ابفخر في بني عمي

[poet font="Arial,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
والنعم بكل القبائل والحمائل من اقصى الارض الى ادناها

قصيده اهديها الى ابناء عمي ولا تقصير في احد

فكل عرب لها حقها من الطيب

انا داخل على الله من غوى هرجٍ بلا برهان=واببدأ واهتدي بالواحد اللي للبشر هادي
الا يالله عفوك يالهي يالله الرحمن=بيومٍ ما يفيد المال ولا به جاه وشدادي
بعد ذكر الله ابدأ بالمثايل وابدع القيفان=اجنب عن هزيله وانتقي من جزله جدادي
الا ياحظ من له لابةٍ وقت اللقا شجعان=وانا لي لابةٍ عند الملاقا تدحر الغادي
انا لي لابةٍ عند الملاقا تفهق الخوان=ولا دار الرحى يفرح خبرها كل نشادي
عيال العود ابونا لا تعزوينا الاد حوبان=نطّوع كل فارس ما يطاوع باللقا معادي
نهار الكون نقدح بالهنادي نازل الميدان=معانا لميع الاجرد للعدا بتار ردادي
على ظهر المهار ولا انتخينا باللقا لمعان=على لميع المسمى سيفنا ياسيف الاجدادي
لنا في صفحة التاريخ عز وبصمه وعنوان=وحنا عز للتاريخ هجريه وميلادي
ابفخر والتفاخر والفخر في لابتي وكدان=بني عمي وابفخر في بني عمي والامجادي
هل العليا ليا ثار المثار وثوّر الدخان=مثل برقٍ على اللي حده الميدان والحادي
زحازيح الرجال اللي على جرد الرمك فرسان=يجونك فوق قحصٍ في نهار الصيحه سنادي
وحنا للدخيل ولو دونه قايد الرومان=نفك اللي دخلنا ما نهاب بروق ورعادي
وحنا للركايب لا لفن من طرقةٍ مزبان=زبون اللي لفانا مستعين وهو متحادي
وللضيف المسيّر نذبح اطيب ما وجد بالضان=وللجار القصير ليا انتخا مسناد وعضادي
وانا داخل على الله من غوى هرجٍ بلا برهان=وقولي حق في مدح النشاما والله الهادي
[/poet]

والنعم بالطيبين والطيب يشرا بالذهب والغايه في عزة النفس لله درك يالقرم


حضور فقط

كفو ... يا محمد


صح السااااااااانك



وبيض الله وجهك


ولك تحياتي

محمد اللميع


صح لساااااااااانك




ونعم فيك انت وربعك




ولاهنت




تقبل تحياتي


اخوك فيصل الديحاني