( على هامان يا فرعون )

[align=center]أخذتني وأخذتني وأخذتني .......فرضيت

حتـــــى ...


سطت على شعري فزعمت أن نصيبي :حبر ووزن وقاف

ونصيبها معنى ومضمون

ولما رأت دهشتي قالت واثقة ...


(على هامان يا فرعون)


فرضيت مجبرا لا بطل ...

وهذا مسلسل ما دار بيننا ..وعله يجد القبول//[/align]









[poet font="Simplified Arabic,5,black,normal,normal" bkcolor="transparent" bkimage="" border="double,4,gray" type=1 line=200% align=center use=ex length=0 char="" num="0,black" filter=""]
عملت (إ)بها قصيدة حب ورحت أسابق ظلالي=بوريها حسن شعري ودقت قافي الموزون


بمطلعها أحبك ثم أحبك يا بعد حالي=وبآخرها أحبك ثم أحبك والبشر يدرون


على شاني أنا ما أرضى أعيش بحبك لحالي=نطقت بحبك لجمهور دايم للشعر يقرون


أنا شاعر وللشاعر لسانٍ دايم يلالي=وترى الشاعر لسانه دايما ما يحفظ المكنون


دعيت أبياتي لمدحك وجات تقبل عقالي=وسهرت الليل أرتبها على خاطر هدب وعيون


أبنسج لك قصيدة حب والغالي له الغالي=وعلى شانك بهاذي لو يقولون البشر مجنون


أبوقف بالمحافل وأصرخ بصوتي وموالي=على شان الحضور ليا نطقت بكلمتي يقفون


أبصعد في كلامي لك إلين المرقب العالي=وهو به عاليٍ وانتي أحد أجزاء هذا الكون؟؟؟


أبحكي عنك لين الناس تعرف ويش يجرالي=وإذا شافو خلل قالو غدى من حبها مفتون


أنا يا بنت أحبك وأنتي أول من سكن بالي=جبرني حبك أخضع له ولا أدري هالهوى وشلون؟


هويتك من صغر سني وكنت أشكي للأطفالي=وصرت أول بشرت يحوي براءه مع هوى مشحون


هويتك كلمةٍ تعني دموع بفيض همالي=هويتك كلمةٍ تعني جميع أبيات أبن لعبون


هويتك كلمةٍ تعني تجاره ما بها مالي=قبلت رضاك في همي , وسلمت التعب عربون


هويتك كلمةٍ تعني محبه حرها صالي=ودستور الهوى كله بلاوي والعشق *****


هويتك كلمةٍ تعني تعالي شوفي أحوالي=لك الله نظرتك هي مطلبي و(إ)هي الدوا والعون


هويتك رغم ما قالو لي بحلي وترحالي=وكنت بهرجهم أزداد في حبي ولا يوعون


لمحت عيونك الحلوين وسط عيون عذالي=تقولي لي بهمس وحزن ذولي وشبهم يحكون


يخصون الردى بأطراف هرجٍ عيب ينقالي=لك الله ويش مطلبهم وهم بالهرج وش يبغون؟


وكنت اساير العذال بالهرجه وانا سالي=واتابع هرجة عيونك واقول الله لويوحون


وأترجم هرجك لشعري وأزيح المر بالحالي=وأقدم لك قصيدة حب تزهالك بطعم ولون


كتبت أبياتي بذهني ورحت أسابق ظلالي=بوريها حسن شعري ودقة قافي الموزون


ويوم ألفيت منزلها زفرت بقلبي الخالي=وتحايلت الخجل والخوف بسلوبي وقلت بهون


أنا يا بنت أحبك ثم أحبك يا بعد حالي=ونظرت (إ)بها وضعت وكنت أنا ضايع بها من دون


وقبل ما أكمل الأبيات قالت لي وش التالي=إذا ناسي أنا أذكرك .....أحبك والبشر يدرون


تعجبت وزفرت بقوة ونزلت فنجالي=وقالت لي:على هونك تمالك قلبك المحزون


أبد لا تحسب أن أقوالك بتمشي على أمثالي=تبي تبخسني بحقي (على هامان يا فرعون)


نصيبك بس وزن وقاف وشوية حبر سالي=ولكني أنا وحيك وأنا المعنى وأنا المضمون


تكرم وأحص مثقالك ولا تبخس بمثقالي=ترى ويلٍ لمن لا كالو بميزان يحتالون


ومال بصفها قلبي وقلبي دوم ميالي=وقال:أسلم بقسمتها نبي نلعب على المضمون


وقلت:أبشر ما دام أنك حظيت بفالك وفالي=كسبنا نظرة منها ونظرتها الدوا والعون


وأنا برضى بقسمتها وبرجع يم فنجالي=(ألا يا نعنبو عشقٍ به العشاق يتساوون)
[/poet]

بدر العوفي


صح السانك



تحياتي

هامان

صح لسانك
يابدر
صح لسانك

بدر العوفي


صح السانك



تحياتي

بدر العوفي

صح لسانك

ولاهنت يالقرم

بدر العوفي

صح لسانك

ولاهنت يالقرم

[align=center]صح لسانك يا مبدع


رائعه



لك تحياتي


مناحي المقنع[/align]

أخي الكريم : فازع الرشيدي


ألف هلا بك


صح بدنك يالقرم


تحيتي لك بلا عدد


ودمت بود

أخي الكريم : محمد القويماني


ألف شكر لك أخي الكريم على مرورك العذب وإطلالتك الجميله


تحيتي لكي


ودمت بود

أخي الكريم علي العجب


ألف هلابك


أشكرك على مرورك


ودمت بود

أخوي الكريم : متعب العتيبي


ألف شكر لك على مرورك الكريم وإطلالتك الرائعه


تحيتي لك أخي الكريم


ودمت بود

أخوي الكريم : خليف الوهيداني


ألف هلا بك


أشكرك اخوي أوفى الشكر وأتمه على مرورك الكريم


تحيتي لك بلا عدد


ودمت لنا

تتوشح كلماتك معطف الابداع

وتتقلد قصائدك عقود اللؤلؤ

لتصطف بين مثيلاتها السابقات

ولتمتعنا بجزالتها .. ومعانيها

لا نملك امامها سوى بضع كلماتٍ مبعثره

تحاول جاهدة مجاراة قلمك .. دون جدوى

أخي..

صــــــــــح لسانك ... وسلمت يمينك

علها تفي بحقك


دمــــــــــت

أخي الكريم : مناحي المقنع


ألف هلابك


أشكرك أخوي على مرورك الكريم


وأشكرك على كلماتك الجميله


تحيتي لك


ودمت بود

بد صح لسانك


لاهنت

تحياتي