,normal" bkcolor="transparent" bkimage="backgrounds/6.gif" border="double,4,gray" type=2 line=200% align=center use=ex length=NaN char="" num="0,black" filter=""]
السلاام عليكم وعيدكم مبارك جميعا

هذه الابيات موجهه لمن يهمه الامر والمعني بها فقط .
ولاأُحب ان اطيل عليكم وكما قال ابن رشيد

ماتلحق الشكّات كود الرديين=والا ترى الطيّب وسيع(ن) بطانه

بـــســم الله


ياإلهي ماتخيب بك الرجاوي=ياعظيم الشان يامحصي عبيده

يامصبّرني على كثر البلاوي=يامدبّر في عبادك ماتريده

فكّـني من بعض نقّاد النداوي=مابقى للصبر في حالي شريده

وش يبون اللي يثيرون الدعاوي=الوكيل وكاتب العدل وعضيده

يامفصّل دقـّة البشت العباوي=لاتقصّر بالقياس ولاتزيده

علّم اللي يصدر لربعه فتاوي=لايحرّم قبل لايقرأ القصيده

يحسبنّه كل ماطاح متساوي=مادرى إن الموت يجري في وريده

حط له دعب وملفّات وملاوي=مايروح اسبوع مايشعم وقيده

الفداوي لو نفش ريشه فداوي=مايقلّط مع هل الاريا السديده

ضايع(ن) بين المطوّع والهواوي=ماخبرته قال له جمله مفيده

كلّ ماغنّت سعيده جاك ضاوي=ياعسى الله يقنع سعيد بسعيده

لاسقاك الله يالشعب السناوي=من تواليك النخل ذوّى جريده

خابرين إن التجاره بالرشاوي=ظاهره بالمجتمع ماهي جديده

مـدّ كفّ ودوك كفّ وصر غناوي=الشروط كبار والمدّه زهيده

وبارك الله بالرجال اهل العزاوي=الزحول اللي مساعيهم حميده

السموحه يامشاكيل النداوي=واعذروني والنداوي عاد عيده

وسلامتكم
[/poet]

يا مرحبا والله الشاعر مشعل عوض


صح لسانك ولا هنت وارحب فيك وبقصيدتك لطالما ان تجريفها صادق وقد يحتمل موقف

نصك جدآ حساس ومعتمد على اسلوب التوريه الذي اتقنت فيه لغة التشبيه مثل

الـــفــــداوي لـــــــو نـــفــــش ريـــشــــه فــــــــداوي
..................................مـايــقــلّــط مـــــــع هـــــــل الاريـــــــا الــســـديـــده

فداوي مثل ماقلت !!


ضــــايــــع(ن) بــــيــــن الـــمـــطـــوّع والــــهـــــواوي
...............................مـاخــبــرتــه قـــــــال لـــــــه جــمـــلـــه مــفـــيـــده

تقصد هنا مأثر الانطباع والمجهود الذي يقدمه الاخرين ومازال مرتكز النص التشبيهات التي تمثل لغة ترابط فكريه بين ذات وموقف .

ذات مفصل البشت وكاتب العدل والفداوي ومثير دعوة ووكيل اجدت اخي تناول الفكره الشعريه وسعدت بمثل هذه النصوص الواعيه والمعبره عن لغتها الخاصه

فقط كلمة واحده بخصوص النقد أنه ليس انسعار وبهرجه وموضه للساحه هو دراسة ومنهج لن يستطيع أحد ان يلغيه إلا أن كان الجامعات منشان الشعر الشعبي تنسف هذا التخصص !!
عشق للشعر وتذوق صادق ومتابعه جاده وانطباعات يستفيد منها الشاعر بلاهدف يرتهن على اثرها مصلحه او غايه ومن محض شخصي وجدت ان البعض في البدايه كان محارب له ولكن الجميع الان وجدتهم متمكنين ونقاد ومتذوقين على صعيد النداوي وفي المطبوعات والصحف


شكرآ لحضورك اخي

ولا عدمنا تواصلك الشعري

تحياتي واحترامي لك

[ALIGN=CENTER][/ALIGN]

العزيز مشعل عوض


هلا بك وكل عا م وانت بخير ياغالي........



وافيه من راس وافي ......... لاعدمتك .....


صح لسانك ودامت ايامك .....



لك تحياااااتي

ابو سعود


كل عام وانت بخير

صح السانك ولاهنت
قصيده ما عليها كلام تتمحور في ظاهره موجوده


لك تحياتي

الاستاذ الشاعر





مشعل عوض



كل عام وانت بخير








صح لسانك وسلم بنانك





قصيده جميله ، لاهنت






أجمل التحايا

ابو سعود

كل عام وانت بخير وعيدك مبارك


وبيض الله وجهك بياض يشع مع كل ريع


تقبل تقديري

الأخ العزيز والشاعر الجزل مشعل عوض


العيد عليك مبارك وكل عام وانت بخير


أشكرك على هالقصيده الجزله نعم الفداوي لو نفش ريشه فداوي

ياسلام قصيده تصف فيها شعور الكثير من النداويه


كلٍ مبتلش في نفشت ريش الفداوي

والجدير بالذكر أن سبق وأن لعب انا والشاعر الاستاذ


حسن الوطري على نفس الموضوع لكن بشكل ثاني


كانت محاوره والمحاوره تعتمد على الرموز بالتشبيه

نفس الموضوع هذا في حضور الأستاذ الكبير حمد السحيمي

انا ليش اقول لك لعبنا على نفس الموضوع محاوره

على شان اقول بأنك وصفة شعور النداويه المتأذين

من بعض الأمو ر اللي ماتخفاك

مثل ماقلت انا في المحاوره أذكر منها هالبيت

بالمنتدى شفنا علومٍ عديده = وش قولكم يامشرفين النداوي

هذا البيت الواضح من بيوتي لكن الاستاذ حسن كان شاعر غامض

بالوصف حيثه شاعر كبير في مجال المحاوره وبيوته تحير الشاعر الخصم

أو المقابل من شدت حبكه وسبكه للمعنى على رموز غامضه




وسلامتك يابو عوض وانا شاكر لك سراحه على هالقصيده

الجزله صح السانك صح السانك مليون مره ولا هنت


تقبل تحياتي وأحترامي لشخصك الكريم

عبدالرحمن البراك

[ALIGN=CENTER]مشعل عوض






صح لسانك يا مشعل ولاهنت .. وبيض الله وجهك يالجزل

وتسلم يمينك على هالنزف الرائع .. ودام توهجك يالغالي .. وكل عام وانت بخير

تحياتى لك

،،[/ALIGN]

هلابك يابو سعود

وكل عام وانت بخير

والف صح لسانك وسلم وجدانك

بيض الله وجهك ولاهنت

اخوك خالد

مشعل عوض



هلا يامشعل00وحياك الله



كعادتك تشع بالجمال وبجزل القصيد



تقبل تحياتي

السلام عليكم ورحمة الله وبركاته


اخى العزيز مشعل عوض


كل عام وانت بخير


صح لساانك ولا هنت


اختك ديمة الشوق

مشعل


هلابك


وقصيدك ماعليه مداخل والنقد الهادف مايعيبه

صح لسانك ولك تحياتي

الشاعر الكبير وصاحب الاخلاق الساميه .....مشعل عوض

مساك الله بالخير وكل عام وانت بخير
شاعر كبير يابوسعود وخبره نتعلم منه ونستفيد

صح الله السانك ولا هنت

اسلم وسلم يالامير

الشاعر الاستاذ .......... مشعل عوض


بيـــــــــــــــــــــــــض الله وجهك

بيــــــــــــــــــــــــــــــــــــــــــض الله وجهك


اقديت يبو عوض وحقه واقل من حقه (( الفداوي ))

ابو عوض لقد رسمت خطاااا ً جديدا يجب علي مشاكيل النداوي السير عليه

وعباد الوجيه ملعـــــــــــــــــــــــــــــــون

دمت مقاتلا شجاعا )

بيض الله وجهك وتقبل تحياتي