Tweet
اعضاء وزوار هذا الصرح اسعد الله مساكم واوقاتكم بالخير والموضوع طالت اعماركم هو
ان خالي الشاعر /عبدالله بن وردي الروقي واحد من الشيّاب اللي اعزهم واقدّرهم وفي نفس الوقت شبابي جدا ابطيت ماجيتهم فالديره لشغلي ولظروف سياحه ودرى عني وارسلي قصيده حاسني فيها مير الحمدلله على قضائه وقدره
اتمنى ان تجد لدى اذواقكم القبول :
[poet font="Simplified Arabic,5,black,bold,normal" bkcolor="seagreen" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الاوله باسمـك يـارب المصليـن =ياكافـل ارزاق اليتامـا الرضيعـه
يامكون الدنيـا ويامكـون الديـن=والفايز اللي مـن عبـاده يطيعـه
يالله تجمـع شملنـا بالمحبـيـن=في جنتـن فيهـا مراتـع حميـده
والثانيه ياراكبـن فـوق ثنتيـن=حمر النواظـر والمناكـب رفيعـه
اليا مشت مثل الذياب السراحيـن=وفيهن من زين الحـلا والطبيعـه
ركز الاذاني كحـراب السلاطيـن=مافوقهن غيـر العيـال الشجيعـه
وتمر بالمخفر وتمشي ريا العيـن=ماوقفوهـن موقفيـن البديـعـه
اللي يناهق نهقة الوعل ابا اذنيـن=مطيـة الحضـران ذاك النزيعـه
ينهق ويلفع مثل لفـع ام حديـن=فضيع طبعـه والسرايـر فضيعـه
متهورن راعيه بالقسـط والديـن=ياكم تعرضـه المشاكـل سريعـه
الفيده اللـي ينعـرف بالسواديـن=خطـه ورجلـه يقلـع الله قليعـه
يمشي على سودٍ سواة الغرابيـن=وياكم نهارن بـاز ماسـد ريعـه
ماهو كما العرهات فج الذراعيـن=اللي تسير مع الفجـاج الوسيعـه
وخدودهن كـن فيهـا سراجيـن=واليا اوجفت مثل السباع المجيعه
مسراحهن الفجر من يم صبريـن=والعصر في وادي الجموم وفريعه
ينصن رجلن غيبته حول شهريـن=وعنه اختفى كل الخبر مع جميعـه
غلاب رجلن كل سلمه على الزيـن=متولعن بالطيـب مثـل الوليعـه
يحـط للافيـن حيـل وخرافيـن=وكبشٍ ولو غلي الثمـن مايبيعـه
ويدورن القـرم فخـلال يوميـن=هاك النهار وباكـر ومـن تبيعـه
وان ماوجد حدد لهنـه مساريـن=من ضمنها روس الجبال الرفيعـه
وحطو على اكوار الركايب جهازين=وكلن عليـه الجهـد مايستطيعـه
وسالو مع اللي يعشقوون الدواوين=ومرو بالانترنـت سالـو مذيعـه
وقسم يتوجه يـم الاردن وحطيـن=ولبنان والبصره ومصـر وبقيعـه
واكيد تلقونه ولو فـي فلسطيـن=وحنا لكـم ياصحابنـا بالطليعـه
وننشر لكم بيضٍ عليها وسااميـن=جزن لكـم ياكاسبيـن الصنيعـه
ولاباس قل ياشوق مريوشة العين=ماباس والله ماو ومـر بالقطيعـه
ولاهي بعاده للحـرار الحكيميـن=اللـي يـردون النقـا والوديعـه
وليا حكالك فـي قفانـا شياطيـن=نعطي لك المذهب وحكم الشريعـه
وصلاة ربي عـد وزن الموازيـن=على النبي مامطر شتـاه وربيعـه
[/poet]
وهذا ردي المتواضع والمعذره يالغالين :
[poet font="Simplified Arabic,4,darkblue,bold,normal" bkcolor="transparent" bkimage="" border="none,4,orange" type=0 line=200% align=center use=ex length=0 char="" num="0,black" filter=""]
ا لاولـه بسمـك يـارب الملبـيـن=لـك لبـو الحجـاج سنـه وشيعـه
وحنا علـى سنـة ختـام النبيبـن=شفيعنـا طـه وربــي شفيـعـه
ويامكّون الانسان من ماش تكويـن=ومتممـه باخـلاق ديـن الشريعـه
انك تعز اللـي علـى العـز باقيـن=مهمـا تفرقنـا اللـيـال المريـعـه
والثانيه قبل امس في يـوم الاثنيـن=صادفـت ذودٍ فيـه حالـه شنيعـه
ذود متعّرض في طريـق الحرميـن=للمسرعات اللي على الخط سريعـه
واليا الآوادم حول خمسه وعشريـن=صـارو ضحايـا للهمـل والفجيعـه
ومن بعد ساعه جا من البدو رجليـن=فيهـم ملامـح ربعنـا والطبيـعـه
اهل الوفا والخيل والجيش والضيـن=علمن عليه اثبـوت ماهـو هزيعـه
قالو ترى حنا هـل الـذود والحيـن=ماقـدر الله صـار كــلٍ يطيـعـه
ولولا على الباص وعلى الناس تامين=ماينفـع الجـمـال بـيـعٍ يبيـعـه
يمداه وسط السجن ضمن المساجيـن=يمسي ويصبح فالحصـون المنيعـه
ويابدو ياللـي فالخـلا والظلاعيـن=عندي نصيحـه للصـدور الوسيعـه
دور البهايم قبـل خمسـه وسبعيـن=هجري وولـى عـام يـردف تبيعـه
وانتم على ضنك المعيشه حريصيـن=تاطون بـا الاقـدام شـوك النقيعـه
الحضر فـازو قبلكـم بـا الملاييـن=واليوم عنكـم قفـل الخيـر ريعـه
ما فادكـم رعـي الغنـم والبعاريـن=ولا كسبتـو مـن وراهـا صنيعـه
قالو تركـد واستمـع علمنـا زيـن=جينـاك بعلـوم السنـع والسنيعـه
قلت اقلطـو قالـو لـك الله عجليـن=في عهـدة المرسـول ذمـه وبيعـه
نوصلك مكتوب الرجـال المسميـن=تعـرف مرابـط خيلهـم والقليعـه
منزالهم مـن يـم صبريـن ويميـن=حرة ذوي عالي ليـا اذنـك سميعـه
حنا ترى من يـم خالـك موصيـن=بعلـوم مـا فيهـا علـوم وضيعـه
ثم اردفـو فـوق النجايـب مقفيـن=ولليـل غطـى والركايـب رجيعـه
ولين فا المكتـوب شرهـة موديـن=امسبعـة روس الرجـال السبيـعـه
مكتوب من نسل الرجـال الكريميـن=ماهم كما اللي لقمته مـن ضريعـه
يا خال ما حنـا ولا انتـم قطوعيـن=ولانا من اصحاب الوجيـه السليعـه
لو كان غبنا عنكم شهـور وسنيـن=ولـود باقـي لـو تـزول الطبيعـه
وهرج القفا شغل الضعوف الردييـن=ولايسمعه غيـر العقـول الصديعـه
وان كان تنشد فا المغيبه من امريـن=شغلـي ووقـتٍ مايطـاوع واطيعـه
والله لو انـك راكـب ام الجناحيـن=طيـارة فيهـا الصفـات البديـعـه
ليا استوت فا الجو والسرعه الفيـن=يمكن تشوف العيـن حاجـه هليعـه
ميقا عها بيروت وان كـان بعديـن=لـك شـف سيرنـا وزرنـا فريعـه
تبا تشوف اللطف والظـرف والليـن=والزيـن كلـه والرقـاب التليـعـه
يا خال لو شفت الحلا فـا المزاييـن=زبدٍ لهيب الشمـس يمكـن يميعـه
ما امسيت بين البل والبـدو ليليـن=والعشـق بلـوى والمحبـه لكيعـه
سج القدم عمـرك تعـدى الثمانيـن=سج القـدم واتـرك بزيـع وبزيعـه
وصلاة ربي عـد ماترمـش العيـن=على الـذي بعـده مايبقـى ذريعـه
[/poet]
ان خالي الشاعر /عبدالله بن وردي الروقي واحد من الشيّاب اللي اعزهم واقدّرهم وفي نفس الوقت شبابي جدا ابطيت ماجيتهم فالديره لشغلي ولظروف سياحه ودرى عني وارسلي قصيده حاسني فيها مير الحمدلله على قضائه وقدره
اتمنى ان تجد لدى اذواقكم القبول :
[poet font="Simplified Arabic,5,black,bold,normal" bkcolor="seagreen" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الاوله باسمـك يـارب المصليـن =ياكافـل ارزاق اليتامـا الرضيعـه
يامكون الدنيـا ويامكـون الديـن=والفايز اللي مـن عبـاده يطيعـه
يالله تجمـع شملنـا بالمحبـيـن=في جنتـن فيهـا مراتـع حميـده
والثانيه ياراكبـن فـوق ثنتيـن=حمر النواظـر والمناكـب رفيعـه
اليا مشت مثل الذياب السراحيـن=وفيهن من زين الحـلا والطبيعـه
ركز الاذاني كحـراب السلاطيـن=مافوقهن غيـر العيـال الشجيعـه
وتمر بالمخفر وتمشي ريا العيـن=ماوقفوهـن موقفيـن البديـعـه
اللي يناهق نهقة الوعل ابا اذنيـن=مطيـة الحضـران ذاك النزيعـه
ينهق ويلفع مثل لفـع ام حديـن=فضيع طبعـه والسرايـر فضيعـه
متهورن راعيه بالقسـط والديـن=ياكم تعرضـه المشاكـل سريعـه
الفيده اللـي ينعـرف بالسواديـن=خطـه ورجلـه يقلـع الله قليعـه
يمشي على سودٍ سواة الغرابيـن=وياكم نهارن بـاز ماسـد ريعـه
ماهو كما العرهات فج الذراعيـن=اللي تسير مع الفجـاج الوسيعـه
وخدودهن كـن فيهـا سراجيـن=واليا اوجفت مثل السباع المجيعه
مسراحهن الفجر من يم صبريـن=والعصر في وادي الجموم وفريعه
ينصن رجلن غيبته حول شهريـن=وعنه اختفى كل الخبر مع جميعـه
غلاب رجلن كل سلمه على الزيـن=متولعن بالطيـب مثـل الوليعـه
يحـط للافيـن حيـل وخرافيـن=وكبشٍ ولو غلي الثمـن مايبيعـه
ويدورن القـرم فخـلال يوميـن=هاك النهار وباكـر ومـن تبيعـه
وان ماوجد حدد لهنـه مساريـن=من ضمنها روس الجبال الرفيعـه
وحطو على اكوار الركايب جهازين=وكلن عليـه الجهـد مايستطيعـه
وسالو مع اللي يعشقوون الدواوين=ومرو بالانترنـت سالـو مذيعـه
وقسم يتوجه يـم الاردن وحطيـن=ولبنان والبصره ومصـر وبقيعـه
واكيد تلقونه ولو فـي فلسطيـن=وحنا لكـم ياصحابنـا بالطليعـه
وننشر لكم بيضٍ عليها وسااميـن=جزن لكـم ياكاسبيـن الصنيعـه
ولاباس قل ياشوق مريوشة العين=ماباس والله ماو ومـر بالقطيعـه
ولاهي بعاده للحـرار الحكيميـن=اللـي يـردون النقـا والوديعـه
وليا حكالك فـي قفانـا شياطيـن=نعطي لك المذهب وحكم الشريعـه
وصلاة ربي عـد وزن الموازيـن=على النبي مامطر شتـاه وربيعـه
[/poet]
وهذا ردي المتواضع والمعذره يالغالين :
[poet font="Simplified Arabic,4,darkblue,bold,normal" bkcolor="transparent" bkimage="" border="none,4,orange" type=0 line=200% align=center use=ex length=0 char="" num="0,black" filter=""]
ا لاولـه بسمـك يـارب الملبـيـن=لـك لبـو الحجـاج سنـه وشيعـه
وحنا علـى سنـة ختـام النبيبـن=شفيعنـا طـه وربــي شفيـعـه
ويامكّون الانسان من ماش تكويـن=ومتممـه باخـلاق ديـن الشريعـه
انك تعز اللـي علـى العـز باقيـن=مهمـا تفرقنـا اللـيـال المريـعـه
والثانيه قبل امس في يـوم الاثنيـن=صادفـت ذودٍ فيـه حالـه شنيعـه
ذود متعّرض في طريـق الحرميـن=للمسرعات اللي على الخط سريعـه
واليا الآوادم حول خمسه وعشريـن=صـارو ضحايـا للهمـل والفجيعـه
ومن بعد ساعه جا من البدو رجليـن=فيهـم ملامـح ربعنـا والطبيـعـه
اهل الوفا والخيل والجيش والضيـن=علمن عليه اثبـوت ماهـو هزيعـه
قالو ترى حنا هـل الـذود والحيـن=ماقـدر الله صـار كــلٍ يطيـعـه
ولولا على الباص وعلى الناس تامين=ماينفـع الجـمـال بـيـعٍ يبيـعـه
يمداه وسط السجن ضمن المساجيـن=يمسي ويصبح فالحصـون المنيعـه
ويابدو ياللـي فالخـلا والظلاعيـن=عندي نصيحـه للصـدور الوسيعـه
دور البهايم قبـل خمسـه وسبعيـن=هجري وولـى عـام يـردف تبيعـه
وانتم على ضنك المعيشه حريصيـن=تاطون بـا الاقـدام شـوك النقيعـه
الحضر فـازو قبلكـم بـا الملاييـن=واليوم عنكـم قفـل الخيـر ريعـه
ما فادكـم رعـي الغنـم والبعاريـن=ولا كسبتـو مـن وراهـا صنيعـه
قالو تركـد واستمـع علمنـا زيـن=جينـاك بعلـوم السنـع والسنيعـه
قلت اقلطـو قالـو لـك الله عجليـن=في عهـدة المرسـول ذمـه وبيعـه
نوصلك مكتوب الرجـال المسميـن=تعـرف مرابـط خيلهـم والقليعـه
منزالهم مـن يـم صبريـن ويميـن=حرة ذوي عالي ليـا اذنـك سميعـه
حنا ترى من يـم خالـك موصيـن=بعلـوم مـا فيهـا علـوم وضيعـه
ثم اردفـو فـوق النجايـب مقفيـن=ولليـل غطـى والركايـب رجيعـه
ولين فا المكتـوب شرهـة موديـن=امسبعـة روس الرجـال السبيـعـه
مكتوب من نسل الرجـال الكريميـن=ماهم كما اللي لقمته مـن ضريعـه
يا خال ما حنـا ولا انتـم قطوعيـن=ولانا من اصحاب الوجيـه السليعـه
لو كان غبنا عنكم شهـور وسنيـن=ولـود باقـي لـو تـزول الطبيعـه
وهرج القفا شغل الضعوف الردييـن=ولايسمعه غيـر العقـول الصديعـه
وان كان تنشد فا المغيبه من امريـن=شغلـي ووقـتٍ مايطـاوع واطيعـه
والله لو انـك راكـب ام الجناحيـن=طيـارة فيهـا الصفـات البديـعـه
ليا استوت فا الجو والسرعه الفيـن=يمكن تشوف العيـن حاجـه هليعـه
ميقا عها بيروت وان كـان بعديـن=لـك شـف سيرنـا وزرنـا فريعـه
تبا تشوف اللطف والظـرف والليـن=والزيـن كلـه والرقـاب التليـعـه
يا خال لو شفت الحلا فـا المزاييـن=زبدٍ لهيب الشمـس يمكـن يميعـه
ما امسيت بين البل والبـدو ليليـن=والعشـق بلـوى والمحبـه لكيعـه
سج القدم عمـرك تعـدى الثمانيـن=سج القـدم واتـرك بزيـع وبزيعـه
وصلاة ربي عـد ماترمـش العيـن=على الـذي بعـده مايبقـى ذريعـه
[/poet]
تعليق