من غير ليه يابن شايع

[align=center]الشاعر سعيد الحمالي


صح لسانك مليون ولايكفون

شاعر جزل ولاتاتى الا بالجزاله


تقبل ودى وتحيتى

شجون الليل[/align]

ياهجوسي جاوبي الصوت عنـي جاوبيـه
جاوبي نبـع الحكـم والقصيـد وعيلمـه
مرحبا وأهليـن بالخـط واللـي محتويـه
عد ما يضوي الفضاء من كواكب وأنجمـه


الله الله يابوناصر

صح السانك والسان الرائع ابن شايع

عز الله كايفه

وكعادتك جزل



حفظك الله ورعاك

ابو ناصر



كنت هنا



لي عوده واكثر من قراءه


صح الله لسانك

كتب أخي الشاعر الجزل: عبدالله ابن شايع القحطاني
هذا النص:
http://www.alnadawi.com/vb/showthread.php?t=30173

وهذا ردي المتواضع على نصه الرائع وارجو منه ومنكم السموحه على التقصير


[poet font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا هجوس الشعر لامن دعيتك حضريه = قبل ما أصوّت لشيطان شعري وأنهمه
إن حضر من طيب وإلا يجي غصبن عليه = لو شياطينه مريده تجيني مسلمه
سخرةٍ من ربي اللي أخافه وأرتجيه = واهب الحكمه وفصل الخطاب وملهمه
من يعزه فوق صرح المعالي يعتليه = ومن يذله ماله أحدن سوى الله يكرمه
ومن يدلّه قام حظه ولا يمكن يتيه = ومن يظلّه ضاع بين الدروب المظلمه
بأمره ونهيه رضينا وحن منّه واليه = خالق المخلوق كاسي عظامه بلحمه
ياهجوسي جاوبي الصوت عني جاوبيه = جاوبي نبع الحكم والقصيد وعيلمه
مرحبا وأهلين بالخط واللي محتويه = عد ما يضوي الفضاء من كواكب وأنجمه
وعد ماينشي من الغيم والريح تحديه = ايتكاشف برقه وللرعد فيه حطمه
وابله عم الوطن والبلاد اللي تليه = وسالت الوديان من "بيش" لى وادي "الرمه"
وكل روضٍ زاف عشبه على ما تشتهيه = وكل دارٍ ربعت تشبع إبله وغنمه
يابن شايع لأجلك الشعر نبسط راحتيه = والمعاني خيلها مسرجات وملجمه
الوفاء والطيب طبعك ولانتب تدعيه = والحقايق ماتساوى بحلم تحلمه
جعلني ما أعدمك يامحزم اليوم الكريه = من رجالٍ خصمهم في الملاقا تهزمه
إن تقدم قدموا كأس موته يحتسيه = وإن زما يبشر بكفٍ على الخشم لطمه
ويبشرالمجرم ليامن زبنهم بسعديه = من زمان فات مافيه حكم ومحكمه
غير حكم اللي يرد الأمر والشأن فيه = صارمٍ سطّر له المجد قصة ملحمه
ماحدن يدّي لك الحق رحمة والديه = ومن تحاشى الظلم يلقى ظلومٍ يظلمه
ومن يبي كسب المعالي يشمّرساعديه = يبعد شبوحه ويعزم وسره يكتمه
ومن يودّع سر عند المره ولا السفيه = يصبر اليا شاع سره ولايفتح فمه
لاتقول إني ذكي والغبي بأكرب عليه = الذكي مهما يجادل غبي ما يفحمه
والصقر لاطاح في يد جاهل يشتويه = والجهل يمكن يخليه يقنص برخمه
ولاترجى خيرفأهل البخل "من غير ليه؟" = مأخبلك ياطالب التمر مصاص عجمه
وإن لقيت المبتلى قول: يا رب تهديه = لاتشمت وإدع له ياعسى الله يرحمه
وخير ماختم فيه صلوا على اللي نقتديه = "أحمد" اللي سن درب الهدى والمرحمه
[/poet]



.

اررررررررررررررررررررررررررحب يا لحمالي ترحيبة ٍ تعاوي ذيابها



مرحبابك في محلك يا سعيد



وصح الله السانك ولسان الشاعر الجزل عبدالله إبن شايع



لاهنتو يا عمالقه ,,





تحياتي ,,

سعيد الحمالي

صح الله لسانك على كل حرف كتبته في هالشامخه

فعلا استمتعت بقراءة هذه القصيده

احببت المرور للاستفاده منك ياأستاذ الشعر

تقبل تحيات اخيك الصغير / فهد المكودر

أخي سالم اليامي


البقا ياغالي

وصح الله بدنك ولاهنت




اخ وك

بو ناصر صح الله لسانك



مجاراه وافيه وكافيه



بيض الله وجهك انت وبن شائع

[align=center]

سعيد الحمالي


صح لسانك و لاهنت


و صح لسان ابن شايع



صوت وافي

و صدى وافي



موفقين

[/align]

اخي سعيد




لاهنت وصح لسـانك



وكعادتك قصيده جزله وافيه




دمت بخير

كبرياء الشعر


صح بدنك

أفخر بك وبرأيك ايتها النقيه دائماً




حفظك الله ورعاك



اخ وك

صح لسانك اخوي سعيد

مجاره رائعه من شاعر جزل

وكل عام وانت بخير

تقبل تحياتي

اخوك..

حمد

السلام عليكم ...


كل ما اقرا لك قصيدة احس اني طاير


الله يسامحك على هالجزالة


والله يخليك ذخر للشعر يبو ناصر


عينين في راس ولاهنتم جميع وصح الله السنتكم



فهد

ياسلام ياسمي
قصيد فاخر
وشعر يستحق المتابعه
سلمت يمناك ولاعدمناك

ومن يبي كسـب المعالـي يشمّرساعديـه
يبعـد شبوحـه ويعـزم وسـره يكتمـه
ومن يودّع سر عنـد المـره ولا السفيـه
يصبر اليـا شـاع سـره ولايفتـح فمـه



الله الله الله


منتهى الروعه والابداع والحكمه

صح قلبك سعيد

ودمت مبدع

الشاعر سعيد الحمالي


صح لسانك يالغالي ولاهنت


جزل مافيها كلام يالغالي


سجل اعجابي للمرة المليون وتقبل كل تحيه