الشـــــــعر والبولندي!

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
سبحانه اللي ماتنام عيونه = اللي عباده كلهم يرجونه
استغفره واسبحه واخضع له = واطلب رضاه وفي الشدايد عونه
ومرضاة شيباني يسهلها لي = حيث انها بعبادته مقرونه
وان يسّر الله طلبتي واعطاني = فاصعب صعيب بعدها ياهونه
كل العقد لو طوّلت منحله = حتى لو رماح الزمن مسنونه
واكبر قضيه في زمنا هذا = الساحة الشعبية ال*****ه
شفنت العجايب والبلاوي فيها = وزادت على الصدر الوسيع غبونه
هرجه ودرجه شدها واحملها = واهل الصحافه صوتو مجنونه
قالو قصيده واصلها خثروقه = واللي نشرها قد كلا عربونه
صحافة اش حالك وخذني جيتك = الكيف بيبسي والقدوع التونه!
صحافة سعيّد خوي مبارك = والموتر اللي ماطلع كربونه
يامكثر العمدان في المطبوعه = يكتب بها الدندون والدندونه
والنشر والتوزيع ماشي سوقه = لان الغلاف تجمّله مزيونه
غرة حليمة مع شفايف ننسي = وادفع ضريبه وانفخ البالونه
وجمهورهم بقعا تصوعه دجه = لعيونهم اخر عدد يشرونه
بس الحقيقه مايلام الشاري = لو يدفع رياله مع مليونه
بنت الغلاف وشكلها الفتاني = ابرك ولا هزل الحكا يقرونه
ياثقل دمك يالملف الشعبي = اصبح مطبٍ والعرب ياطونه
يمكن تلاقي في الميه كم واحد = راعي جزيل وافيات لحونه
واما البقيّه شلة المتريّس = راعي الرحا والحبة المطحونه
سيف القصيد اخذوه غير اصحابه = حتى استوى قدره مع الحاجونه
صفصف كلامه والمحرر يرقب = يرقب عشا المقرود فوق صحونه
ونهايته ياشين تقفيلتها = اكلو عشاه وكسّرو ماعونه
شلة حسيب الله قصار القامه = ياليتها تحت الثرى مدفونه
وانا يدي من كل مافي الساحه = غسّلتها بالماي والصابونه
وابنصح اللي للجزايل ينظم = الدرج يحفظ منتجه ويصونه
ويعد جزلاته على الذويقه = في مجلس كل العرب ينصونه
عند الرجال اللي تثمّن قوله = اللي جزيل القول ماينسونه
اهل القصيد يقدّرون الشاعر = وان غاب عنهم رسّلو يدعونه
ماهم بشلة شد لي واقطع لك = ابشر ولو هو فارغٍ مضمونه
باسبابهم موروثنا به عله = غبّر صبيح وعوّدت لقرونه
والمشكله ماينقطع تاليهم = كلٍ بديله جاهز بكرتونه
صحافة التدليس يالله بدها = قدّام اذاهم صوبنا يرمونه
بقدرتك وبقوتك شتتهم = واعجم ياربي الشلة الملسونه
قلته وانا ماني مدّور شهره = وغيري يدوّرها ويحد سنونه
انا تكفّيني شهادة ربعي = وشهادة اهل المنتدى وفنونه
شهادة العراف نعم المكسب = عندي بقدر الدرة المكنونه
حفظو قصيدي دون سابق لقيا = حبو الجزيل اللي معي يلقونه
دارت وسارت واستوت طرقتها = ماعدها اللي ماسحٍ طبلونه
ويامن نشد عن مقصدي واسبابه = ويقول ناصر الاحمري وش شونه
باقول يامتنشد اسمع وافهم = ترى الذهب ماقد تغيّر لونه
لكن حداني صوب ماهليته = بدر الشهر وهلاله وعرجونه
والعن حقيقه لازمٍ توحيها = الوقت دار وبانت المدفونه
الشعر صار يثمّنه بولندي!= في الساحة الشعبية ال*****ه

[/poet]

ناصر






صح لسااااااااانك على هذه الراااااااائعه





وهذه هي المره الثانيه التي اعانق هذه الجميله بها

الشعر صـار يثمّنـه بولنـدي!....
...................................في الساحـة الشعبيـة ال*****ـه


ناصر راجع نفسك ...

لا تعليق
ويبقى حبي لك واحترامي واعجابي بقصايدك



سلام

صحافـة التدليـس يالله بـدهـاقـدّام اذاهـم صوبنـا يرمونـه
بقـدرتـك وبقـوتـك شتتـهـمواعجم ياربـي الشلـة الملسونـه
قلته وانا مانـي مـدّور شهـرهوغيري يدوّرهـا ويحـد سنونـه
انـا تكفّينـي شهـادة ربـعـيوشهادة اهـل المنتـدى وفنونـه
شهادة العـراف نعـم المكسـبعنـدي بقـدر الـدرة المكنونـه
حفظو قصيدي دون سابـق لقيـاحبو الجزيل اللي معـي يلقونـه


دائماً رائع ياناصر

وشاعر جزل وتتقن التعبير عن اى موضوع بقدره فائقه وجميله


تقبل الاعجاب والتقدير

ناصر

صح السانك


وتقبل تحياتي

[سعد بن شليه السبيعي]

صحافـة التدليـس يالله بـدهـاقـدّام اذاهـم صوبنـا يرمونـه
بقـدرتـك وبقـوتـك شتتـهـمواعجم ياربـي الشلـة الملسونـه
قلته وانا مانـي مـدّور شهـرهوغيري يدوّرهـا ويحـد سنونـه
انـا تكفّينـي شهـادة ربـعـيوشهادة اهـل المنتـدى وفنونـه
شهادة العـراف نعـم المكسـبعنـدي بقـدر الـدرة المكنونـه
حفظو قصيدي دون سابـق لقيـاحبو الجزيل اللي معـي يلقونـه


دائماً رائع ياناصر

وشاعر جزل وتتقن التعبير عن اى موضوع بقدره فائقه وجميله


تقبل الاعجاب والتقدير

صح الله لسانك ياناصر

وفيت ولاهفيت

الله يعطيك العافيه

لاعدمنااااك

الله الله الله

ناصر الاحمري

هلالالالالالالا

وغلالالالالالالا




اي والله صح السانك

فوق فوق فوق يالجزل
والله يالجزل إن هالشعر هو اللي ينطرب به


صح لسانك يا ناصر
وسبحان من سكب فيك هالجنون وخصك بهاللحون
قصيدة فوق الوصف والله يالجزل
صح بوحك حتى ترضى

ياااااااااااسلام ياااااااااااسلام يالاحمري,,,,,,,,,,,,,,,,,,








صح الله ألسانك يالقرم,,,,,,,,,,,,,,,,,,,,,,,,,,,,,,,,,,,,,,,,,,,,

شفنت العجايب والبـلاوي فيهـاوزادت على الصدر الوسيع غبونه
هرجه ودرجه شدهـا واحملهـاواهل الصحافه صوتـو مجنونـه
قالو قصيـده واصلهـا خثروقـهواللي نشرها قـد كـلا عربونـه



صح لسانك يابو يحيى


مشهووور....