ياناشدٍ عني تراني حسيكي

[poet font="Simplified Arabic,4,white,bold,normal" bkcolor="transparent" bkimage="backgrounds/10.gif" border="solid,4,gray" type=2 line=200% align=center use=ex length=0 char="" num="0,black" filter=""]
هذه القصيدة تصف جزء من قبيلة بني الحارث و هم الحسكان
للشاعر /حسين بن داخل بن غصن الحسيكي الحارثي
محاكيكم اللي هوانا اعوذ بالله من كلمة انا



.

يقول من يبدع جــديــد المثــــايــل=واليا بدَع صــــارت بيوته دلايــل

ابدع بيوت الشعر من بـال واســع=وأخذ جزيله وأترك اللي هــــزايل

يـــا ناشــدٍ عني تــراني حسيـكــي=وربعي حسيكة مـن خيار القـبـايل

نُعرف ترانا كلنا باســـم حسكــــان= لا حل ذكـر المـــدح حنــا الأوايـل

سبـعة بــدود وكــل بـدٍ مســمـــــى=سلايل إرجـــالٍ ونعـــم السـلايــــل

بني كريـم أهل الوفـاء والشهامـــة=ثلاثة بدودٍ مــن أهــــل الفضــايـل

ربعي ألاد ازحـام قـــومٍ لنا شـــأن=قوم المشوّك يــوم قــــدح الفتــايل

تشهد لنا الحصنين حَـيده وريعــــه=ويشهد لنـا حتى الجــــبل بالفعـايل

أهل الكرم والجــود فأول وتالــــي= ذبّـاحـةٍ للضــيــف كـــبشٍ وحـايل

وأهل الحكم والمعرفة وأهل ديـني=نوعد ونوفي من رجــال الصمايل

وأما العطا سبحان ربٍ عطاهـــــم=العـرِف والحكــمة وعـدة خصايل

أهل الشعر لن عودت للـقـصايــــد=أشعــارهم تذكـر ولا هي قلايــــل

للشعر شعــارٍ وللعرف عــــــرّاف=شيوخنا عــرّافـنا فــالـقــبـــايـــــل

وإن عودت للحرب قوم الحرايــب= يشهد لهـم كوبان وإعذب مــَهَــايل

وإن قلت ألاد جعيد قوم الزعــامـة= شجعان وقت الحرب مــاهم ذلايل

أفعالهم منها العدا تلعن إبــلـــيـــس= يـــانعــــم فيهم والعــــمـايم نطـايل

أهل الحمية من قديم الســنـيـــنـــي=فزعــاتَهم يـــوم الجـــنـايز حمايل

والمجيَـشــي أربع بدودٍ عـــددهـــم=قريــش وهمـــيلي وعـمري نكايل

وألاد مشعف رابع ابدود مجــيَــش=حسكان لعيون الحريبي خلايل

قريش مروين السيوف البــــواتـــر=مرويـن سلات السـيوف الصقـايل

ربعٍ لهم في الوقت قيمة وهــيــبــة=يُحسب لــهم يـــوم إنها بالـنــهايـل

وقفاتهم مــن ماضيات العصــوري=أهل الحيل للخصم وأهل المحــايل

وأما الهميلي ســِعد من ينتخـــي به=يـا سِعد من ينصـاه من شر عـايل

حَمّاية الديرة ليا مـــن الــمــَلـَح ثار=قطّــاعة الفُرجة بليل وقوايل

يـــــا جاهلٍ فـــيــهــــــم تنًشَد وتلقا=تلقا الهمـيلي مـن رجال الجمـــايل

وألاد عمر معمريـــن الحـــــدودي=حامينها يـــوم الذخــاير شــــعــايل

ياما من العـــدوان صدوا مـغـيــره=وراحواعداهم من ضَــــَرهم قتايل

ناسٍ لهم في الوقت صولة وجـولـة=صالوا و! جالوا مع عيال الحمايل

يشهد لهم بيضان وصرار شــاهـــد=يــوم الثميدي مثل وبل الـمخـــايـل

وأمــا الشعافين أهل قول وشهـامــة=قـوم الوفاء والطيب قـــوم الكمايل

عز الضعيف اللي حداه الزمـــــاني=اللــــي زمــــانه متعبه بالعـــلايــل

يرقد بأمــــان الله وثم الــنـشــــامــا=قــروم الرجــال معدّلِـين الـمــوايل

وسَمُوا الحنيشــي حي ذيك القبيلـــة=امشيديــن المجــد بيـن الــقــبــايـل

حامين حدّان الدِّير بــــالــبـــــنـادق= رَسَــوا ورَسَّوا مــن بقلبه غـــلايل

سقم الحريب وعز مــن ينتخيــهـــم=تاريخهـم مثبـوت مــا هــو بزايـل

هذي قبيلتنا وهــــــذا نســبــنــــــــا=متسلسـل ٍبالمـجـد مـــابــه فـشـايل

مـن جدنا حسيكي إلى الجد ناصــر=الناصري حارث من أهل الشكايل

حسيـك بن ناصر وناصر لحــارث=وحارِث مُعرَّب عن جميع الـرذايل

حنا الحظر والبدو منــا الشـــلاوى=قـوم الشهامـــة حي ذيـك الفصايل

ألاد شالي ناصره مرجع إلهـــــــــم=منــا وفينـا والــنســب نعــم طـايل

وحنــا بنى الحارث قبيلة عــــريبـة=تاريخنــا واضــح ولابـه ضــلايل

يـــوم المغازي كل عايل نصــــــده=بمســلبـــاتٍ فــي يديــنـــا نقــــايل

يامـــا خذينا من قروم الرّجــــــــال=وياما قعـــد خــــلٍ لِــخـــله يخايل

يـــوم إنها ما بين ســــارق وناهب=وكلٍ على خصمه يسوق الأصايل

صلنا وجلنا فــــي قديم الـلـيــــالـي=نَغلِب ونُغلَب لين صـارت عدايل

واليوم أبــو فيصل حكمها بسيفــــه=وعــم الأمان بفضـل رب الجلايل

وكــلٍ عَرَف دربه وأخذها سنــاني=إلا الخبيـــل اللي بعــقله خـــبايــل

وكل القبايل نعم فيهم عمومي=من منطقة جيزان الى ضلع حايل

ومن راس تنوره الى بحر جده=قبلايلٍ لها فعولٍ جزايل

والخاتمة مــاودي أجحِف بقــــولي=ولا أريد افتِّـح مبهمات الرســايـل

اثنين وخمسين بيتٍ كتبتها =نقيتهــا وأبعدت عنها العـــظــايـل

وصلاة ربي عـــــد مـن زار مكــة=عـــلى شفيع الخلق يــوم الهــوايل



.
حسين بن داخل بن غصن الحسيكي الحارثي{سهيرالليل}

[/poet]

صح لسااانك صح لسااانك
ونعم فيك وفي ربعك كلهم

قصيده جزله من جزل

اخوك


السنافي

اررحب يالذيب


وصح الله لساانك

وكفووووووووو بك وبالقبيله تقولون وطولون

ودعتك الله

الاخ/ سعود بن فهد الحبش

صح بدنك ولاعليك زود اليوم ودوم

ولاعلى القبايل كلها زود والنعم في الجميع

{سهيرالليل}

حسين

ونعم بك وربعك وبالقبيله كلها

صح السانك ولاهنت


لك تحياتي

الاخ / سالم العرجاني

والنعم بك ولاعليك زود يالقرم

وصح بدنك والله لايهينك


تقبل تحياتي


{سهيرالليل}

حسين

صح لسااااااااانك

جزله جزله

يستاااااااااااهلون ربعك

ومليون نعم

النااااااااايف

سبعة بـدود وكـل بـدٍ مسمـى
سلايل إرجـالٍ ونعـم السلايـل

بني كريم أهل الوفاء والشهامـة
ثلاثة بدودٍ مـن أهـل الفضايـل



صح لسااانك





شاعر له حجمه واسلوبه

صح لسااانك
ونعم فيك وفي ربعك كلهم
تحياتي

الاخ / حسن الوطري

صح بدنك ولاهنت

والنعم بالجميع ولاعليك زود

تقبل تحياتي وشكري


{سهيرالليل}

حسين

ونعم بك وربعك وبالقبيله كلها

صح السانك ولاهنت


لك تحياتي

الشاعر حسين الحارثي

صح لسانك وتسلم يمينك

وافيه من وافي

جزله لاعدمتك

سجل الاعجاب والتقدير

ابوعرب

الشاعر / حسين الحارثي

أطلعت علي القصيده وأقول ونعم

ونعم في ربعنا حسيكه من قبيلة بالحارث العريقه

وذكرتني ببيت شعر من قصيده طويله

الصحيح أن القبايل في الجزيره **** كلهم ونعم وبراي الحيادي

العوايد وحده والطبع واحد ***** في العصور الاوله ولا الجدادي


تسلم وبيض الله وجهك

ولك تحياتي وننتطر الجديد

الاخ / نياف العتيبي

والنفم فيك وفي كل القبايل بدون خصوص

وصح بدنك وكل قبيله فيا حقها من رجالها

اخوك{سهيرالليل}

الاخ /فلاح ال مخلص

صح بدنك يالقرم

والله يعطيك العافيه

تقبل تحياتي

{سهيرالليل}