دربي عسير

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

أمسٍ وأنا مرتاح بالي ومسرور = واليوم ضايق ما أدري ويش أسوي
بيد الزمان الي كرم جوده الجور= وهرجة عذولٍ من خلافي وتوي
وأصحاب وقتٍ ماحدن قال ماجور = ربع الفراغ الي بعضهم عدوي
يلبس ثياب الطيب ويلف ويدور = يفرح لو إن تطفي من العسر ضوي
وأنا عزيز وطيب الرأس مغرور = مانيب منهو لاسرح ما يضوي
دربي عسير وضاق من دربي صدور= حبلي علي الله في رجاه متلوي
وحبلٍ بغير الله بالذل مبتور = وأنا علي الله نيتي يوم أنوي
وأهل الردي عن دربي يسار وحدور = إلهم طقوس وجو ماهوب جوي
أطيبهم الي بس منهي ومأمور = تبت يدا الخوه وتب المخوي
تباً لرجلٍ يرتضي الظلم مقهور = ماقاوم الأحداث صبر وتروي
من لا يعز النفس يموت محقور = يموت تحت إرادةٍ من سموي
ومن رضي يقضي العمر غادر ومغدور = يعيش بين شلون ضعفي وقوي
من عاش يعرف طبع ناصر ومنصور = يعرف طبوع أهل الحيل والتلوي

[/poet]

اخوي محمد

الف صح لسانك ولاهنت

وهذي قصيده جزله ومن شاعر جزل

لاهنت اخوي الكريم

وتقبل تحياتي

خالد المجازف

ارررررررررررررررررررررررررررررحب يابوسعيد


حيه وحي ماجابه


كلعاده كما عودتنا ابداع من شاعر لايرضى الى با الابداع

صح لسااااانك الى ماله نهايه




لاهنت لاهنت



تقبل تحياتي

صح لسانك يا محمد على هالدره الثمينه ولا هنت

دمت ودام ابداعك الجميل


تحياتي لك

الاخ الشاعر/ محمد آلزيوح

صح السانك مليار ولايكفي

قصيده جزله وهادفه تتكلم عن الواقع....

تقبل تحياتي وارقا سنود

صح الله السانك يالقرم


عزالله أنك شاعر


سجل إعجابي وتقديري

محمد آل لزيوح


صح السانك



شاعر جزل يامحمد



ورايي تعرفه



تحياتي

خالد المجازف


صح بدنك


واشكرك على القراءه


تحياتي

محمد ال لزيوح


شاعر كبير متمكن وله تجربه لا يستهان بها

اجد في شعرك يا محمد الحكمه وعصارة خبرات كبيره في الحياه ومعاناة تضفي علي نصوصك بريق اخاذ


صح الله لسانك ولاهنت


أخ وك,