صــوت وصــدى مع الشاعر مفرح الضـمني

[ALIGN=CENTER]اهداء الى عشاق الشعر واهداء الى جميع النداويه وعلى راسهم

حمد السحيمي

صوت وصدى مع الشاعر الكبير مفرح الضمني

الله يطول عمره

القصيده في اخي المقدم / بداح بن محمد بن دهيم الدوسري

والرد مني ..[/ALIGN]

قال مفرح الضمني

[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ودك الى راجعت مركز حكومه = تلقى مديره بالعمل كنه بداح

ابن دهيم اللي تنومس علومه = تجيه ضايق بال وتروح مرتاح

طيّب ونفسه للمراجع رحومه = بالطيب علّق له نياشين واوشاح

واليا لبس تاج الشرف مع نجومه = تفتح لك الابواب من غير مفتاح

من لابةٍ عند الرجال امحشومه = اولاد زايد مهدية غال الارواح

لاجا نهارٍ فيه بيعه وسومه = تعرف مواقفهم الا صاح صياح

اقولها والطيب تعرف سلومه = على النقا ما هي هرابيد مزاح
[/poem]

وانا رديت ..
[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

يامرحبا باللي يشرف قدومه = مفرح الضمني له انزف الافراح

من لامني في حبه الله يلومه = الشاعر اللي كنه البرق لا لاح

كن القوافي في يديه امحكومه = عزيز نفس وللنواميس مداح

يامادح كحيلان هذا لزومه = في خدمة اللي مثل شرواك ماشاح

لجل الوطن يبذل وتقوى عزومه = كسب النعم تسوى ملايين الارباح

الطيب بين اهل الوفا الله يدومه = ومثلك يابو فيصل به الطيب ماراح

امعرب الجدان وامطير قومه = خيالهم يقبل على الموت نطـّاح

يوم الزمن قاسي وزادت سمومه = افعالهم تشهد لها علط الارماح

من حط حمران النواظر خصومه = ماله مع اهل العز قيمه الى طاح

كل الشكر للي يشرف قدومه = مفرح الضمني له انزف الافراح[/poem]

وسلااامتكم

الغالي ناصر بن دهيم


صح السان مفرح الضمني

وماقال غير الحق


وانتم تستاهلون المدح

وصح السانك ولاهنت


كفيت ووفيت

ومطير ونعم يستاهلون المدح


لك تحياتي

امعرب الجدان وامطير قومه خيالهم يقبل على الموت نطّاح

يوم الزمن قاسي وزادت سمومه افعالهم تشهد لها علط الارماح

من حط حمران النواظر خصومه ماله مع اهل العز قيمه الى طاح

الله لايهينك ياناصر

عزالله انك رديت على ابو فيصل

قصيده تشرفت في قرائتها من قبل

تحياتي ياولد زايد

تركي الديحاني

[ALIGN=CENTER]
صح لسانك ياناصر ولاهنت









صوت وصدى ولا أروع

شعر راقي وعلوم رجال

أخوك : محفوظ الهذلي
[/ALIGN]

ارحب


يا ناصر



صح السانك ولاهنت يالقرم



وصح السان الشاعر الكبير مفرح الضمني


ونعم فيك وفي المطران


رد وافي وجزل


لله درك

تحياتي لك

صح لسان مفرح الضمني


ولسانك يبن دهيم


وتستاهلووون المدح















وافي يبو محمد

الشاعر ناصر بن دهيم



صح لسان مفرح وانتوا وافين وتستاهلون


ولاهنت وصح لسانك


تحياتي

نورت القصيده يالوطري بقرائتك لها


صح بدنك وكل الشكر لك
تحياتي
لك

لاهنت ياناصر




وصح السانك والسان الشاعر




مساجله طيبه وكفوو





تحياتي

الاخ الغالـــــــــــي





ناصر بن دهيم



صح الله لسان مفرح الضمني على قصيدتة الجزلة التي اشاد بالنشاما وفعولهم الطيبة وكفوووووووووووووو



ومهوب غريب عليكم وصح الله لسانك على الرد الطيب


قصيدة وافية من وافي نستفيدمنة




ولاهنت




........... تقبل خالص الاحترام والتقدير......!!

ناصر بن دهيم




هلا وغلا




حضور ولا احلى



صوت وصدى جميل ومجاراه لشاعر علم من شاعر المستقبل



لاهنت ياناصر




كل الود لك

ناصر بن دهيم


صوت وصدي رائعين للغاية


استمتعت بقرئتهما كثيرا

وبوجة خاص شعرك جميل للغاية


اتمنى لك التوفيق

مفرّح الظمني وابن دهيم
صح الله السنتكم ولا هنتوا
قصيد جزل عزالله
اسلم وسلّم
..

ناصر بن دهيم الدوسري



صح الله السانك


انت والشاعر الكبير مفرح الضمني المطيري

وانتم تستاهلون المدح


ونعم بمطير وبالدواسر وبكل القبايل بلا تخصيص


لك كل التقدير يا جزل

[راشد العجمي]

الغالي جدا../ ناصر بن دهيم..


صح الله لسانك ولسان مفرح وبيض الله وجيهكم بياض الشاش..

كلكم وافين ومليون نعم والله.. أبدعتوا وكفيتوا ووفيتوا..


لاهنت يابومحمد.. ومن أبداع لآخر...








بس أقول..؟؟ يمدحون الموكا يوم الأربعاء

اسم وسلم يالغالي..