( قلـطـة ومغتــرة ) ؟!

السلام عليكم ورحمة الله وبركاته

عذراً على الغياب
ومشاركة بسيطه عساها تحوز اعجابكم

[poet font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ماغير اعرّض على الطاروق وأجرّه=واقف على قفلته واعيد مبداها
قصيدة البارحه سميتها درّه=وقصيدة الليله الدرّه ومعناها
وافر مخي من اللي صار وافرّه=كل السوايا تعدتها سواياها
اخطت ولا كل ساعة تسلم الجرّه=وانا اتعمّد على دمحت خطاياها
العين من طارى التذكار محمرّه=والقلب يزوى عروقي في زواياها
ماغير اشيل الوله فالعين واثرّه=والنفس جابت دعاويها من اقصاها
يالصاحب اللي عليه اعاود الكرّه= اترك دروب الشكوك ولا تحلواها
اثور واجهر بحبك ساع واصرّه=واجزع واسوق الطواري واتعزواها
شفني اسدد زكاة الحب وابرّه=زكاة حبك صميم القلب زكاها
قلطت لك فالحشا ( قلطة ومغترّه )= وقلطت لى واقع الفرقا وطرياها
لا ياخذك داعي الهجران وتمرّه=دعاوي الهجر لا رحم أبو مجناها
البارحه من هجوسي مابقي ذرّه=كل الهواجيس عندك وانت ملفاها
ماغير اطريّك من باب ابرد الحرّه=واشهد عضيدي على الفرقا وبلواها
يامساعد الصبر خلاني على الجرّه=احدود صبري تعدتني مطاياها
الجادل العيطموس الفارع الحرّه=انا بدرب الغرام أول ضحاياها
اوصالها مرّ والفرقا بعد مرّه=وأمر منها الحياه اللي بلياها
[/poet]

[طراد آل مشرف اليامي]

اررررررررحب

ومن طول الغيبات جاب الغنايم


صح الله لسانك

قصيده كافيه وافيه

تقبل خالص تحياتي

طراد اليامي

هلا وغلا يابو خالد


هاهم الكبار دائماً يكون حضورهم قوي....


صح لسانك...

الجادل العيطموس الفـارع الحـرّه
انا بـدرب الغـرام أول ضحاياهـا
اوصالها مرّ والفرقـا بعـد مـرّه
وأمر منها الحيـاه اللـي بلياهـا


يا ويييييييييييييييييلي يا سعد

هذا بلا ابوك يا عقاب


على كل حال قصيده غايه في الجمال والابداع والاحساس الجميل
ما هي غريبه عليك يا سعد

تحياتي لك

مرحبا تراحيب المطر ..

مهما كانت فترة غيابك فانت حاظر في قلوبنا ..


لاجديد الا الابداع ياسعد ..


تقبل خالص تحياااااااااااتي

ياسلام سعد براك

شاعر يكتب الجزاله والابداع لكي نستمع بها ردحاً من الزمان

حضورك مطر هتان ياسعد ....ونرحب بك جميعاً في بيتك الاول والاخير

صح لسانك واجمل تحياتي

حضور لعملاق


يستحق الوقوف طويلا



لله درك ياسعد




شاعر تتلعثم الكلمات امام نصوصه




صح لسانك ولا هنت




تقبل تحياتي

الله علييييييييييييييييييك ياسعد




صح الله السااانك




ولاهن وربي رووووووووووووووعه



اخوك



الراوي

[ظويهر الشمري]

[align=center]الشاعر المبدع : سعد براك

صح بووحك

شاعر مبهج في كل حالاتك



اجمل التحايا[/align]

هلا يا طراد
ولاهنت على الحضور والكلام الطيّب
تقبل تقديري

يامساعد الصبر خلاني على الجـرّه
احدود صبـري تعدتنـي مطاياهـا
الجادل العيطموس الفـارع الحـرّه
انا بـدرب الغـرام أول ضحاياهـا
اوصالها مـرّ والفرقـا بعـد مـرّه
وأمر منهـا الحيـاه اللـي بلياهـا



مليون مرحبا ياابو خالد


افرحتني بهالقصيده الله يفرحك بالجنه


صح لسانك



وصدق ابو مشاري

سعد براك



ياسلام عليك




لك بصمه متجليه




وروح بكل قصيدك




صح لسانك مدد




اخوووك