Tweet
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
شع نور الصبح وانا من غروب الشمس واعي = اتفكّر في الدهر واقول يارب السلامه
من نفوس شالت اصناف الزعل من غير داعي = كلما قابلتها بالطيب تبدي لي الرخامه
وسوسو والوسوسه نوع من انواع الصداعي = والموسوس يشتبه مابين شيهان ونعامه
ضاعت الشله قهر بين الثلاثي والرباعي = قال هذا في الحجاز وقال هذا في تهامه
سارحين ورايحين القطعة اللي دون راعي = واسمن القطعه هلامه واهزل القطعه هلامه
حفنتينٍ زايده مابين مدّ وبين صاعي = مالها حتى زكاة وجات من حظ الحمامه
شلقةٍ غنّو ردى والصوت في الجالات ذاعي = غنّت البومه وردد طرقها عشرين هامه
العمار كبار والتفكير في سن الرضاعي = للجهاله والسفه فيهم ثلاث امية علامه
فرقة المزمار والثوب المزبرق بالرقاعي = ماعليهم من حلال الفعل والا من حرامه
يشربون وياكلون اكل البهايم في المراعي = كل بطنٍ منتفخ في سلمهم يعني قرامه
الكناني من كنانه فيه فرق عن الخزاعي = يعني الشاهد في الموضوع من راعي العمامه
من يخالف سلم جدانه حياته في ضياعي = بن خليفه لو سكن في مصر من يعطي المنامه
ولا ني موكّل على من طاش في الدنيا وصاعي = بس لا دِقّ الحديد ابغاه لا يكثر كلامه
ولا يحمّل نفسه القشرا بغير المستطاعي = الزعامه لهلها يقصر عن اصحاب الزعامه
وكان شافوني اغض الطرف عن سقط المتاعي = لا يحسبونه قصور ولا يحسبونه غشامه
التجاهل مع قلال العرف له عدة دواعي = لكن اقواها على شان الغضي راعي اللثامه
جعلهم فدوة مواطيها بعد شبري وباعي = ماتنسّيني فعول اهل الردى ظبي العدامه
لو يسوّون الدواهي قلت سعيك ياسواعي = ما التفتّ الا لمن تذبح بنظره وابتسامه
والجديل العسجدي والكحل بالسود الوساعي = ووجهها مايشبه الا البدر في ليلة تمامه
با اترفّع لجلها واللي خذيته من ذراعي = والحياة دروس والمحسوب معروفٍ مقامه
[/poet]
شع نور الصبح وانا من غروب الشمس واعي = اتفكّر في الدهر واقول يارب السلامه
من نفوس شالت اصناف الزعل من غير داعي = كلما قابلتها بالطيب تبدي لي الرخامه
وسوسو والوسوسه نوع من انواع الصداعي = والموسوس يشتبه مابين شيهان ونعامه
ضاعت الشله قهر بين الثلاثي والرباعي = قال هذا في الحجاز وقال هذا في تهامه
سارحين ورايحين القطعة اللي دون راعي = واسمن القطعه هلامه واهزل القطعه هلامه
حفنتينٍ زايده مابين مدّ وبين صاعي = مالها حتى زكاة وجات من حظ الحمامه
شلقةٍ غنّو ردى والصوت في الجالات ذاعي = غنّت البومه وردد طرقها عشرين هامه
العمار كبار والتفكير في سن الرضاعي = للجهاله والسفه فيهم ثلاث امية علامه
فرقة المزمار والثوب المزبرق بالرقاعي = ماعليهم من حلال الفعل والا من حرامه
يشربون وياكلون اكل البهايم في المراعي = كل بطنٍ منتفخ في سلمهم يعني قرامه
الكناني من كنانه فيه فرق عن الخزاعي = يعني الشاهد في الموضوع من راعي العمامه
من يخالف سلم جدانه حياته في ضياعي = بن خليفه لو سكن في مصر من يعطي المنامه
ولا ني موكّل على من طاش في الدنيا وصاعي = بس لا دِقّ الحديد ابغاه لا يكثر كلامه
ولا يحمّل نفسه القشرا بغير المستطاعي = الزعامه لهلها يقصر عن اصحاب الزعامه
وكان شافوني اغض الطرف عن سقط المتاعي = لا يحسبونه قصور ولا يحسبونه غشامه
التجاهل مع قلال العرف له عدة دواعي = لكن اقواها على شان الغضي راعي اللثامه
جعلهم فدوة مواطيها بعد شبري وباعي = ماتنسّيني فعول اهل الردى ظبي العدامه
لو يسوّون الدواهي قلت سعيك ياسواعي = ما التفتّ الا لمن تذبح بنظره وابتسامه
والجديل العسجدي والكحل بالسود الوساعي = ووجهها مايشبه الا البدر في ليلة تمامه
با اترفّع لجلها واللي خذيته من ذراعي = والحياة دروس والمحسوب معروفٍ مقامه
[/poet]
[/align]
تعليق