بنت الكواكب

اعزائي النداوية اخواني واخواتي الزوار الكرام اليكم هذه القصيدة المتواضعة التي اتمنى من الله العلي القدير ان تنال قبول ذائقتكم الأدبية
[poet font="Arial,5,indigo,normal,normal" bkcolor="transparent" bkimage="backgrounds/20.gif" border="inset,4,indigo" type=2 line=200% align=center use=ex length=0 char="" num="0,black" filter=""]
الهبايب مرّت اوراق الشجر في كل ديره=والقلوب اللي تواري برقها يفضح رعدها
لاتعذّر يازمن بان الهوى والحب عيره=والمشاعر آدميّه لو جحدها من جحدها
سيرة العشْق ودروب العشْق والعشاق سيره=مادرى العاشق وش اللي قبلها واللي بعدها
والهوى ما يبخس الرجّال قدره في ضميره=لو لحقْه من المشاريه الكثيره في عددها
والصبايا فتنة الما لا شكا الضامي غديره=وآآآه يالما في عروق الضامي اللي ما وردها
لن بغاها مغفره هبّت لهايب زمهريره=وان بغاها ذنب في باقي ذنوبه ما وجدها
حيرةٍ صارت حياتي كلها من عقب حيره=لين جتني بنت ابوها والملا كلٍ نقدها
استثارتني شعور وقلبي ادنى ما يثيره=ولا بغيت اهج عنها طمّعتني في رغدها
كنّها ورد وحَرمه الوقت مبداه وعبيره=لين جيت وكنّي اجمع روحها وانثر جسدها
ويوم جتني وسْجدت كل الجباه المستخيره=استخرت الله بين فراقها ولا وعدها
ودلّني قلبي على درب الوصال وقلت خيره=فرصةٍ وامسح دموع احزانها وارسم سعدها
بعد ما هي تشتكي لي من ردى علّه خطيره=خطوةٍ تاقف بدنياها وخطوه في لحدها
والحقيقه ما قدرت اعقل من الخافق بعيره=كن وقتي ما تمكّن فالحبال اللي عقدها
حدّني عمر العطش والليل وهمومٍ كثيره=فالثياب الضافيات وفالزمان اللي حردها
ضاقت اعشابي على اصحابي وربعي والعشيره=كن ما لاعشابي الخضرا مكان الا بلدها
واستلذيت بهواها لذّة نعاس الظهيره=والظهيره ما يجيب علومها الا من رقدها
وحدّني جفنٍ يداعب طرفها رقة حريره=والعقيق اللي فقد عقله على خَمرة شهدها
من حلاها لو يصب الماي ما تسمع خريره=واخسارة كل طفلٍ ما شرب غالي نهدها
كنها بنت الكواكب والملا قامت تنيره=امها القمرا وابوها الشمس والغيمة مهدها
والله انّا لاتلاقينا بعد فتره قصيره=كنها بنتي من الفرحه وانا كنّي ولدها
والخفوق اللي تولع في هواها وش يضيره=غير لا نكّد عليه البعد واسرف في نكدها
يشهد الله فاضت انفاس القصايد للغريره=واشهد انه ما يجمّلني قصيدي لن فقدها
ولا عليّ من الهبايب دامها في كل ديره=والقلوب اللي تواري برقها يفضح رعدها

وسلامتكم

[/poet]

فيصل السواط


صح لسااااااااانك يا سناااااايدي







نص في غاية الروعة




والجزالة




ولا يكتبه إلا كبييييييييييير







تقبل إعجااااااابي







مبارك

اخوي فيصل السواط لك مني صادق الاعجاب ياشاعر لاعدمتك

السلام عليكم ورحمة الله وبركاته


اخى العزيز فيصل السواط


صح لساانك ولا هنت


اختك ديمة الشوق

الغالي مبارك بن محيا

يابن محيا مرحبا ياهلا فيك...................راع الكرم والطيب في كل ديره

ويـوم جتنـي وسْجـدت كــل الجـبـاه المستخـيـره
اسـتـخــرت الله بــيــن فـراقــهــا ولا وعــدهـــا
ودلّنـي قلبـي علـى درب الوصـال وقلـت خـيـره
فرصـةٍ وامسـح دمـوع احزانهـا وارسـم سعدهـا

صح السانك وقلبك يافيصل على جمال حرفك

تحياتي

باقتباس من مشاركة مبارك بن محيا فيصل السواط


صح لسااااااااانك يا سناااااايدي







نص في غاية الروعة




والجزالة




ولا يكتبه إلا كبييييييييييير







تقبل إعجااااااابي







مبارك

مبارك قال مافي خاطري

اخوك
فهد بن دلباح

فيصل


صح السانك ولاهنت


قصيده رائعه من شاعر اروع


لك تحياتي

اخوي العزيز

فيصل

صح لسانك

وماشالله عليك

مبدع بحق

لاهنت

ولك التحيه والتقدير

اخوك خالد

الشاعر صالح الرشيدي

مشكور ياصالح على ما تفضلت..................والنور يسطع من كلامٍ كتبته

الشاعرة ديمة الشوق

الطيب والمعروف ياديمة الشوق....................جتني تسابق في ثنايا حروفك

مدغم ابو شيبه

يامرحبا مليون ترحيبه...............تنصاك يامدغم يابوشيبه

فهد محمد الهاجري

مرحبا يالهاجري ترحيبةٍ من قلب صافي
............................................عد ماهل المطر واروى قصيدي من حروفه

الله الله الله


ابدااااااع لا يكتبه الا فيصل



صح الساااانك مليوووووووووون


ياااا راااعي الحرف


وبيض الله وجهك على هااااااذي الرررراااائعه


ونبي غيرهاااااااااااااااااا

فيصل السواط


كنـهـا بـنـت الـكـواكـب والـمــلا قـامــت تـنـيـره
امهـا القمـرا وابـوهـا الشـمـس والغيـمـة مهـدهـا


الله الله


تصوير في غاية الرووعه


صح لساانك مليووون ولاهنت


تحياتي