(بنت هواجيسي) و (كتايب هجوسه)

[poet font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
(الصــــوت : لـــي)
[/poet]


[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
بنت الهواجيس قامت يوم قلت اقعدي = ماتدري ان المهوجس مايصدّر قرار
قامت وقلت اركعي لله ثم اسجدي = واسترسلي في الجزاله والعلوم الكبار
اما انزلي في جبال الفكر والا اصعدي = وبقدرة الله نحاول فك باب الحصار
واليا عجزنا ذبحت من القصايد فدي = وبا اطلب الشور من راعي الوفا والوقار
من تاج راسي وكفه بالعطايا ندي = وان قلت عطني يقول ابشر بدون انتظار
يامسندي في النهار الشين يامسندي = افزع تراها ورى المتكى ودون الوجار
ياهاجد الوقت يلعب بي ويلوي يدي = والراس من دورة الايام ياخوي دار
قصّر زماني يبو حاتم وضاع جهدي = خلاص ما كن لي في ذا الزمان اعتبار
اطرد ورى الغايه اللي من قديم تعدي= واقرب وحثــّت خطاها واستشاط الغبار
ماهي بعيده مثل بعد الحرم من كدي = ياقربنا من بعض لكن يديني قصار
اسير في شف غيري فسل والا اجودي = كنّي عليمي تجاره مع شيوخ العقار
مليت من قولة اصبر دام وقتك مدي = ياهاجد الناس تشخصني بكل احتقار
ياسهيل قل للثريّا عن علوم الجدي = لعلّها تلفت له قبل يبدي النهار
عطني قرارك فانا بك دايمٍ اقتدي = ماخاب ياخوي رجالٍ نشد واستشار
يامرشدي من ضياع الوقت يامرشدي = ياعزوتي وين اروح يمين والا يسار
واسلم وسلّم ويابنت الهجوس اقعدي = واستبشري خير بو حاتم بيصدر قرار
[/poet]


[poet font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
(الصــــدى : لأخوي الكبير هـاجد)
[/poet]

[poet font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=200% align=center use=ex length=0 char="" num="0,black" filter=""]
صفّت كتايب هجوسي قلت هــ استوردي = من راسي العلم والمقصد بكل اختصار
تولّمي يالهجوس وكبّري واشهدي = ان لا اله الا من بيديه جنّه ونار
واستبسلي ياجنود الفكر واستشهدي = قدرٍ لمن حطني له مرشد ومستشار
اخوي عين اليمين وعزوتي وسندي = اللي شكالي زمانه يوم قصّر وجار
وانا بعون العزيز المعتلي باهتدي = للشور واشتالها دونه كبار وصغار
شكواك جتني يبو يحيى وقلّ سعدي = ويزيد لو شفت مايرضيك ياخوي صار
فالاوله لو رسمت لشي لا تبتدي = الا بعد الاستخاره والرسول استخار
والثانيه من صبر يظفر ولا بيغدي = شف كيف صبر المزارع في حراوي الثمار
والثالثه تدري ان المشي غير العدي = يعني عمار الفتى مرات كنه دمار
الوقت ياما حدا طوال الشوارب حدي = قبلي وقبلك وجور الوقت ماهو بعار
ماحد براضي بدارٍ قاعها جرهدي = لكنّ الاقدار ياناصر بدون اختيار
افرد حجاجك وليه تعقّده يابعدي = ترى الشدايد بدرب المومنين اختبار
اصبر وسدد وقارب والبساط احمدي = لابد ماياقع اللي فل ريشه وطار
كلٍ لباسه على قده فلا ترتدي = ملبوس غيرك وتبلش لو يضيع الزرار
لازم يصيبك نصيبك زين والا ردي = وان راحت الطيبه فلا يجيك انهيار
جديلها عسجدي والا ماهو عسجدي = مالله كتبها وشلّوها طوال العمار
وعفاك واقبل تحياتي انا وولدي = واخوه واقبل على تقصيرنا الاعتذار
وتريّحي ياهجوسٍ وصّلت مقصدي = لـ اللي طلبني المشوره وصلته باختصار
[/poet]

هنا وهناك


صح الله لسانك ولاهنت

تحياتي

نوض

صوت رائع وصدى لا يقل عنع روعه






صح الله لسانك ولسان هاجد






لاهنتو وبيض الله وجيهكم






تقبل خالص التحيه

الله يبيض وجهك ويبيض وجه اخوك هاجد




عزالله انكم اجزلتو وكفيتو ووفيتو




صح الله السانك ياناصر وياهاجد



ولاهنتو



ودعتكم الله

السلام عليكم ...



لا هنت لا هنت لا هنت



قصيدة من صوت الى صدى


ومن ابداع الى جمالة


قصيدتك تحمل الكثير من الابداعات

فاسمك يا ناصر كبير وقصائدك كبيرة


واخوك هاجد انا اشهد انه مبدع



لا هنتم جميع



فهد

اله الله عليك يابو يحــــــــــــــــــــــــى

والله على ابو حااااااااااااااااتم وربى ابدااااااااااع وقصيد جزل وشى يجمل

بيض الله وجيهكم وصح لسانك ولسااانه

مرحبا بك يانوض هناك وهنا

لاهنتي وصح بدنك

نا صر الاحمري

صوت وصدى رائعان


صح السانك والسان هاجد

لك تحياتي

يا سلام ياسلام


ناصر الأحمري


صح السانك ولا هنت


وصح السان الأخ هاجد



تحياتي لكم

مرحبا ياابراهيم

وصح بدنك طال عمرك

حضورك وتعقيبك شرف لي

لاهنت ولا شنت