(((قصيدة سعيدالهاجري وردي عليها )))

ارحب يابو طلال ارحب

يصح الله ابدنك شاعر شهادتك

لها اعتبار وتلفت الانظار ولها وزنها الخاص

بحيث انك شاعر من اعلام الشعر في دول

الخليج ..


لاهنت يابو طلال وتقبل مني كل الحب والتقدير..

شاعر المحاوره والنظم المعروف/ سعيد الفهري

ارحب ارحب تراحيب المطر

وفيت وكفيت ولاقصرت

غمرني كلامك الجزل والثمين

وهذا من طيب وطيب اصلك العريب

تشرفت بحضورك ويامرحبابك انت

واللي مثلك ..

لك مني كل الشكر والتقدير..

مرحبا ياناصر

صح الله ابدنك

والله يعطيك العافيه

تشرفت بحضورك


ولاهنت على هذه الزياره


لك مني كل الشكر والتقدير.

يا سلام يا سلام


من اجمل الرديات التي قرأتها

صح الله لسانك ولسان الشاعر الرائع سعيد الهاجري

ودام نقاؤكم وابداعكم


اخ وك

الله الله يابن وحير

صح لسانك ولسان سعيد

عز الله رديّه واااافيه من وافين

من قوة ابيات القصيدتين ماقدرت اختار شي منها


ماشالله عليكم


تحياتي

ارحب ارحب ياراشد

تشرفت بحضورك

وافتخر بزيارتك

وتسعدني متابعتك

لكل نص اكتبه في هذا المنتدى

وهذا من وفاك وطيب معدنك

اتمنى ان اراء جديدك الايام الجايه

ولك كل الحب والتقدير..

اخي العزيز/ حسن الهاجري

تشرفت بحضورك ولاهنت على زيارتك

واتمنى ان كل ما اكتبه في هذا المنتدى

الشامخ يكون عند حسن ظنك انت ومثالك

من الشعراء الاوفياء..


لك مني كل الشكر والتقدير..

ابو ناصر مرحبا تراحيب المطر

اولاً مبروك عليك المطر وعساء سقيا خير ورحمه

واشكرك على زيارتك وتصفحك لهذا النص

واتمنى ان يحوز رضاك وعجابك انت وكل

الشعراء المبدعين..


لاهنت يابو ناصر وتقبل مني كل الشكر والتقدير..

فهد بن دلباح

مرحبا وحياك الله

تشرفت بزيارتك

والله لايهينك ويعطيك

العافيه ..


لك مني خالص التحيا

اخي العزيز/ فهد بن دلباح

ارحب ارحب تراحيب المطر

تشرفت بحضورك ولي الفخر

بوجودك انت ومن مثلك

زيارتك تسعدني وترفع الراس

ياطيب الساس ..


لاهنت وبيض الله وجهك..

لك مني كل السكر والتقدير...

سالم

صح السانك والسان الهاجري


قصيده ورد من اروع ما قرات

لك تحياتي

علي العجب

مرحبا وحياك الله

افخربك وبزيارتك

وحضورك يشرفني

ويسعدني..

لاهنت ولك مني كل الشكر ..

صح لسانك ولسان الهاجري




ابدعتوا

(( الله يسعد مساكم بكل خير .. هذه قصيدة
من الشاعر الشاب / سعيد بن سعد الهاجري
مسندها عليّ ورديت عليها واتمنى انني وفقت
فى الرد على قصيدته.. وكذلك اتمنى ان يكون عضو في
هذا الصرح الشامخ الذي يفخربه وبعضويته الا وهو منتدى
النداوي.. بحيث انه شاعر بمعنى الكلمة ...
---------------------------------------------------------------[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
قصيدة سعيد الهاجري .. يقول فيها:
--------------------------------

حي حلوات المثايل جديدات اللحون = يوم فكري جر حوض الطرب وأرخى الدلي

حضّرت شردالمعاني تداحم بالمتون = عقب ماهي في مظامي خيالي همّلي

سالم ابن وحير وين انت ابيك ولاتهون= في لزومٍ مايقوم أله يكود الشلي

عقّب اللي كل ماقال قولٍ مايمون = وقلط اللي يالسنافي يقول ويفعلي

صار وضع الآدمي ياأكن أو لاأكون = ولاعاد أقطع لأحد لين حتى يحزلي

والنفاق الإجتماعي غدا تسعين لون = والمصالح في طيوفه تحل وتفتلي

والتمدح في الفراغات فن من الفنون = تحت جنحه صعب تطلع وسهلٍ تدخلي

في زمنا مضمر الحقد يضحك بالسنون = والنتيجه من تحرك اظلاله يجفلي

النشامى في خوي المصالح يبلشون = ساعة مجنب والأخرى يعود مشملي

شاخو أكبار الوسايد مطردة الصحون = عكّفو اشنابهم والعقال أميّلي

والأمنيات المستحيله تشيّب بالعيون =علم اللي في المقابيل عاده مملي

ضاع ضرب المجتهد وأخلف الوقت الظنون = والقناعة كنزها ماملآ البطن الخلي

كل ماضفى الليل الأسود على الدنيا الردون = وردت أحيام الطواري تعل وتنهلي

واهني أمدقلين الآوادم يدلهون = ماتعبتهم قولةٍ وش علّي اويش لي

ولا أنا في ذمتي إني من الوقت امغبون = اجتماع الشف والعجز داءٍ معضلي

كل شرهٍ مايبي شامتينه يشمتون = إيتصبر في رجاء الغيب والمخرج ملي

لو هل الطالات في الضيق ماهم يمدحون = كان ماللطيب قيمة وقدر ومنزلي

والله إن أكبر طماعه خويٍ مايخون = أجملك فى الضيق لاقلت تكفى ياجملي

مثل ابو سلطان وأهل الوفاء مايجحدون = دايماً صدره لشكوى رفيقه مدهلي

وافيٍ في كل حالٍ وللعلياء زبون = باديٍ رجم المراجل وناره تصطلي

من سلايل سربةً فاللقاء ماينثنون = وعادهم لاشلهب الوقت عيد الهشلي

لازبنهم من خذا الزود واقفى بالديون = منزله عقب الغبا فى الطويل المعتلي

من زبن هيشة لأسد طالبينه يخبطون = والسبب ماكل خصمٍ لخصمه ينولي

هم هل البل في هواها اليا نوّت ينتوون = منهو اللي في آل عازب يغر ويجهل

ياعشيق اللي بها أقروم أهلها يعتزون = في نهارٍ فيه حكم الجهاله لاولي

شبه وضحاً ترتعي في مقاديم الظعون = لاتقاد ولاتقيّد ولاهي تعقلي

تيّهوها من غلاها وسيعين الطعون = وأحتموها من بغاها يرد ويخذلي

والختام القصد كله مجاراة اللحون = كل مايجري على العبدمجريه الولي

ودنا ياسالم اليا سلمت من الشطون = إنك اتسيّر علينا ونذبح لك طلي


(((( سعيد بن سعد الهاجري ))))
-----------------------------------------

رديت عليه اقول ,,
-----------------

بسم رب كل خلقه الفضله يرتجون = ابتدي بسم إلاإله العظيم المعتلي

واحداً يعلم عن الخلق مالا يعلمون = منزل القرأن على الرسول المرسلي

حي منهو للمثايل ومعناها يصون = من هواجيسٍ بحرها يغيض ويمتلي

من بوادر نادر القاف والقاف امحصون = من غلاه ومن غلا صاحبه سوقه غلي

ياسعيد الهاجري يوم غطرفت اللحون = اقبلت شرد المعاني وانا جيت اقبلي

قلت ياهجوسي من افكار تعبير الشجون = اكتبي من فيض هيض القصيد وسجلي

باديٍ لي لازمٍ والنشاما يلزمون = من غداله في دروب التجارب مدخلي

الرجال اليا عطوا علم منك ياخذون = قيل خير البر عاجل ماهوب المجلي

يامنادي ناد واللي سواتك يأمرون = كل غالي مثل شرواك له حقً علي

مرحباً ترحيبةً تبعد اهموم الحزون = من شذاها ضايق البال همّه ينجلي

مرحبا يابو سعد عد ودان المزون = وعد حصم الأرض من (هجر) لين المنخلي

انت كساب المراجل وللعليا زبون = شامخً باسك وراسك من الطيب يغلي

من سلايل سربةٍ ياصلون ويفعلون = يفعلون وينثنون وزبون المبتلي

البيوت اللي لها ظل ووساع الركون = مزبن اللي من ليال الشقا متبهذلي

ياهل الجيرة بطيب المكارم تذكرون = جاهكم وفعالكم للوجيه الطّولي

ابشر بعزك وربعي تراهم يحترون = كلمةً مني ومنك لون ماقلتلي

قلت ياسالم ولكن موضوعك بدون = أي توجيه ٍ عليه القوافل تبتلي

والعدود اطوال ماكل ناسٍ ياردون = عقّب اللي مااحباله الدلوه تصلي

والشجاع انجاه فعله وربعه يمّنون = والكريم امعان بامر الولي متجملي

والنفاق الاجتماعي على مر القرون = علةً لاهيب تبرا ولاهي تقتلي

الدكاتر في علاج الوباء مايقدرون = والدواء يفشل معه والوباء متنقلي

ياعسا كل المسلمين منه يسلمون = يصلحون وينتبه كل قلب امغفلي

والتمدح فى الفرغات لاحظات وغضون = ينكشف في حزةً وقتها فعل اصملي

والمصالح والتبادل وضحكات الجفون = وضع اهلها في زمنا أمّد ومدّلي

مايشيخ الاّ شيوخً زحول ويعرفون = البواسل في دروب الخطر تستبسلي

والشيوخ اهل الوسايد لاكبرت يفشلون = فى اليّسر قبل العسر مالهم وصف وحلي

اترك اللي لاقسا الوقت ماهم يحتمون = المواقف في ظروفٍ قساها يتلي

والعوارف صوب بيت المعرفه ينتمون = من يمدّ الكف مملي رجع له ممتلي

والأمل بالله قوّي ياعباداً تمتنون = لأومر نزول الأمطار بأمره تنزلي

(( وسلامة الجميع ))
[/poet]

سالم صح لسانك ولسان الشاعر سعيد الهاجري

وقصايد من شعار كبار واغنيا عن كل مدح لا انهم مثبتين

وجودهم بما خطت يمانيهم

وبدون مجامله قصيدتين لا تقل الاوله عن الثانيه

لاهنتم ولكم احترامي

بالطبع ابدعتم والكل منكم يستاهل


بن وحير تقبل اصدق التحايا

وسجل مروري ومتابعتي

ودمت بالف خير...!