Tweet
[poet font="Simplified Arabic,5,black,normal,normal" bkcolor="transparent" bkimage="" border="double,7,gray" type=0 line=200% align=center use=ex length=0 char="" num="0,black" filter=""]
مشاركه آمل ان تحوز على رضاكم
البارحه يوم كل الناس هجاعي=جفني همومي عن المرقاد مانعته
مانمت ليلي وحيد وناظري واعي=والهم مابين فكر وقلب وزّعته
وردت علي الهجوس اسداس وارباعي=والكل منها يمون وقال رابعته
وقمت اكتب ابيات فيها القاف مطواعي=ان طاع والا تحديته وطوّعته
ياغاية الروح ياعيدي ومرباعي=ارفق على خافقٍ بالحيل لوّعته
ياكيف تصغي لعذالك بالاسماعي=لين ازعجك قول ملقوفٍ تسمعته
وتقول مستقبلك من سبتي ضاعي=وانت السبب تعرفه وتقول ضيّعته
هاذي ظروف الزمان اشكال وانواعي=كم غيرنا اللي ظروف الوقت موجعته
والضيقه اللي بصدرك مالها داعي=انا حبيبك وفيك الحكي ما طعته
اشفق على شوفتك مانيب خداعي=معك الغلا ياحبيبي ما تصنّعته
لو تدري بحب قلبٍ منك ملتاعي=ماكان تليت معلوقه ومزّعته
يابو عيونٍ كحيله سود ووساعي=لك باب قلب العنا يازين شرّعته
ولا غيرك احدٍ عرف عن جملة اوضاعي=وحدك على عالمي بالذات طلّعته
بالك تجي يالطيف الروح طماعي=ثم تخسر ضعف ما تملك وجمعّته
اسمع كلامي عدل يازين الاطباعي=قولٍ على ماتبي صغته ونوّعته
إن كان تمشي لمحبوبك بالاسناعي=انا اشتري القرب منك ولا بعد بعته
وإن كان شفتك لهرج الناس سماعي=بالشمع الاحمر خفوقي عنك شمعّته
هذا قراري وتوقيعي بالاصباعي=توقيعي اللي بدم القلب وقعته
وسلامتكم
[/poet]
مشاركه آمل ان تحوز على رضاكم
البارحه يوم كل الناس هجاعي=جفني همومي عن المرقاد مانعته
مانمت ليلي وحيد وناظري واعي=والهم مابين فكر وقلب وزّعته
وردت علي الهجوس اسداس وارباعي=والكل منها يمون وقال رابعته
وقمت اكتب ابيات فيها القاف مطواعي=ان طاع والا تحديته وطوّعته
ياغاية الروح ياعيدي ومرباعي=ارفق على خافقٍ بالحيل لوّعته
ياكيف تصغي لعذالك بالاسماعي=لين ازعجك قول ملقوفٍ تسمعته
وتقول مستقبلك من سبتي ضاعي=وانت السبب تعرفه وتقول ضيّعته
هاذي ظروف الزمان اشكال وانواعي=كم غيرنا اللي ظروف الوقت موجعته
والضيقه اللي بصدرك مالها داعي=انا حبيبك وفيك الحكي ما طعته
اشفق على شوفتك مانيب خداعي=معك الغلا ياحبيبي ما تصنّعته
لو تدري بحب قلبٍ منك ملتاعي=ماكان تليت معلوقه ومزّعته
يابو عيونٍ كحيله سود ووساعي=لك باب قلب العنا يازين شرّعته
ولا غيرك احدٍ عرف عن جملة اوضاعي=وحدك على عالمي بالذات طلّعته
بالك تجي يالطيف الروح طماعي=ثم تخسر ضعف ما تملك وجمعّته
اسمع كلامي عدل يازين الاطباعي=قولٍ على ماتبي صغته ونوّعته
إن كان تمشي لمحبوبك بالاسناعي=انا اشتري القرب منك ولا بعد بعته
وإن كان شفتك لهرج الناس سماعي=بالشمع الاحمر خفوقي عنك شمعّته
هذا قراري وتوقيعي بالاصباعي=توقيعي اللي بدم القلب وقعته
وسلامتكم
[/poet]
[/align]
تعليق