(.. يا طويل العمر ريّح حلالك واستريح ..)

[align=center]



السلام عليكم ورحمة الله وبركاته..


أسعد الله أيامكم...

اخواني اعضاء المنتدى الشامخ وزواره


احب ان اقدم لكم..


هذه القصيده لـ اخوي ولد عمي

الشاعر :

ناصر بن فالح بن ناصر الهاجري

(( بدوي ))


في البكره (( موهقه ))

الحايزه على المركز الاول في مزاين

الامير ناصر بن شافي آل شافي

الذي اقيم امس الموافق 13/10/1425هـ[/align]

[align=center][/align]


[poet font="Times New Roman,5,blue,bold,normal" bkcolor="transparent" bkimage="" border="double,4,gray" type=2 line=200% align=center use=ex length=0 char="" num="0,black" filter=""]
يا طويل العمر ريّح حلالك واستريح=لاتوهقك التماني بشوط موهقه
طيع شوري يا ولد ما يصح الا الصحيح=رقم واحد منتزعته وجات توثقه
اقبلت واعتز سوق المدايح للمديح=العيون مشبهره والقلوب امبثقه
اسرفت في خطف الانظار والصايح يصيح=لين قمت اقرا عليها من الحسِد اشفقه
إيه بسم الله عليها من عيون الشفيح=اشرقته بكحتينٍ تتابع واشهقه
الغلا يشبه غلا اللي غلاها مستبيح=دم قلبي لين وسم اضلوعي مطرقه
كان ما طاحت لها الشمغ منهي له تطيح=ذبها من فوق راسي ترى الطيش اسرقه
ايتمقل راعي الصنف فـ الوجه المليح=لين يلبس لـ احتمى الشوط ثوب التفرقه
عند شيخٍ يلتوابه من الوقت الشحيح=لا انهكتنا سود الايام جيناه اطلقه
أبو شافي كنّه اسهيل فالكون السفيح=يرخي اشقاقه لحمل الثقيلات ابثقه
[/poet]

[align=center]وسلامتكم..،،[/align]

البكره زانه والقصيده زانتين ياناصر

صح لسان شاعرها وسلمت يمناك انت...


كل عام ونت بخير

ناصر ياخوك الشايب ماعاد له شي جديد ماتشوف كنك مبطي مانزلته شي فالنداوي..

بيض الله وجهك يا ناصر انت ولد عمك



ومبروك فوز موهقه



تستاهلون المدح يا كاسبينه



تحياتي

المبدع ناصر الهاجري

صح والله لساااااااااااااااااانك










وسلمت طال عمرك









تقبل تحياتي

الاخ العزيز

سعود الدهيمي

شاكرلك مرورك فديتك

وصح بدنك

وكل عام وانت بخير

وابشر فديتك..،

ناصر الهاجري


قصيده جزله

وله منّا التبريكات بالفوز وتستأهل وصورتها دليل

موهقة تستاهل




والشعر بها ما يبى له مشاور




صح لسان ناصر




ولاهنت ياناصر على النقل




لك عاطر الود

[align=center]كفو يامحلف

تستاهلون الناموس
و أنتم من كسابته..







و بيض الله و جهك و جه بدوي...


لكن العشاء متى ؟؟؟؟


تحيتي[/align]

بيض الله وجهك يا ناصر انت ولد عمك



ومبروك فوز موهقه



تستاهلون المدح يا كاسبين الطيب

اي والله تستاهلونه


مبروك الفوز والفوز لنا جميع ياناااصر..

ناصر الحارثي

ووجه من قال

والله يبارك فيك

لاهنت

اخوي

على مرورك

ياسلام


عزالله ان حنا فرحنا بالفوز

ومبروووووووووك يابو مطلق

وصح لسان ابو فالح

وأسلم وسلم على الربع

ناصر المجماج

صح بدنك

والله يسلمك


لاهنت يالغالي

ناصر المجماج

صح بدنك

والله يسلمك


لاهنت يالغالي

شاكرلك مرورك اخي سعود المسعودي

والله يبارك فيك

ابومطلق



ارررررحب ملايين


وصح الله السان ناصر



وانت بعد يا الجزل ماتجيب الا جزل ولا تنقل الا الجزل



ولا يستغرب منك الطيب يا فاعل الطيب




اخوك

عبدالله بن راجس