Tweet
السلام عليكم ورحمة الله وبركاته ،،،
احبتي الكرام
اسعد الله جميع اوقاتكم بالخير والسرور
اعتذر منكم على غيابي الفتره الماضيه
واعود لكم بهذا النص واتمنى ان يشفع لغيابي وان ينال رضاكم القبول
واستلموو لاهنتووووو .....
[poet font="Simplified Arabic,4,black,normal,normal" bkcolor="transparent" bkimage="" border="double,5,gray" type=0 line=200% align=center use=ex length=0 char="" num="0,black" filter=""]
ياقلب ياكثر الغثا في وقتك "="وياقلب وقتك كيف انا بلومه
لا صار مالي في زماني قدره "="والطير دون الريش يصعب حومه
وقتٍ تغير ما بقا له قيمه "="ضاعت معالم عزته ورسومه
يشيب اللي مابعد جاء حله "="ويمشي بدمه كنه الجرثومه
حتى السماء منه مطرها نيزك "="والارض صارت تنبت الزقومه
وفجر منابيع المهونه فينا "="ساد وطغى فينا وبث سمومه
واصبح يغنينا على طاروقه "="اغنيّة المصري على كلثومه
الين صرنا فالزمان التالي "="مثل الرسايل بالختم مختومه
اللي قراها ساعةٍ ينساها "="وتطير مع هب الهوى المنسومه
وقتٍ به الفارس يعوّد خايف "="بعد الشجاعه نفرته مكتومه
ماعاد ينفع محزمه وسلاحه "="وعقب المعزه عزته معدومه
لو كان مبطي منزله بالعالي "="عوّد كسير وحملته مردومه
حطم وكسر مابقا من شيمه "="والقرم حطم هيبته وعزومه
قام يتصافق وقته المتدني "="بعلوم تفضح سقفه المطمومه
اليا تكلم بالكلام الطيب "="قالو ضعيف ونيته مرحومه
واليا تقدم بالمراجل قالو "="امهايطي راسه عنيد وعومه
متحجرٍ من عصره المتحجر "="مايفهم الدينا وذا وش قومه
كل يتحاشى قربه المتنزه "="يصد من وجهه وعاف علومه
مادام ماله قرش وش يبغابه "="كريه وجه وسيرته منقومه
محدٍ يداني جلسته بالمجلس "="لاجله مايرضى جلسةٍ مضيومه
ينطق بهرج الحق لو في ضده "="ويعالج اهل الأنفس المسقومه
واللي بجيبه قرش ذا ياطيبه "="كلٍ يبيه وصحبته ملزومه
شيخٍ تعلى بالمناصب عالي "="زادت معاويشه وزاد سهومه
وكلٍ يقول انه رفيقٍ غالي "="من زود طيبه كلنا بنرومه
لو كان مايستره ضافي الملبس "="ستير حال ولو يشق هدومه
مايدرو انه بالصمايل أرنب "="لا ثوّرت في ساعةٍ ملغومه
يقفي كما يقفي الغزال الشارد "="ماله ومال الليلة الملؤمه
مال الحمول الا جملها البارك "="وأم الشدايد لأهلها الزيزومه
ويالعنبوها دنيةٍ ماتسوى "="قامت تحط الكسره المضمومه
وقامت تساوي عاليٍ مع طامن "="واتقرب الخرخير للقيصومه
ياكيف يادنيا العنا وش باقي "="ياكيف صار العود مثل الثومه
والذيب حوّل من علو مرقابه "="والحر تنزل في مكانه بومه
اقفى زمان العز وقت الهيبه "="واقبل زمان الساهره فطومه
اقفى وخلى اهل الوفا من خلفه "="وأقبل وجاب الأنفس المشئومه
وكلٍ على ليلاه غنا دانه "="ماهمه الا بطنه المحمومه
يمجد المخطي ويمدح فعله "="ماميز الظالم عن المظلومه
فيه النفاق الواضح المتبيّن "="ويزيد من سعر السلع والسومه
قلته وانا اللي مايبري نفسه "="ومافيه نفس من الخطا معصومه
شاعر واصوغ القاف لي اسلوبي "="لو كان يزعج من تزيد همومه
اسجد لربٍ لا الهٍ غيره "="وارضى بقدره واقتنع بقسومه
و اعز نفسي عن هواها ساعه "="واخاوي اللي يحتمي بسلومه
واعيش عيشة عز والا الموته "="اخير لي من لقمةٍ مطعومه
واقطع برجلي في فيافي الديره "="في نجد واشرف علو ارجومه
واذكر فعايل ربعنا بالماضي "="يوم الديار بسعدها ملمومه
واليا ضواني الليل جاني طاري "="واقعد افسر ماورد بحلومه
انا حلمت ان الكواكب تمشي "="وسط الشوارع والبلد مزحومه
وكبد السما صارت ظلامٍ موحش "="تبكي على فرقا القمر ونجومه
واستبدلت من بعدها نجافه "="وحطت عليها نقشةٍ مرسومه
ثم زوجتها نورها المتخفي "="في ليلةٍ تلقح بها المعلومه
وحبلت وجابت كوكبٍ متعلي "="كل السعد والخير وسط غيومه
وكثرو عياله في زمانٍ آخر "="واستبشروبه في زمان النومه
وياقلب هذا حلمنا اللي جانا "="داهم صحيبك وافزعه من نومه
لكن ياقلبي تصبر واصبر "="حتى تزيل الغمه المغمومه
والمعذره ياقلب لو احرقتك "="هذي سوالف صاحبك وعلومه
يكتب بها حبر الورق ويغني "="ويردد الحانه على المنظومه
انا ادري اني بالزمن وهقتك "="مير الزمن ياقلب كيف نلومه
وسلامتكم
جازع الخنفري
[/poet]
احبتي الكرام
اسعد الله جميع اوقاتكم بالخير والسرور
اعتذر منكم على غيابي الفتره الماضيه
واعود لكم بهذا النص واتمنى ان يشفع لغيابي وان ينال رضاكم القبول
واستلموو لاهنتووووو .....
[poet font="Simplified Arabic,4,black,normal,normal" bkcolor="transparent" bkimage="" border="double,5,gray" type=0 line=200% align=center use=ex length=0 char="" num="0,black" filter=""]
ياقلب ياكثر الغثا في وقتك "="وياقلب وقتك كيف انا بلومه
لا صار مالي في زماني قدره "="والطير دون الريش يصعب حومه
وقتٍ تغير ما بقا له قيمه "="ضاعت معالم عزته ورسومه
يشيب اللي مابعد جاء حله "="ويمشي بدمه كنه الجرثومه
حتى السماء منه مطرها نيزك "="والارض صارت تنبت الزقومه
وفجر منابيع المهونه فينا "="ساد وطغى فينا وبث سمومه
واصبح يغنينا على طاروقه "="اغنيّة المصري على كلثومه
الين صرنا فالزمان التالي "="مثل الرسايل بالختم مختومه
اللي قراها ساعةٍ ينساها "="وتطير مع هب الهوى المنسومه
وقتٍ به الفارس يعوّد خايف "="بعد الشجاعه نفرته مكتومه
ماعاد ينفع محزمه وسلاحه "="وعقب المعزه عزته معدومه
لو كان مبطي منزله بالعالي "="عوّد كسير وحملته مردومه
حطم وكسر مابقا من شيمه "="والقرم حطم هيبته وعزومه
قام يتصافق وقته المتدني "="بعلوم تفضح سقفه المطمومه
اليا تكلم بالكلام الطيب "="قالو ضعيف ونيته مرحومه
واليا تقدم بالمراجل قالو "="امهايطي راسه عنيد وعومه
متحجرٍ من عصره المتحجر "="مايفهم الدينا وذا وش قومه
كل يتحاشى قربه المتنزه "="يصد من وجهه وعاف علومه
مادام ماله قرش وش يبغابه "="كريه وجه وسيرته منقومه
محدٍ يداني جلسته بالمجلس "="لاجله مايرضى جلسةٍ مضيومه
ينطق بهرج الحق لو في ضده "="ويعالج اهل الأنفس المسقومه
واللي بجيبه قرش ذا ياطيبه "="كلٍ يبيه وصحبته ملزومه
شيخٍ تعلى بالمناصب عالي "="زادت معاويشه وزاد سهومه
وكلٍ يقول انه رفيقٍ غالي "="من زود طيبه كلنا بنرومه
لو كان مايستره ضافي الملبس "="ستير حال ولو يشق هدومه
مايدرو انه بالصمايل أرنب "="لا ثوّرت في ساعةٍ ملغومه
يقفي كما يقفي الغزال الشارد "="ماله ومال الليلة الملؤمه
مال الحمول الا جملها البارك "="وأم الشدايد لأهلها الزيزومه
ويالعنبوها دنيةٍ ماتسوى "="قامت تحط الكسره المضمومه
وقامت تساوي عاليٍ مع طامن "="واتقرب الخرخير للقيصومه
ياكيف يادنيا العنا وش باقي "="ياكيف صار العود مثل الثومه
والذيب حوّل من علو مرقابه "="والحر تنزل في مكانه بومه
اقفى زمان العز وقت الهيبه "="واقبل زمان الساهره فطومه
اقفى وخلى اهل الوفا من خلفه "="وأقبل وجاب الأنفس المشئومه
وكلٍ على ليلاه غنا دانه "="ماهمه الا بطنه المحمومه
يمجد المخطي ويمدح فعله "="ماميز الظالم عن المظلومه
فيه النفاق الواضح المتبيّن "="ويزيد من سعر السلع والسومه
قلته وانا اللي مايبري نفسه "="ومافيه نفس من الخطا معصومه
شاعر واصوغ القاف لي اسلوبي "="لو كان يزعج من تزيد همومه
اسجد لربٍ لا الهٍ غيره "="وارضى بقدره واقتنع بقسومه
و اعز نفسي عن هواها ساعه "="واخاوي اللي يحتمي بسلومه
واعيش عيشة عز والا الموته "="اخير لي من لقمةٍ مطعومه
واقطع برجلي في فيافي الديره "="في نجد واشرف علو ارجومه
واذكر فعايل ربعنا بالماضي "="يوم الديار بسعدها ملمومه
واليا ضواني الليل جاني طاري "="واقعد افسر ماورد بحلومه
انا حلمت ان الكواكب تمشي "="وسط الشوارع والبلد مزحومه
وكبد السما صارت ظلامٍ موحش "="تبكي على فرقا القمر ونجومه
واستبدلت من بعدها نجافه "="وحطت عليها نقشةٍ مرسومه
ثم زوجتها نورها المتخفي "="في ليلةٍ تلقح بها المعلومه
وحبلت وجابت كوكبٍ متعلي "="كل السعد والخير وسط غيومه
وكثرو عياله في زمانٍ آخر "="واستبشروبه في زمان النومه
وياقلب هذا حلمنا اللي جانا "="داهم صحيبك وافزعه من نومه
لكن ياقلبي تصبر واصبر "="حتى تزيل الغمه المغمومه
والمعذره ياقلب لو احرقتك "="هذي سوالف صاحبك وعلومه
يكتب بها حبر الورق ويغني "="ويردد الحانه على المنظومه
انا ادري اني بالزمن وهقتك "="مير الزمن ياقلب كيف نلومه
وسلامتكم
جازع الخنفري
[/poet]
[/align]
تعليق