رد على قصيدة الشاعر حسن المسعودي

[هذه القصيده مسندها على الشاعر العلم والموهوب والجزل شاعر الحلبتين النظم والمحاوره
سعيد بن على الفهري

[poet font="Arabic Transparent,5,black,normal,normal" bkcolor="transparent" bkimage="http://www.toyota.com/images/vehicles/landcruiser/gallery/color/photo_1.jpg" border="double,4,gray" type=2 line=200% align=center use=ex length=0 char="" num="0,black" filter=" shadow(color=orange,direction=135)"]
((بنت الوزير))
راكب الي كن لونه نوةٍ منحازه=مثل ماياصفه ابن جدلان في تعبيره
ابيضٍ كنه اولعه وأحدث طراز اطرازه=مثل ماقال ابن ريفه ماتخير غيره
فتحه اسبيرين مكره صاحيٍ هزازه=كشن عودي ترجمة طبلونه من انبيره
غاليٍ ماكل من هازه بنيه حازه=في وكلات التيوتا حطم التسعيره
مايحوشه غير راعى المال لمن رازه=والفقير ايدق كبده من لهيب النيره
منوة الي لاطراله في بلادٍ عازه= ماشوت كبده تناهيد الزعل والحيره
فكس آر يسرق الليل ان سرق فزازه=من تحت رجلك نشوقه دوس والعن صيره
واتك يمناك الشريفه في ظهر معنازه=وثبّّت ايسارك على الطاره وثبت سيره
نطحه يامسندي وجه الجنوب وجازه=بالجزاء الصارم لاتلبيقه ولآتأخيره
لين تدخل في نميص ابها وهد وزازه=عند بيت سعيد راعى الطيب ذرب السيره
ابو علي الي مايلفز بالمديح الفازه=امدحه لنه كفو والكفو يسوى ديره
ابلجٍ وجهه ولابه موقفٍ مجتازه=من مواقيف الرجال وحافظٍ تقديره
رأس من رؤسٍ تهوز ُولاهي ابمنهازه=الفهر ربع ابن شفلوت الزحول الخيره
سلمه خطي وقله ينتبه للغازه=كل علمٍ جاه ابي حله وابي تفسيره
قله اني عشت وقتٍ لو يشوف إفرازه=جاه ماجاني وشبنا والعمار اصّغيره
وانشده ويش سالفة من شرب بالمزازه=من قناة النيل ويراهن على تغييره
وقله اني جيت لي ورعٍ على عكازه=شائبٍ رأسه ورجله مالها تجبيره
وانشده من راعي البلجيك والخرازه=كيف تتساوى مزاياها حسب تبريره
وانشده عن روح حيه والضمير اجنازه=في نفس ملا عسى الله لايكثر خيره
وانشده ويش البعير اللي طواه انحازه=طالت الرحله عليه ومات في التدويره
وانشده عن شائبٍ ربعه هوت لعوازه=وبعض ربعه حافظينه مثل حفظ الجيره
وقله ان بنت الوزير اعيونها خزازه=تطبخ افكار العرب في دلة التبهيره
انطحتني فوق رزرايز وهي رزرازه=بس ماجات ابعيوني كبر حب اشّعيره
وانشده عن واحة الهمازه الّمازه=واحةٍ مفتاحها عند الخبول إدّ يره
وقله ان بقعاء حشت عيني بحب اترازه=وجرحت كبدي بجرحٍ ماشياً تطويره
وانتظر يامسندي حله وشرح ايجازه=وانا من طبعي احب الفأل وشنى الطيره
وانتهت والسالفه مثل الذهب وأكنازه=والله اكبر في نهايتها مئة تكبيره

((حسن المسعودي))
[/poet]

[align=center]وهذالرد على قصيدة ابوتركي [/align]

[poet font="Simplified Arabic,5,blue,normal,normal" bkcolor="transparent" bkimage="backgrounds/2.gif" border="none,6,chocolate" type=0 line=200% align=center use=ex length=0 char="" num="0,orange" filter=""]
من ضمير للفرص وانصافها نهازه=وكل موقف محتمي تقدر على تسطيره
وان فعل بين النشاما ما يضيع انجازه=مرحبا ما شعشع الصبح وتغنى طيره
بالولد والقاف والغازه وباستفزازه=والرفيق اللي نصا البرج ونوى تدميره
لكن الله سلم البرج وسلم تلفازه=وصل بث المملكه راس الهدى وعشيره
يا حسن يا ذخر مضيوم زمانه هازه=من طحاطيح ال مسعود الفخر وبعيره
ربع ابن عبود تفرح عزوة تعتازه=فالرخا كف كريم وفالحروب ذخيره
يا رفيق بارز بالطيب قبل ابرازه=في الحسا ضيفه وجاره ما شكو تقصيره
جعل يفدونك رخوم للحكي قوازه=همهم في المال وحسابه وفي توفيره
انخهم ساعة قصا تشوف الاشمئزازه=واعفهم من حزة فيها الرجال مغيره
واستلم مني حلول الغازك النشازه=كل بيت اتعب على حبكه بعد تصويره
فكرته طازه وايات الكتاب اعجازه=ولا يحبه تاجر فالزنك والقصديره
لوتحدانا الظروف بقبضة وكازه=ما شكينا الا لرب نؤمن بتدبيره
الاوله شعر الحداثه والولاده طازه=لا وزن لاقافيه والمجتمع ما يعيره
غير منهم تربية تكساس ومرقص كازه=جعلهم فدوة مناهجنا عيال البيره
عقبها شعر النظم والقلطه الممتازه=كلها فن ينومس والفروق كثيره
ما جمعها الا حظيظ ما يعيش طنازه=بالفرنك وبالدولار ولا رجع لليره
وكان تنشد من البعير اللي عقله حجازه=ماش غير المسجد الاقصى وجب تحريره
ليت منهو من ورا غزه حذف بجوازه=ما قهرنا الا يهودي ولد خنزيره
اما شايبنا عزيز ومدهل مركازه=للرجال اهل الحميه والكرم والغيره
الشعر مثلك حفظ صورته في بروازه=كل يوم يلمع الصوره من التغبيره
ما لعب في تراثنا غير رخمه وخنازه=يحسب انه سلعة تشرى من الكاشيره
طامع بنت الوزير بكلمة نقازه=يحسب انه لاشتهر راس النبط واميره
ما درى حتى الدعيع حارس بقفازه=واشتهر حتى بعد فضيحته الاخيره
وانت لا تشفق عليهاواكسر الدروازه=لو حنت راسك وخدك لان للتصعيره
والنهايه واحة اللمازة الهمازه=الصحافه مدرسه كل حسب تفكيره
الخرازه مهنة الخراز والخرازه=والجراحه ضمدت جرحك بعد تطهيره
والمقص اللي بكف ام العبر جزازه=كل ناسي ذكره واحرص على تذكيره
وقله ان سوق الحسا غير العثيم بلازه=المشالح والتمر وسبوق قنص وطيره

وسلامتكم والمعذره على القصور والتاخير لضروف حفلات الصيف وكثرة الارتباطات0
[/poet]

[align=center]أول


المصافحين


.
.[/align]

رد على قصيدة حسن المسعودي

الله الله الله ياسعيد
قمة الابداع
بيض الله وجهك في كل ماقلت.

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الاخ الشاعر

سعيد الفهري

صح لساااانك

كفيت ووفيت

قصيده جزله من شاعر جزل

تقبل اعجابي

اخوك
خالد نايف
[/poet]

الشاعر الكبير سعيد الفهري

جزل في كل القصائد

لله درك يا با علي

من اجمل المساجلات التي سمعتها

بين عملاقي لا يشق لهم غبار ابو تركي وابوعلي

مهما كتبت لن اوفي حق ابو علي وابو تركي

الجربوعي

الله عليك ياسعيد

صح لسانك مدد ماهو عدد

لاهنت وتسلم يمينك

الله الله الله ياسعيد
قمة الابداع
بيض الله وجهك في كل ماقلت.
وفيت ولاهفيت
تحياتي

الشاعر الكبير سعيد الفهري


صح لسانك وسلمت يمناك ولا عدمناك



قصيده جميله ومساجله اجمل مع شاعر متمكن له حضوره المميز واسلوبه الراقي


تقبل تحياتي وتقديري

صحة السنتكم ياصبيان قحطان...

مساجله مفيده بحق وحقيقه..

الاخ عبدالله الجزلاني0 ارحب مليون والساعة الطيبه

مرورك على مساجلاتنا وشرف لنا مصافحتك

لاخلل ولاعدم ومكثور الخير0ودعناك الله

سعد الفهري

صح لسانك

وتسلم يمينك

جزله لاعدمتك

سجل الاعجاب والتقدير

تحياتي

ابو عرب

الاخ العزيز0محمد القويماني ارحب ثم ارحب

والساعة الطيبه مرورك على المشاركه

واثلجت صدورنا بتواجدك ولا يستغرب

الطيب من راعيه0لاخلل ولا عدم

وعناك اللللللللللللللللللللللللله0

الشاعر العذب والكبير

شاعر النظم والمحاوره الشاعر الذي اتأمل له ثبوت في ذاكرة محبي الشعر (ثبوت غير عادي)


سعيد الفهري

اشكرك على الرد والذي وفقت فيه لحل الالغاز والمضامين الوارده بالقصيده
وقد تميزت ومشاء الله عليك

انا فخور بهذه المساجله
التي هي تعد من رصيد الشاعر في تاريخه اثناء مسيرته الشعريه

الله لايهينك يابو علي وموفق

كل حل قلته كان صحيح

واشكرك على تصخير جهدك ووقتك لهذه المعاني والالغاز

انت شاعر تمتلك فكر جوهري وعقلانيه زاكيه

في عالم الشعر والامور الاخرى


تقبل تحياتي وشكري

الاخ العزيز 0خالد القحطاني

ارحب لين ترضى والساعة الطيبه 0مرورك اسعدني

وتشرفت به والله لا يحرمنا من الطيبين اللي مثلك

لا خلل ولا عدم والى اللقققققققققققققققققققققاء 0

ياسلام عليكم..كلام متعوب عليه وينومس فعلا

بيض الله وجيهم ولاهنتوا


لي ملاحظة لاتفسد جمال القصيدة يااخ سعيد

مبدا القصيده يقول
من ضمير للفـرص وانصافهـا نهـازه

كلمة نهازه تعود على الضمير فالصحيح نهاز..لذك لو قلت من هجوس ليصح الضمير مناسب في التانيث.

عموما قد تكون ملاحظتي في غير محلها

ولاهنتوا مره اخرى