ღ乂ღواسكنت_حي العليا_عقب_حي الناصريهღ乂ღ

ابو جريد بيض الله وجهك قصيد جزل مثل ماعهدناك


لكن لي طلب غيابك لاعاد يطول


تقبل تحياتي

اخوك ..

الله الله يا مشعل



والله ابدعت وقصيده فارعه وقويه ولايكتبها اي شاعر




صح الله لساانك ملاااين ولا تهوووون يامبدع




سبك وحبك وتوصيف وتصوير في اجمل صوره




تقبل فائق اعجابي وتقديري



اخوك
ابراهيم الشمراني

ارررررررررررررررحب يا مشعل


وصح لساك وبيض الله وجهك ....لبى والله ذا الجيب اللي كذيه


وياليت معها قصر بالعليا



عموما سعدت كثيرا بقراة هالرائعه منك .

تسلم يابن مخلص

الله يبيض وجهك يالغالي

الله لايهينك يالغالي
وعيدك سعيد

شكرا لك على ماتكتب



مبدع تستحق المتابعه

وديتنا لين وصلنا مع اللكزس الى اليابان ثم تليتنا معك لين وصلنا عند اللي معها ثنين لكزس
المهم يابن جريّد ان كل بيت يقول اقر اللي بعدي يعني في كل بيت دعايه للي وراه
صح لسانك
وصح بدنك
وسلمت يمناك ولاعدمناك

اخوي جبران حياك الله
وشكرا لك

جبران ياهلا وغلا فيك

للبيع لضروف السفر (لكزس 470)

[poet font="Simplified Arabic,6,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
راكب اللي لا نخيته حطم اجزاء الثوانـي =
مثل شيخٍ حضروه القوم لطقـوس الحميـه
.
.

جيب لكزس كن لونه خلطةٍ من زعفرانـي =
أشقرٍ عودي على اصفر المهم أنـه كذيـه
.
.

صب لونه وسط قنينة ذهب والعلم جانـي =
وارسلوه لطوكيو ثم جاب ميه فـوق ميـه
.
.

راحو يساقون بديه واطلعو في لون قانـي=
ثم أعادو مره أخرى لين صار افتح شويـه

.
.
واتركوه اليوم كله وارجعو له وقت ثانـي =
وجاك لونه مثل لون الشمس حزة مغربيـه

.
.

وفرشوه بزل نادر أجود أنـواع الايرانـي =
والمراتب هولويز وبالمقابـض جلـد حيـه

وركبو له شمعتينٍ تكسح سهيـل اليمانـي =
كن شاشاته حفل شيخٍ قصاصه صـار ديـه

.
.


وصمم الديكور عودٍ مفتقد بعض الحنانـي =
عود واستشرق شبابه في شـواط اللاذقيـه

.
.
هو صحيح أنه يهودي لا خصال ولا معاني =
ولاتذكر مامضاله عنـد ذيـك وعنـد ذيّـه

.
.
شب غليونه وولـع كالبواخـر فالموانـي =
ودار مكنون الخيال المنغمـس بالنرجسيـه

.
.
جاب من فندق جميرا ودمجه مع جو كاني =
وحط من جفن الغياب اللي نعس في ماربيه

.
.
وين مالديت عيني طاري الفرقـا طوانـي =
صب فيه من الحنان الى الامـور العاطفيـه

.
.


ايه شاعر وادري أن الوصف هذا مارواني =
داخليه بيت واحـد بـس يوصـف داخليـه

.
.

داخليه عيـن بنـتٍ ساهـره للامتحانـي =
من الفلاحه ورطوها بالفصـول المدرسيـه
.
.
وطمعو الطبلون عاج ***ويان وسنديانـي =
وصبو الكمبود راسـا بالتـروس الاوليـه

.
.
كل ماجارو عليه يفوح عـود ***ويانـي =
فوح عطارٍ جرحني وسط سـوق العقربيـه
.
.
كن زوله زول شيخٍ معتلي صهوة حصاني =
وكن شبكه صدر قيس اليا نهت بالعامريـه


.
.


نوع خاص من السفاره ما يشيك بالمواني =
سجلوه الدبلوماسي واختمـو لـه فالهويـه

.
.

الوكاد أنه غريب ولو لحق ماض الزماني =
كل شيخٍ يعتزيبـه لاعـرف ذمـة خويـه

.
.


وسط جوفه قاري الاقراص لاهل القرآنـي =
يكفي الله شر من نفسه على الحاجه دنيـه
.
.

يانديبي دق سلفه يوم وجه الصبح باني =
ولاتعبث بـالازره خـص هالاحمـر هذّيـه

.
.

خوفي أنك لاضغطته يقلع لـدار اليبانـي =
لانه احيانا يحـن أحنـان خلـجٍ دوسريـه
.
.

سم بالله وتوكل واربـط أحـزام الامانـي =
سج طبلون على أخر روووح والنيه مطيـه

.
.

هاك خارطة الطريق وهاك خارطة المباني =
وانتبه للنقطه اللي مـن هنيّـه لـي هنيّـه

.
.


ياوجودي ون تهزع مع رفاع ومـع طمانـي =
وجد من طشه زمانه في برستيـج بدويـه

.
.


سعد عينه يوم قالت أنت راع الاشقرانـي =
وابتسم بسمة عزيزٍ خابـر أحوالـه رديـه

.
.


يستر فجوج الزمان اللي عليهم شقلبانـي =
ولد ناسٍ راح عمره في هوى بنـتٍ غنيـه

.
.


اورثت ورثٍ عظيم وغردت ياليـل دانـي =
واسكنت حي العليا عقـب حـي الناصريـه


.
.




واشترت جيبين لكزس راهيه والعمر فاني =
كل ماجيت اتميلـح ولت اتكشـخ عليّـه
[/poet]

الاخ الشاعر \ مشعل بن جريد

صح لسانك يالغالي


لاهنت يالسنافي

قصيدة جزله

ووافيه

سجل اعجابي


اخوك\ فهد بن محسن

الله يحييك

اخوي
فهد
وماعليك زود يالغالي

الشاعر مشعل بن ريد


صح لسانك يارائع

لك الاعجاب والمتابعه


اخوك بشير العوام

ياهلا ومليون هلا

بالغالي

اخوي بشير تشرفت بوجودك وصح بدنك

مشعل

صح السانك ولاهنت


قصيده طيبه من راس طيب

لك تحياتي

الاخ مشعل بن جريد



صح الساااااااااااانك


قصيده رائعه تستحق الحضور والمتابعه


لك اجمل التحايا

صح بدنك اخوي

متعب لاهنت يالغالي


شرفني حضورك

ابو جريد بيض الله وجهك قصيد جزل مثل ماعهدناك


لكن لي طلب غيابك لاعاد يطول


تقبل تحياتي

اخوك ..

ياهلا وغلا



تشرفت والله بحضورك وطلبك الغالي