Tweet
[poet font="Arabic Transparent,4,darkblue,normal,normal" bkcolor="transparent" bkimage="" border="groove,4,gray" type=2 line=200% align=center use=ex length=0 char="" num="0,black" filter=""]
مابين قولة لما وإلا كما وإنما = بانت جميع الحروف وبان مضمونها
ياويل حالي وأنا مابين ناس إغشما = أشرح لهم حالتي ولايِِفهمونها
الليل ضيّع بصير العين كيف العمى = والناس حتى الصداقه مايعرفونها
ووجيه بعض العرب ماكن فيها دما = حتى الصراحه عجب لامايدانونها
ياكلمة الصدق وين اللي إليك إنتما = والناس تتبع مصالحها على هونها
مافيه ظالم أبد إلا يجيه ظلما = هذي حقيقة هل التاريخ يطرونها
ياكثره الحسد بين الناس لكن لما = أحقادهم فالقلوب السود يخفونها
يطري على الرحيل من التعب إنما = يردني عنه من روحي يحبونها
إن قيل وش فيك تطلع من حدود الِحما = بقول شوفو وإجابتكم بتلقونها
البارحه والسماء فيها الظلام إحتما = ونجومي اللي تلاشت وإنخطف لونها
والغيمه اللي خذتني في طريق الظماء = لاهي سقتني ولاهي حطت مزونها
إن خلت كن السحاب معلقٍ بالسماء = وإن همت ضاعت دروبي ماتدلونها
أبنشد الناس عن مابالضمير إرتما = غيّر موازين روحي وأخلف ضنونها
لاهوب يعرف كريم ولايحشم إحشما= حتى المفاهيم جاوز كل قانونها
ياهيه ماجيت أدور لي معاك إغرما = والحال ربي سببك يكون في عونها
ياهيه ماشفت حالي من فراقك كما = حال اللذي حالته عجزوا يداوونها
ياصاحبي مارميتك وأنت منهوا رما = واللي بدوا في قضيه لايهابونها
إعرف مقامك وخل اللو والربما= هذي الجمل ماتفيد اللي يقولونها
خلاص طاح الغلا ماعدت غالي فما = من فايدة لأمثلة ليلى ومجنونها
مات الغلا لك ولو إن الغلا لك سما= وش فايده عشرتك لوني أبا أصونها
الله يسامح طعونك يوم نزف الدما = والله يهّون على قلبٍ وقف دونها
برحل ودام السماء تمطر يهون الظما = بشرب من الغيمه اللي بانت مزونها
[/poet]
تعليق