Tweet
قصيده لم يسبق نشرها اتمنى ان تليق برقي ذائقتكم ..
ياقصيدي شد حيلك واخذ من جورك عداله
= = = = = = = وانفض غبارك وطوّح باللحون السامريه
ابشر بعلمٍ تسر البال رشفه من زلاله
= = = = = = = ابشر بعلمٍ يجيب اقصاك ويردك عليه
ابشر بريف الضلوع العوج جت منها رساله
= = = = = = = رجعتـني للحيـاه وذكـرتني بالمنيـه
اكتبت فيها :- (( من سهول الشمال ومن جباله
= = = = = = = لأرض الاحباب وبلاد الحب الى نجد العذيه
من صبيه عاث فيها الوقت واعياها احتماله
= = = = = = = للحبيب اللي يطيح فـغيبته دمع الصبيه
يالحبيب ان مرك اسمي فالرساله وانت داله
= = = = = = = اعتبر هاك الرساله طيش بنت ٍ نرجسيه
وان قريت اسمي وطاحت دمعتك قبل الكماله
= = = = = = = كمّل السطر الاخير وبلّغ الشعر الوصيه ))
واكتبت لي فآآخر سطور الغلا سطرٍ لحاله
= = = = = = = بشرت فيه القصيد وجت تسوق الشعر ليّه
ياقصيدي وانت عم القلب وجروحي خواله
= = = = = = = لاتـردىّ ماخبرتـك ياولـد راعـي رديـه
اقدح النار وتوّلم مانبي لحدٍ جماله
= = = = = = = مالهـا غير المسـاري والحروف الابجديه
دامها لعيون بنت الشعر والحسن ودلاله
= = = = = = = والله ان يقال فيها الشعر وتسوقه حميه
العنود اللي تذّكّر واحدٍ ماغاب باله
= = = = = = = بالقصايد والرسايل واسمها والمقدريه
كيف تسألني عن اسمٍ هزّ له غصن وحدا له ..
= = = = = = = شاعرٍ من طول صمته ماهقيت القاه فيّه
ليتها تسأل جنوب القلب عن صحرا شماله
= = = = = = = كم بقت رغم الهبايب في قفاريه الخليه
وان بغت تسأل قصيدي جعل يفداها خياله
= = = = = = = تقلط هنيا وتبشر بالسعد والشاعريه
القصيد ان ماتجهّم وانتخى لاجا مجاله ..
= = = = = = = وش نبيبه يوم نكتب فيه ونحطه قضيه
ما يصحش يا راقل
وما هي بعيب .. لان الشاعر الصادق لما يتاثر في موقف صدقنى راح يسطر اجمل واعذب الكلمات ... وبالتالي اللى راح يقرئها من بعده راح يصيبه تاثر من هذى التوليفه الرائعه .
تعليق