قلت احبه وقالوا: ؟

[SOUND]http://www.geocities.com/lsu_dreamer/poetrybackground.ram[/SOUND]

ارحبووا يا رجال...مساكم الله بالخير رغم انه عندي صبح...زبدة الهرج ...كل قصة حب لاتكاد تخلو من العذال وكلماتهم اللي تجرح احيان ..بس يهبون..انا محد يقدر يجرحني(شايف نفسه ) ...لانه ما يجرح القلب الا اللي يعزه القلب..المهم...ذات يوم دار حوار بيني وبينهم قالوا بمكن ايكون حبك من طرف واحد...وان اللي تحبه ما يهضمك ... فقلت يمكن بس ان احب هالشخص بصدق و احتمال كبير انه يحمل نفس الشعور...لكن هل صحيح مايقال ان القلوب عند بعضها..او القلب للقلب شاهد...ريما يكون للحظ والصدفه دور في هذا المجال....هكذا كتبت هذه الابيات المتواضعة...اخوكم خالد الدوسري

[poet font="Simplified Arabic,4,black,normal,normal" bkcolor="transparent" bkimage="backgrounds/14.gif" border="none,4,gray" type=0 line=200% align=center use=ex length=0 char="" num="0,black" filter=""]
قلت احبه وقالوا: حبك اليوم خله=قلت احبه وقالوا: حب من صوب واحد!

قلت مدري حبيبي ماخذ الحب كله =قلت مدري يقال..(القلب للقلب شاهد)

قلت انا الشوق قلبي كثر ماجاه مله=والحبر من عذاب الحب حبر القصايد

تل قلبي على لاماك.. يا خل تله=وجد عيني على لقياك يا روح "خالد"

حبك اللي تكون..بالحنايا محله=حبك اللي غدا في قلبي الشفق واجد

معك محلا بتالي الليل يا زين دلة=جو هادي عذول الحب هالوقت راقد

ليل قمرا.. وحنا نعيم(ن) بجال ملّة=زهر نابت نمى عن صحوة القيظ شارد

عشقي اللي ثقيل.. تعبت نفسي بشله=كنه طفل(ن) يتيم(ن) ..بالعنا الطفل والد

كنه لغز(ن) صعيب(ن)..والعمر كيف احله؟=كنه علم(ن) وكاد(ن) عن خبر مو بناشد!

ياشعر عن (جروح القلب) ياشعر قله=وطيفه اللي ترا في تالي الليل هاجد

قلبي اللي عنا من غربة الحب عله=قلبي اللي عنا من جور وقت(ن) يعاند

قلت احبه وقالوا: لو حجاجك يفله=انت امير المحبة و (القلب للقلب شاهد)

خالد الدوسري...(غريب الروح)
[/poet]

خالد الدوسري صح الله لسانك تقبل اعجابي لاهنت

.....................ارررحب يا صالح...................

اعجابك يدل على طيبة قلبك ....وجمال مشاعرك..........لاهنت وصح بدنك يا سنايدي

الله عليك يالعزوة ...

صح لسااااانك مليون يقفى مليون .. لين ياصل ديرة البوش

وسبق لي تصفحها .. لكن مامليتها ياسنايدي ..

تسلم يمينك ولاهنت ياخالد .. وبيض الله وجهك .





سجل اعجابي
تحياتي وتقديري

.......................... اررررحب ياسلطان...........................

ماذا عساي ان اقول...ابن العم ...محزمي اللي مايرتخي....انت لو تقرا القصيده بدون رد يكفي.........كل حرف يرحب فيك و يزهابك...لاهنت لاهنت يا شوق البنت...وصح بدنك كثر الشوق اللي فيني لكم

خالد


صح السانك ولاهنت


قصيده جزله من راس جزل


لك تحياتي

خالد الدوسري

تل قلبـي علـى لامـاك.. يـا خـل تلـه وجد عيني على لقيـاك يـا روح "خالـد"

حبـك الـلـي تكون..بالحنـايـا محـلـه حبك اللي غدا فـي قلبـي الشفـق واجـد

قصيده معبره بالفعل

تستحق الاشادة

ويستحق صاحبها المتابعة

تقبل تحياتي

السلام عليكم

الاخ خالد الدوسري

تحيه طيبه

صح لسانك ولاهنت

دامك تحبه وتغليه مالك براي الناس حاجه

دمت بكل الود

اخوك
ابوطارق

........................ارررحب يا حسن...........................

كل حرف يقول ارحب يا حسن........لاهنت لاهنت وصح بدنك يا مسندي