بلادي ماحميناها بسورن مثل سور الصين

اخواني رواد منتديات النداوي معذره على طول الغياب
واليكم هذه القصيده على امل ان تشفع لي وتنال رظاكم

تشرفت بالقاء هذه القصيده بين يدي سيدي خادم الحرمين الشريفين الملك عبدالله بن عبدالعزيز
يوم السبت الموافق 13\8\1426 في حفل استقبال عدد من رؤساء الدول والمواطنين
بالديوان الملكي بقصر السلام بجده






[poet font="Simplified Arabic,6,blue,normal,normal" bkcolor="transparent" bkimage="backgrounds/16.gif" border="none,4,gray" type=1 line=200% align=center use=ex length=0 char="" num="0,black" filter=""]
انا البارح بعد ليلي سرا وامضى منـه ثلثيـن=طلبت الله يحقق مبتغـى مـن طالـت همومـه
على هذا المكان اللي كما نـوره نجـي باديـن=أنول أعلى شرف وأبدي ونار الشوق مشعومه
وتحـرك للمحبـة والـولا بقلوبنـا عرقيـن=تعبرها الحروف اللي من الأشـواق منظومـه
نجدد مـن ولانـا بيعـة الإخـلاص للركنيـن=لبو متعب وابو خالد منـار المجـد ونجومـه
نبايعهم على الدين الحنيف وعاشوا الأخويـن=سلالة من بنى الصرح العظيم ثبـت رسومـه
ولو الشعر يوفي حق أبو فيصل كتبنـا ليـن=نوفي حق من مجّـد بـلاده واتعـب خصومـه
ولكن يرحـم الله مـن تفانـا للبـلاد سنيـن=عسى روحه ما هي من رحمة المعبود محرومه
سلام الله سلام له مكـان ولـه زمـان وحيـن=سلام ودام راس اللـي يعـز الحفـل بقدومـه
سلامٍ عـارفٍ منصـاه غالـي قـدر للغاليـن=بعد نور الفرح شعـش علينـا وابتـدا يومـه
منصا من صدق ذات وعلى الأقصين والأدنيـن=أزف اسمى تعابيرٍ عـن التقصيـر محشومـه
بعد هجرس بها الصدر الوسيع ومرحبا وأهلين=عدد وبل الغشين اللي يهل وتسبـح اغيومـه
هجوسي ما يهيضها حمام الورق لـو أيزيـن=بصوتٍ شاديٍ لحنـه وصافـي جـوٍ يحومـه
يهيضني وقوفي وامتثال العـز بيـن أيديـن=مليكٍ ما تغيـر فـي نهـار الشـدة عزومـه
حبيب الشعب أبو متعب لاجت وحده من الثنتين=طناخة راسه الراسي تخل الـروس ملخومـه
أبو متعب ذر اللي يشكي الظلم ويشوف البيـن=مليكٍ مـا تعـداه المواقـف غيـر محسومـه
أبو متعب لاجا اليوم العبوس القمطرير الشين=نشوف العز بحجاجه يلـوح وللسعـد قومـه
أبو متعب عما عين الحريب ومزبـن اللاجيـن=صليب الرأي يا شر النفوس اللي بهـا زومـه
ملكنا اللي لعدوانه يكيـل الصـاع بالصاعيـن=سنام المجـد عـداه ابدهـاه وحقـق أحلومـه
يمكن كل مظلـومٍ شكـا لـه مظلمـة تمكيـن=ويضفي به كما يضفى على العريـان بهدومـه
وأبو خالد بجنبك تاجده فـي عسـر ولا ليـن=أمدله كل نفس من صدوف الوقـت مضيومـه
أبو خالد تدون له مواقيـف الشـرف تدويـن=ومشاعرنا تدافع لـه وفـا ماهيـب مرغومـه
ولي العهد عدٍ مورده يقطـع ضمـا المضميـن=وصورٍ للوطن حصنٍ عيـون أعـداه ملطومـه
إلهي نطلبك عونك ولا غيـرك ولـي ومعّيـن=تعـز المسلميـن ودولـةٍ بالشـرع محكومـة
وتكفينا من شرور الضلال ومن غلـو الديـن=ليا بُليت جهاهيـل العـرب بفكـار مسمومـه
بعد دارت رحى الدنيا وشفنـا فعلهـا بالعيـن=دفعنـا ارواحنـا للمـوت والأقـدار محتومـه
لجل أمن البلاد اللـي حكمهـا خـادم البيتيـن=ولا زال الوطن شامخ ينـال المجـد ويرومـه
على أرضه كم طوا البيدا قدم حافي وخف وقين=مناعيـر مذاهبهـا علـى العيـرات محزومـه
نعـم كنـا ولازلنـا ومـن زل تهـاون هيـن=وحنا شعب مـا اختلفـت تقاليـده ولا سلومـه
على شبه الجزيرة والعروبة بالـذرا مضفيـن=نزّبن من نضانـا والحريـب انضّيـع علومـه
وهل التوحيد حنا كالجبال الشامخـة راسيـن=حقوق الرجل فينا وافيه مـا هيـب مهضومـه
نحكم الرأي لا منه غـدا رأي العـرب راييـن=نخوض البر زحفٍ لو محيط الأطلـس نعومـه
تجندنا لجل عز الوطـن يـا بنـت لا تبكيـن=من عدانا يرّبـع كـل ذيـب وياجـد اطعومـه
جنود فالقسا نسمى سما مثل السمـاء ساميـن=يسمى باسمنا الاسـم وأسامينـا لهـا هومـه
رجالٍ حلمنـا دايـم وسيـع وفاللقـا صلفيـن=عوايدنا الشموخ ونعتلـي والغالـي انسومـه
لنا روسٍ يسكرها الغضـب والكايـدات اتليـن=وينعشنا هوى نجد العـذي ولفحـة اسمومـه
تربعنـا علـى دارٍ موانيهـا علـى شطـيـن=بـلادٍ مـا خذيناهـا بوزعـة ورث مقسومـه
وطن ما هو عقيم وينجب ملـوكٍ تفـك الديـن=فعايلهـا نعاينهـا علـى الواقـع ومعلـومـه
مواقفنا مواقف صاملة ما هيـب بيـن وبيـن=مواقـف مـا يحرفهـا هبيـلٍ مـد حلقومـه
على فكر الضياع ومن عطو مع ساقته مخطين=وجميع أيامكم يـا عالـم التضليـل مشئومـه
ألا ياللي سريت ابمحملك يوم العـرب ممسيـن=سريت ابليلـةٍ ظلمـا بهـا الأنـوار معدومـه
وقردك الله وصادمت الجبل يا الوعل أبو قرنين=توسدت الوطـا وقرونـك الثنتيـن مصرومـه
ألا يا المحمل التايه بسـم رب الخلايـق ويـن=سألتك وين متوجـه تـرا وجهتـك منجومـه
فجعت الطفله اللي هلت الدمعه علـى الخديـن=تخايل دم أبوها طفلةٍ فـي حضـن مضمومـه
نواياكم عرفناهـا وقلنـا يـا بشـر غاديـن=وتماديتو وطحتوا طيحةٍ مـا هيـب مرحومـه
دخلتو بين لحيان الجمل ثـم أطبـق اللحييـن=ولا زال الجمـل لمقـرد العربـان لا هـومـه
نعرفك محمل الفكر الدخيـل وزمـرة الباغيـن=وجراثيم البشر عنا تمـوت بمـوت جرثومـه
ولا يدرك عواقيب الأمـور ألا ذكـي وذهيـن=ويجهلها الغبي اللي بعدمـا فـاق مـن نومـه
يدور الوقت باحداث الزمن والخافيـات اتبيـن=وطبع النفس عن فعل الخطا ما هيب معصومـه
ولكن التمادي ما لـه ألا السيـف أبـو حديـن=وحربة حق في فج النحر والصـدر ملحومـه
لا سار الجيل مع نهج صحيح أصبح كما هاتين=ونقـراه بعبـارة واضحـة معنـى ومفهومـه
يغيّر في معانيها السكـون وهمـزة التنويـن=وتصير حروف مسكونة محل حروف مدغومـه
وبلادي ما حميناها بسورٍ مثل سـور الصيـن=بلادي سوره إرجالٍ بصـدق إيمـان مدعومـه
مداغيش العيال اللي فتوق اطعونهـا شبريـن=مداغيشٍ بحب الـدار وأهـل الـدار مغرومـه
إلهي نطلبك عونك ولا غيـرك ولـي ومعيـن=تعـز المسلميـن ودولـةٍ بالشـرع محكومـه




شعر الملازم أول/ ثواب بن زيد بن نجا الحارثي
13/8/1426هـ

[/poet]

الشاعر ثواب الحارثي




صح الله السانك ملايين



رائعه وجزله


لك مني كل الود..,,

اخي العزيز\فلاح حمد الموقر

السلام عليكم ورحمة الله وبركاته


مرورك يشرفني ومرحبابك مليون وصح بدنك وسلم راسك

ختاما لك احرتحياتي

هلا ياابو زيد


شاعر كبير

وقصيده مميزه


صح لسانك

الشاعرالمعروف/ ثواب الحارثي


صح لسانك ياأبن العم


قصيده جزله تسلم تسلم ويسلم راسك

يحق لنا أن نفخر بشاعر بحجم ثواب

وتقبل تحياتي

بسم الله الرحمن الرحيم


الشاعر ثواب زيد الحارثي المحترم

صح لسانك وقصيده نادره والقاء مبهر الى الامام

لك تحياتي

السلام عليكم



الاخ الشاعر ثواب الحارثي



صح لسانك مدد


قصيده استمتعت بقراءتها بعد ان استمتعت بالاستماع اليها اثناء القاءها بين يدي خادم الحرمين




دمت بكل الود





اخوك
صالح

الشاعر ثواب الحارثي

صح الله لسانك على هالجزله

والشعر في الوطن فخر ومعزه


تقبل تحيات نادر بن زميعه

الاخ الشاعر فلاح حمد حفظه الله

صح بدنك وسلم راسك ومرورك يشرفني

تقبل احرتحياتي

السلام عليكم ورحمة الله بركاته

صح لسانك ولاهنت يابو زيد

جزل طال عمرك بالطاعه

قصيده ماتقبل القسمه على ثنين

تقبل تحياتي

اخوك...

حمد الهاجري

وبلادي ما حميناها بسورٍ مثل سـور الصيـن
بلادي سوره إرجالٍ بصدق إيمـان مدعومـه
مداغيش العيال اللي فتوق اطعونهـا شبريـن
مداغيشٍ بحب الدار وأهـل الـدار مغرومـه
إلهي نطلبك عونك ولا غيـرك ولـي ومعيـن
تعـز المسلميـن ودولـةٍ بالشـرع محكومـه





للشعر المنبري رجال وأنت منهم يا ثواب


قصيده يشوش الرأس معها


وهذا النص أعتبره نص ملحمي قل من يكتبه في هذا الوقت من الشعراء


لله درك من شاعر



أخ وك