(((قصيدة سعيدالهاجري وردي عليها )))

(( الله يسعد مساكم بكل خير .. هذه قصيدة
من الشاعر الشاب / سعيد بن سعد الهاجري
مسندها عليّ ورديت عليها واتمنى انني وفقت
فى الرد على قصيدته.. وكذلك اتمنى ان يكون عضو في
هذا الصرح الشامخ الذي يفخربه وبعضويته الا وهو منتدى
النداوي.. بحيث انه شاعر بمعنى الكلمة ...
---------------------------------------------------------------[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
قصيدة سعيد الهاجري .. يقول فيها:
--------------------------------

حي حلوات المثايل جديدات اللحون = يوم فكري جر حوض الطرب وأرخى الدلي

حضّرت شردالمعاني تداحم بالمتون = عقب ماهي في مظامي خيالي همّلي

سالم ابن وحير وين انت ابيك ولاتهون= في لزومٍ مايقوم أله يكود الشلي

عقّب اللي كل ماقال قولٍ مايمون = وقلط اللي يالسنافي يقول ويفعلي

صار وضع الآدمي ياأكن أو لاأكون = ولاعاد أقطع لأحد لين حتى يحزلي

والنفاق الإجتماعي غدا تسعين لون = والمصالح في طيوفه تحل وتفتلي

والتمدح في الفراغات فن من الفنون = تحت جنحه صعب تطلع وسهلٍ تدخلي

في زمنا مضمر الحقد يضحك بالسنون = والنتيجه من تحرك اظلاله يجفلي

النشامى في خوي المصالح يبلشون = ساعة مجنب والأخرى يعود مشملي

شاخو أكبار الوسايد مطردة الصحون = عكّفو اشنابهم والعقال أميّلي

والأمنيات المستحيله تشيّب بالعيون =علم اللي في المقابيل عاده مملي

ضاع ضرب المجتهد وأخلف الوقت الظنون = والقناعة كنزها ماملآ البطن الخلي

كل ماضفى الليل الأسود على الدنيا الردون = وردت أحيام الطواري تعل وتنهلي

واهني أمدقلين الآوادم يدلهون = ماتعبتهم قولةٍ وش علّي اويش لي

ولا أنا في ذمتي إني من الوقت امغبون = اجتماع الشف والعجز داءٍ معضلي

كل شرهٍ مايبي شامتينه يشمتون = إيتصبر في رجاء الغيب والمخرج ملي

لو هل الطالات في الضيق ماهم يمدحون = كان ماللطيب قيمة وقدر ومنزلي

والله إن أكبر طماعه خويٍ مايخون = أجملك فى الضيق لاقلت تكفى ياجملي

مثل ابو سلطان وأهل الوفاء مايجحدون = دايماً صدره لشكوى رفيقه مدهلي

وافيٍ في كل حالٍ وللعلياء زبون = باديٍ رجم المراجل وناره تصطلي

من سلايل سربةً فاللقاء ماينثنون = وعادهم لاشلهب الوقت عيد الهشلي

لازبنهم من خذا الزود واقفى بالديون = منزله عقب الغبا فى الطويل المعتلي

من زبن هيشة لأسد طالبينه يخبطون = والسبب ماكل خصمٍ لخصمه ينولي

هم هل البل في هواها اليا نوّت ينتوون = منهو اللي في آل عازب يغر ويجهل

ياعشيق اللي بها أقروم أهلها يعتزون = في نهارٍ فيه حكم الجهاله لاولي

شبه وضحاً ترتعي في مقاديم الظعون = لاتقاد ولاتقيّد ولاهي تعقلي

تيّهوها من غلاها وسيعين الطعون = وأحتموها من بغاها يرد ويخذلي

والختام القصد كله مجاراة اللحون = كل مايجري على العبدمجريه الولي

ودنا ياسالم اليا سلمت من الشطون = إنك اتسيّر علينا ونذبح لك طلي


(((( سعيد بن سعد الهاجري ))))
-----------------------------------------

رديت عليه اقول ,,
-----------------

بسم رب كل خلقه الفضله يرتجون = ابتدي بسم إلاإله العظيم المعتلي

واحداً يعلم عن الخلق مالا يعلمون = منزل القرأن على الرسول المرسلي

حي منهو للمثايل ومعناها يصون = من هواجيسٍ بحرها يغيض ويمتلي

من بوادر نادر القاف والقاف امحصون = من غلاه ومن غلا صاحبه سوقه غلي

ياسعيد الهاجري يوم غطرفت اللحون = اقبلت شرد المعاني وانا جيت اقبلي

قلت ياهجوسي من افكار تعبير الشجون = اكتبي من فيض هيض القصيد وسجلي

باديٍ لي لازمٍ والنشاما يلزمون = من غداله في دروب التجارب مدخلي

الرجال اليا عطوا علم منك ياخذون = قيل خير البر عاجل ماهوب المجلي

يامنادي ناد واللي سواتك يأمرون = كل غالي مثل شرواك له حقً علي

مرحباً ترحيبةً تبعد اهموم الحزون = من شذاها ضايق البال همّه ينجلي

مرحبا يابو سعد عد ودان المزون = وعد حصم الأرض من (هجر) لين المنخلي

انت كساب المراجل وللعليا زبون = شامخً باسك وراسك من الطيب يغلي

من سلايل سربةٍ ياصلون ويفعلون = يفعلون وينثنون وزبون المبتلي

البيوت اللي لها ظل ووساع الركون = مزبن اللي من ليال الشقا متبهذلي

ياهل الجيرة بطيب المكارم تذكرون = جاهكم وفعالكم للوجيه الطّولي

ابشر بعزك وربعي تراهم يحترون = كلمةً مني ومنك لون ماقلتلي

قلت ياسالم ولكن موضوعك بدون = أي توجيه ٍ عليه القوافل تبتلي

والعدود اطوال ماكل ناسٍ ياردون = عقّب اللي مااحباله الدلوه تصلي

والشجاع انجاه فعله وربعه يمّنون = والكريم امعان بامر الولي متجملي

والنفاق الاجتماعي على مر القرون = علةً لاهيب تبرا ولاهي تقتلي

الدكاتر في علاج الوباء مايقدرون = والدواء يفشل معه والوباء متنقلي

ياعسا كل المسلمين منه يسلمون = يصلحون وينتبه كل قلب امغفلي

والتمدح فى الفرغات لاحظات وغضون = ينكشف في حزةً وقتها فعل اصملي

والمصالح والتبادل وضحكات الجفون = وضع اهلها في زمنا أمّد ومدّلي

مايشيخ الاّ شيوخً زحول ويعرفون = البواسل في دروب الخطر تستبسلي

والشيوخ اهل الوسايد لاكبرت يفشلون = فى اليّسر قبل العسر مالهم وصف وحلي

اترك اللي لاقسا الوقت ماهم يحتمون = المواقف في ظروفٍ قساها يتلي

والعوارف صوب بيت المعرفه ينتمون = من يمدّ الكف مملي رجع له ممتلي

والأمل بالله قوّي ياعباداً تمتنون = لأومر نزول الأمطار بأمره تنزلي

(( وسلامة الجميع ))
[/poet]

الاخ سالم بن محمد بن وحير صح لسااانك
وصح لساان سعد الهاجرى ومسالجه من الوزن الثقيل

شعار كبااار والهم كلمتهم بالشعر


سجل اعجابي الشديد


اخوك


السنافي

...1

النشامى فـي خـوي المصالـح يبلشـونساعة مجنـب والأخـرى يعـود مشملـي

شاخو أكبار الوسايـد مطـردة الصحـونعكّـفـو اشنابـهـم والعـقـال أميّـلـي

والأمنيـات المستحيلـه تشيّـب بالعيـونعلـم اللـي فـي المقابيـل عـاده مملـي



...2


والشجـاع انجـاه فعلـه وربعـه يمّنـونوالكريـم امعـان بامـر الولـي متجملـي

والنفاق الاجتماعـي علـى مـر القـرونعلـةً لاهيـب تبـرا ولاهــي تقتـلـي

الدكاتر فـي عـلاج الوبـاء مايقـدرونوالـدواء يفشـل معـه والوبـاء متنقلـي

ياعسـا كـل المسلميـن منـه يسلـمـونيصلحـون وينتبـه كـل قلـب امغفـلـي

والتمدح فى الفرغات لاحظـات وغضـونينكشف في حـزةً وقتهـا فعـل اصملـي

والمصالح والتبـادل وضحكـات الجفـونوضـع اهلهافـي زمنـا أمّـد ومـدّلـي

مايشيـخ الاّ شيـوخً زحـول ويعرفـونالبواسـل فـي دروب الخطـر تستبسلـي

والشيوخ اهـل الوسايـد لاكبـر يفشلـونفى اليّسر قبل العسر مالهم وصف وحلـي

اترك اللي لاقسا الوقـت ماهـم يحتمـونالمواقـف فـي ظـروفٍ قساهـا يتـلـي

والعوارف صوب بيت المعرفـه ينتمـونمن يمدّ الكف مملـي رجـع لـه ممتلـي

والأمـل بالله قـوّي ياعبـاداً تمتـنـونلأومر نـزول الأمطـار بأمـره تنزلـي




هنا للشعر الجزل والصح مضرب مثال




هنا للبيان سحر تسافر معه




شاعريين أستفدنا من دررهم وغالى نفيسهم ما جعلنا نتنال قهوة هذا المساء من الجزاله




دمتم على العز أيو الله




اخوكم

سالم بن وحير

صح والله لسااااااااااااااااااااااااااااانك


ولسان الهاجري


















وسلمت ودمت طال عمرك












تقبل تحياتي





ناصر المجماج

،،،،

اررررررررررررررررررررررررررررررررررررررررررررحب






صح لسااااااااااااااااااااااااااانك


ولسااااااااااااااااااااااااااااااااانه


وبيض الله وجهك يالقررررررررررررررررررررررررررم

صح والله لسانك ولسانه ياسااالم شعراااء جزلين ماشااء الله عليكم

صح الله لسانك ولسان الهاجري



وبيض الله وجيهكم




تحياتي وتقديري

اخي العزيز/ السنافي

هلا وغلا وتشرفت بحضورك

وفتخر بزيارتك وتواجد والله

يصح ابدنك ويعطيك العافيه

لاهنت اخي الفاضل والف شكر

على مرورك الكريم ..

تقبل خالص التحيه..

صح لسانك ياسالم وصح لسان الهاجري

جزالة وكلام ثمين.

تحياتي.

صح لسانك يابو محمد
ولسان من اسند لك

اي بالله انه شاعر وحريصين على تواجده بيننا

تحياتي لك وللهاجري..

شاعرنا .. سالم بن وحير


سلمت ودمت بهذا الإبداع


والتألق



ولك تحياتي .. بلا حدووود

الله الله الله الله الله الله الله الله الله الله الله
قسماّ بالله العظيم انها من اروع ماقريت من الرديّات شي هايل متبادل ماشاءالله تبارك الرحمن ... قوّة بيوت مادخلها حشوّ مرصعّه بالذهب .. وسبكها متين لله دركم من شعراء .. عزالله العزيز اني اطربت ذائقتي الليله ولايحتاج ادوّج فالنداوي من غير قصور فالشعراء عقب ذالرديّات والشهاده لله
صح الله السنتكم ولاهنتو وتحرون بكل ماهو طيّب وهذا العهد فيكم
تقبل كل مااحمله من اعجاب لمراجلكم وكلامكم الذرب

الشاعر المتألق دائماً خالدالذيابي

يعلم الله انك انت واللي مثلك امن الشعراء المبدعين

ان إشادتهم لها اثر في نفسي .. ومتابعتك وحرصك

على جديدي يعلم الله انه فخراً وعتزاز . لاهنت وبيض الله

وجهك .. تشرفت بحضورك يالصديق الغالي ..


لك خالص التحيه والتقدير..

اخي العزيز/ ناصر المجماج

تشرفت بحضورك

ولي الفخر بتواجد وتصفحك

لهذه النصوص والتي اتمنى

ان تكون عند حسن الظن


لك خالص التحيه والتقدير,,

سالم

صح السانك والسان الهاجري


قصيده ورد من اروع ما قرات

لك تحياتي