Tweet
[[poet font="Simplified Arabic,4,red,normal,normal" bkcolor="transparent" bkimage="backgrounds/18.gif" border="none,4,orangered" type=0 line=200% align=center use=ex length=0 char="" num="0,black" filter=""]
مساكم الله بالخير
اقدم هذي القصيده على أمل أن تنال الاحترام والتقدير منكم
سلام الله على الغصن الرهيف المّيس الفتّان
=سلام الله على حبي وشوقي وكل وجداني
ســـــلامٍ منبِّعه جرحٍ قديم وخافقٍ ولهــــان
= لِفحْ وجهه سموم أنفاس طفلٍ داخل أجفاني
حبيبي لا تشرّه دام حِنْ ربع وعرب واخوان
=وقبل هذا حبايب جـعـل أبو ما جاك يبلاني
لو إني داريٍ يا ذا الغــــزال اللي تجرْ الـدان
=وعلى طرْق الربابه دايمٍ تعزف لي أحزاني
على إن الفكر يسرح والخفوق يسج في الوديان
=لما بخّرت لك عودي وأنا شفْقٍ و ولهاني
ولا هزٍّيتْ لك غصن القصيد المثمر القيفان
=تطيح القافيه مثل الزهر وتفوّح أشجاني
ولا جرّيْت في روس النوايف صادق الدِّندان
=على غروٍ له سنينٍ يواعدني ويجفاني
حبيبي تقبل جروحي مثل هجنٍ وسط ميدان
=تدرهم لي وأنا واقف وأشوف الموت ينصاني
ولا قالوا من اللي جرَّحك ؟هو قايد الغزلان؟
=عريبٍ ساسه وغيره حشى ما ينطق لساني
عليك الله وأمان الله وقلبٍ يابسٍ ذبلان
=تْلطِّم به رياح الشوق في صلفات الأزماني
على إني وافيٍ لك يا بعد عمري حشا ما كان
=سكن بين الضلوع العوج غيرك واحدٍ ثاني
أنا ما أفرِّط بـ لولوتمختر في وسط مرجان
=حشا ما أفرّط بـ حبٍ جرا في وسط شرياني
حبيبي طالبك بسمه هدَبْ من جفنك التعبان
=لعَلْ ويا عسى يبرا خفوقٍ فيك ولهاني
أنا ما أبغى مطر عاصف أنا أرجي غيمتك هتّان
=أبي زخِّات عطفٍ ترتسم فيني وتمحاني
وسلام الله على غصنٍ رهيفٍ ميِّسٍ فتّان
=سلب روحي و لبّي وأنْتِشَا في كل وجداني
وسلامتكم
[/poet]
مساكم الله بالخير
اقدم هذي القصيده على أمل أن تنال الاحترام والتقدير منكم
سلام الله على الغصن الرهيف المّيس الفتّان
=سلام الله على حبي وشوقي وكل وجداني
ســـــلامٍ منبِّعه جرحٍ قديم وخافقٍ ولهــــان
= لِفحْ وجهه سموم أنفاس طفلٍ داخل أجفاني
حبيبي لا تشرّه دام حِنْ ربع وعرب واخوان
=وقبل هذا حبايب جـعـل أبو ما جاك يبلاني
لو إني داريٍ يا ذا الغــــزال اللي تجرْ الـدان
=وعلى طرْق الربابه دايمٍ تعزف لي أحزاني
على إن الفكر يسرح والخفوق يسج في الوديان
=لما بخّرت لك عودي وأنا شفْقٍ و ولهاني
ولا هزٍّيتْ لك غصن القصيد المثمر القيفان
=تطيح القافيه مثل الزهر وتفوّح أشجاني
ولا جرّيْت في روس النوايف صادق الدِّندان
=على غروٍ له سنينٍ يواعدني ويجفاني
حبيبي تقبل جروحي مثل هجنٍ وسط ميدان
=تدرهم لي وأنا واقف وأشوف الموت ينصاني
ولا قالوا من اللي جرَّحك ؟هو قايد الغزلان؟
=عريبٍ ساسه وغيره حشى ما ينطق لساني
عليك الله وأمان الله وقلبٍ يابسٍ ذبلان
=تْلطِّم به رياح الشوق في صلفات الأزماني
على إني وافيٍ لك يا بعد عمري حشا ما كان
=سكن بين الضلوع العوج غيرك واحدٍ ثاني
أنا ما أفرِّط بـ لولوتمختر في وسط مرجان
=حشا ما أفرّط بـ حبٍ جرا في وسط شرياني
حبيبي طالبك بسمه هدَبْ من جفنك التعبان
=لعَلْ ويا عسى يبرا خفوقٍ فيك ولهاني
أنا ما أبغى مطر عاصف أنا أرجي غيمتك هتّان
=أبي زخِّات عطفٍ ترتسم فيني وتمحاني
وسلام الله على غصنٍ رهيفٍ ميِّسٍ فتّان
=سلب روحي و لبّي وأنْتِشَا في كل وجداني
وسلامتكم
[/poet]
تعليق