خزنة ملـك..

الرائع سعد علوش



ماقول الا صح لسانك مليون


متابع لماتكتب


تحياتي لك

ابوووووووووجابر

من محاسن النداوي ان نعاانق جديدك يالقرم

فانت >سعد علووش <ومن لايعرفك فهو جاهل بقائمة الابدااع وهرم هذه القائمه


صح لسااااااااااانك مليووون واتركنااااا نقيم في متصفحك فنحن مشتااقين

لحرفك الفاتن


تحيااتي اللائقه بشمووخك


اخووك

[align=center]

عـذر السنافـي معـه والعـذر حبـلـه وثـيـق
لـو حـس رعبوبـتـه .. والاّ جـفـا موطـنـه
*
رعبوبـتـي,,, يـاوجـودي يـاغـلاك العتـيـق
عنـه مكـانٍ لقيـتـك فـيـه عـامـا .. عـنـه
*
يـوم الشجـر صايـر ..لوجهـك مشجّـع فريـق
مـن ويـن مـا أفتـرّ.. تتغيّـر معـه الأمكـنـه
*
**
*
الرائع //
سعد بن علوش
وكالعاده لا تاتي الا بالثمينه
صح قلبك ولاهنت
جزله ووافيه لاعدمناك
*
**
*
محبتي
[/align]

مـن بيـن طيّـات صـدرٍ شـل مــالا يطـيـق لاجـاع حزنـه؟ .. تعشّـا جـروحـه المزمـنـه

الله عليك ياسعد

كتـل هـوامـش بشـريّـه .. تـنـام وتفـيـق رديـان وحتّـى الـردى .. بالظبـط .. ماتتقـنـه

ردي وحتي الردى مايتقنه مسجل رقم قياسي في الرخامه ولاكن من ما يريح انه كتله هامشيه 0

لاكـن علـى كـل حـال الطلـق يبقـى طلـيـق لـو عاينتـه العـيـون .. وضـدّتـه الأزمـنـه

صح السانك
سعد انت خزينه بل مخازن ابداع وطاقه شعريه هايله كفيله بالتمون الى امد بعيد يصعب قياسه0


لك اعجابي وتحياتي

هلا والله بها الطله ..

ابو جابر ..

واحشني كثر ما وحشني قصيدك ..


صح لسانك .. وشاعر مبدع فعلا ولك بصمتك الخاصه ..


الله يعطيك العافية وخلهم يقولون اللي يقولونه ..


تقبل تحياتي

ارررررررررحب ياسعد


مرحبا من طبخة القهوه لسنام القعود





مرحبا مددما هيب عدد








شاعر ماتجتاج شهاده من احد قصيدك خير شاهد





صح الله لسانك مليوووووووون ولاهنت يامحلفي



ودعتك الله يالذيب

رد: خزنة ملـك..

باقتباس من مشاركة سعد بن علوش [poet font="Simplified Arabic,4,white,bold,normal" bkcolor="black" bkimage="backgrounds/3.gif" border="solid,4,gray" type=0 line=200% align=center use=ex length=0 char="" num="0,black" filter=""]

مساء الخير .. للنداوي شي كبير في قلبي
وأتمنّى تسمحلي ظروفي وأتواجد أكثر من أنّي أغيب
أهداء لكل غالي .. ولسعيد الحمالي بـ الأخص



النفس خزنة ملك.. والحزن قاطع طريق = والجرح؟ .. يوجر عليه المسلم اليا أحزنه
وأنا من العام .. وآنا أشعر بيبسان ريق = يفرج سجيني مع عيني وأرد أسجنه
من بين طيّات صدرٍ شل مالا يطيق = لاجاع حزنه؟ .. تعشّا جروحه المزمنه
مجسّم أنسان من داخل رمادة حريق = وقودها المغريات .. ونفسي المؤمنه
أحياناُ.. أبكي من الخشيه لحد الشهيق = وأحياناُ أقبل على الآذان .. ولا أذّنه
ماعاد.. أنا.. أيّاي.. يلله لاتخلّي عويق = عاقتبه عيون روس مدلبحه .. وألسنه
كتل هوامش بشريّه .. تنام وتفيق = رديان وحتّى الردى .. بالظبط .. ماتتقنه
لاكن على كل حال الطلق يبقى طليق = لو عاينته العيون .. وضدّته الأزمنه
عذر السنافي معه والعذر حبله وثيق = لو حس رعبوبته .. والاّ جفا موطنه
رعبوبتي,,, ياوجودي ياغلاك العتيق = عنه مكانٍ لقيتك فيه عاما .. عنه
يوم الشجر صاير ..لـوجهك مشجّع فريق = من وين ما أفترّ.. تتغيّر معه الأمكنه
للحين باقي بدربه من رحيقك رحيق = وللحين أيتمتم حكينا العذب .. ويدندنه
يوم أنّي أشّر على صدري وعينك تويق = وآقول أنتي هنا .. وأتقولي .. أنتا هنه
الهاء .. فاآخر كلماتك بصوتٍ رقيق = تشطب على برمجة سمعي .. وتستوطنه
منتي بشر جعل من جابك .. ضحيّة زريق = شارعك يحسبلك بـ الأمتار .. يامفتنه
اليا أنتصفتيه؟ يضيق .. وكل ماله يضيق = كنّك ..كوكايين .. وأرصفته خشم .. مدمنه
رعبوبتي؟ .. ماخبرت أنّه تحرّك طويق = شاعرك مجنون خلقه والشعر جنّنه
قوليلهم ينتهون ولا يطول الزعيق = الميسره ميسره .. والميمنه ميمنه
وقوليلهم للعراقه .. راس صبيٍ عريق = ياكم سرٍ يعرفه .. بس مايعلنه
أتنوخذ البحر .. ولا أرسي ..بجال المضيق = والشي بالشي؟ .. لاعيبه ولا أستحسنه
الاّ الرفيق اللّي يستغل طيب الرفيق = هذي اللّي ماهيب مقبوله ولا .. ممكنه
ياصاحبي؟ كان لك مال الشقيق الـ شقيق =والحين جمّع بقايا مامضى وأدفنـه
وياقلبي اللّي وساويسك تنجّي غريق = الله لايصغر أبليسك .. ولا يلعنه
ماهو فخر في سنه .. تعرفلك ..أمية صديق = الفخر ؟ تتعرّف بـصديق .. لميـة سنه
[/poet]

ارررررررررررررررررحب

يالله حي ابو جابر


شاعر عميق المعني ,قوي العباره , فخم الديباجه , لك طابع خاص لا يشبهه احد الا سعد علوش نفسه



عزالله عرف يوصفك ابو ناصر


صح لسانك

ولا اقدر اقول شي غير كذا

انت النجاح والابداع ياسعد
وخل الغافله تسير (........) تنبح




اخوك
فهد بن دلباح

أتنوخذ البحـر .. ولا أرسـي ..بجـال المضيـق
...................... والشـي بالـشـي؟ .. لاعيـبـه ولا أستحسـنـه
الاّ الرفيـق الـلّـي يستـغـل طـيـب الرفـيـق
......................... هـذي اللّـي ماهيـب مقبـولـه ولا .. ممكـنـه

الله الله

صح لسانك يا سعد
ولا هنت

الشاعر المبدع : سعد بن علوش


صح السااااانك على هذه الراااائعه والمعبره والجميله
كلمة نرى بها احساس شاعر
بوح ونزف وابدااااع
اطيب التحيه

للحيـن باقـي بدربـه مـن رحيـقـك رحـيـق وللحيـن أيتمتـم حكينـا الـعـذب .. ويدنـدنـه
يوم أنّـي أشّـر علـى صـدري وعينـك تويـق وآقـول أنتـي هنـا .. وأتقولـي .. أنتـا هـنـه


يعود ابن علوش وينثر التميز

والابداع

امطرت الفصول وارتوت القلوب


لله درك


سجل تواجدى ومتابعتي المستمرة


اخوووووووووك

المبتكر

أتعبت من قبلك ومن معك ومن بعدك


سعد بن علوش

من هذا الأسم يبدا الجيل بالكتابه


أحياناُ أبكي من الخشيه لحد الشهيق
وأحياناُ أقبل على الأذان ولا أذّنه

كل بيت فيه من المفردات والمعنى والتصوير .. مايكفي لكتابة خمس قصايد
( ماعاد أنا أيّاي)


مجسّم أنسان


المغريات

كتل هوامش بشريّه

وآقول أنتي هنا .. وأتقولي أنتا هنه

الهاء .. و و و و و كثير كثير ياسعد

أحساس خطير فعلا شفتك وشفت ضروفك وعشقك وزعلك وطهارتك هذا انت بالظبط كأنها رسمه لك

سعد مدري شقول .. ملاحظه

كل قصيده تكتبها نقرا بعدها عشرات القصايد المشابهه

مثلا الانسكاب نلقى عشرين شاعر يكتب على أأب .أوب....الخ

تنبيه لكل من يفكّر في الاقتباس أرجوكم

دعو أدوات الأبتكار للمبتكر

ودعو هذا المعلّقه لعشّاقها المتذوقين لاتشووها بالتقليد أرجوكم


شكرا ا لجنونك يامبتكر

هلا وغلا

ياسعود

ودمت أخ عزيز


وصح الله بدنك

اررررررحب


سعد بن علوش



صح الله السانك ولاهنت


قصيده رائعه من رائع


لله درك

تحياتي لك


سعد الصواغ

ارحب يابو جابر


اسعدتنا بتواجدك وعودتك الغاليه


شاعر متمكن جزل مبدع


صح لسانك وسلمت يمناك ولا عدمناك


تقبل تحياتي وتقديري

[بنت_الغلا]

سعد بن علــوش

الاّ الرفيـق الـلّـي يستـغـل طـيـب الرفـيـق هـذي اللّـي ماهيـب مقبـولـه ولا .. ممكـنـه


ماهو فخر في سنـه .. تعرفلـك ..أميـة صديـق الفخـر ؟ تتعـرّف بصـديـق .. لمـيـة سـنـه

الله عليــــك ....

تسلــم يمينك .. وصح السانك ...وننتظـر جديد إبدااااعك ..