Tweet
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
بسم الله الرحمن الرحيم
السلام عليكم ورحمة الله وبركاته
جديده عسى تنال القبول
حياك ياللي تبي تسمع قديم وجديد=لعيونك اثني قياد الشرد وعقالها
اقلط وانا باتعوذ من ابليس المريد=واصب لك دلتي وتذوق فنجالها
مابه ثمن للقصيد الا انك تطلب قصيد=ولا لعوص المهار ايكون خيالها
ادحم بفضل الولي واثبت بقلب حديد=عسى الله يخل عين الحسد بخلالها
مااصدق من الصدق غير الله ويوم الوعيد=والرحمه اللي تظل الناس بظلالها
رحمتك يامن خلق فينا شقي وسعيد=دنيا الغرابيل فال الله ولا فالها
مااخبلك ياللي تقول ان البعيده بعيد=ياهيه دنياك ماتبقى على حالها
كم فرقت من جموع وجندلت من عقيد=تلف وتدور والنكبات تبرالها
شف اللي امس ٍ وهو يبطش وكفه تبيد=ماكنها الا له او لاكنه الا لها
اليوم بيديه قيد وبين رجليه قيد=اشتالته صفعة الايام واشتالها
يالله دخيلك وفي وجهك عساي استفيد=واخذ من ام العبر عبره وموالها
يارب عفوك وثبتني بعقل رشيد=واعوذ بك من عجوز ابليس وعيالها
مانيب شمات لا والله ولاني بليد=ولابطماع في بقعا وتمثالها
ياللي تقول ان فلان عبد وفلان سيد=وتقيم الناس بصورها وباشكالها
لو انك قيمت نفسك قبل زيد وعبيد=بتقول لعباد ربي مالي ومالها
ماكل من تستشيره جاب راي سديد=برق وفرق وشف يمناك وشمالها
اكبر دليل ان مهي تاتي بسطوة عنيد=كم واحد يطرد اهدافه ولانالها
ان كان ماالله عطاك افعد ماكن لك ايد=وان كان مالك يدين شلون تنتالها
مواهب من وحيد الملك ماله نديد=لو انها بالمحايل كلن احتالها
والرابح اللي لك الله يستفيد ويفيد=ماغرته من تخلخل له بخلخالها
اللي عمل للممات وفي حياته زهيد=خلا جمال الظلاله عند جمالها
يدري ولو طال عمره ماخذا مايريد=ونهايته حفرةٍ متهايل جالها
والموت ماهوب يوم تروح روح الفقيد=لاقفت سنين الحياة وطويت حبالها
الموت والله بعد الموت علم اكيد=عند الصناديق يومك اتفتح اقفالها
ولا الحياة ان تعيش العمر عمر مديد=لابد لو طولت ماتقصر طوالها
لاوالله الا حياة بعد موتك شهيد=او يغفر الله لنفس ويقبل اعمالها
دنيا البقا خير من دنيا الفنا والمزيد=في علم من علم الانسان باهوالها
سبحانه المبدي الفرد الصمد والمعيد=ماغير رحمة ولي العرش نلجالها
نرجيه حسن الختام بساعةٍ ماتزيد=والمغفره يوم تجزى النفس باعمالها
يقول في محكم القول ان شكرتم لازيد=وان الامانه عجزها الطود ماشالها
ويقول جل ان كفرتم فان عذابي شديد=امنت باللي امر جبريل بانزالها
يبقى الرجا باللي اقرب من حبال الوريد=يابخت نفس رضى المولى تهيالها
ماكل عيد عى اهل الشرق للغرب عيد=ياسرع دور الليال البيض وهلالها
الشجره المثمره تثمر وترجم بحيد=ويسبها اللي بعيد عنه ماطالها
نركض ورى احلامنا ولكل ضد ضديد=ويحلها حزة الضيقات حلالها
ان جات ماردها عنك عضيد ورصيد=واصحاب الاموال ماتدفن مع اموالها
وجيد الحكي واللسان الطلق ماهوب جيد=الناس بافعالها ماهيب باقوالها
تذوب بعض السوالف مثل ذوب الجليد=اضرب مثل والاوادم تضرب امثالها
والنعم بابنا الحمايل كل حرٍ يصيد=قسمه ليا هد دق الصيد وجلالها
هذا بعض ماانتقاه الفكر غفل وغيد=ياخذ من جزالها ويجنب هزالها
بيني وبين القصيد الجزل ساعي بريد=مثل المخاييل يوم تهل همالها
اشطب 100بيت لاجل اصوغ بيت فريد=للي يميز خفاف الوزن وثقالها
يامن طلبت الجديد انا لك ابن مهيد=تاتيك بالضمد ماتاتيك بلحالها
هديتي لك قصيده من عيون القصيد=من سمعها قال صح لسان من قالها
وسلامتكم
[/poet]
بسم الله الرحمن الرحيم
السلام عليكم ورحمة الله وبركاته
جديده عسى تنال القبول
حياك ياللي تبي تسمع قديم وجديد=لعيونك اثني قياد الشرد وعقالها
اقلط وانا باتعوذ من ابليس المريد=واصب لك دلتي وتذوق فنجالها
مابه ثمن للقصيد الا انك تطلب قصيد=ولا لعوص المهار ايكون خيالها
ادحم بفضل الولي واثبت بقلب حديد=عسى الله يخل عين الحسد بخلالها
مااصدق من الصدق غير الله ويوم الوعيد=والرحمه اللي تظل الناس بظلالها
رحمتك يامن خلق فينا شقي وسعيد=دنيا الغرابيل فال الله ولا فالها
مااخبلك ياللي تقول ان البعيده بعيد=ياهيه دنياك ماتبقى على حالها
كم فرقت من جموع وجندلت من عقيد=تلف وتدور والنكبات تبرالها
شف اللي امس ٍ وهو يبطش وكفه تبيد=ماكنها الا له او لاكنه الا لها
اليوم بيديه قيد وبين رجليه قيد=اشتالته صفعة الايام واشتالها
يالله دخيلك وفي وجهك عساي استفيد=واخذ من ام العبر عبره وموالها
يارب عفوك وثبتني بعقل رشيد=واعوذ بك من عجوز ابليس وعيالها
مانيب شمات لا والله ولاني بليد=ولابطماع في بقعا وتمثالها
ياللي تقول ان فلان عبد وفلان سيد=وتقيم الناس بصورها وباشكالها
لو انك قيمت نفسك قبل زيد وعبيد=بتقول لعباد ربي مالي ومالها
ماكل من تستشيره جاب راي سديد=برق وفرق وشف يمناك وشمالها
اكبر دليل ان مهي تاتي بسطوة عنيد=كم واحد يطرد اهدافه ولانالها
ان كان ماالله عطاك افعد ماكن لك ايد=وان كان مالك يدين شلون تنتالها
مواهب من وحيد الملك ماله نديد=لو انها بالمحايل كلن احتالها
والرابح اللي لك الله يستفيد ويفيد=ماغرته من تخلخل له بخلخالها
اللي عمل للممات وفي حياته زهيد=خلا جمال الظلاله عند جمالها
يدري ولو طال عمره ماخذا مايريد=ونهايته حفرةٍ متهايل جالها
والموت ماهوب يوم تروح روح الفقيد=لاقفت سنين الحياة وطويت حبالها
الموت والله بعد الموت علم اكيد=عند الصناديق يومك اتفتح اقفالها
ولا الحياة ان تعيش العمر عمر مديد=لابد لو طولت ماتقصر طوالها
لاوالله الا حياة بعد موتك شهيد=او يغفر الله لنفس ويقبل اعمالها
دنيا البقا خير من دنيا الفنا والمزيد=في علم من علم الانسان باهوالها
سبحانه المبدي الفرد الصمد والمعيد=ماغير رحمة ولي العرش نلجالها
نرجيه حسن الختام بساعةٍ ماتزيد=والمغفره يوم تجزى النفس باعمالها
يقول في محكم القول ان شكرتم لازيد=وان الامانه عجزها الطود ماشالها
ويقول جل ان كفرتم فان عذابي شديد=امنت باللي امر جبريل بانزالها
يبقى الرجا باللي اقرب من حبال الوريد=يابخت نفس رضى المولى تهيالها
ماكل عيد عى اهل الشرق للغرب عيد=ياسرع دور الليال البيض وهلالها
الشجره المثمره تثمر وترجم بحيد=ويسبها اللي بعيد عنه ماطالها
نركض ورى احلامنا ولكل ضد ضديد=ويحلها حزة الضيقات حلالها
ان جات ماردها عنك عضيد ورصيد=واصحاب الاموال ماتدفن مع اموالها
وجيد الحكي واللسان الطلق ماهوب جيد=الناس بافعالها ماهيب باقوالها
تذوب بعض السوالف مثل ذوب الجليد=اضرب مثل والاوادم تضرب امثالها
والنعم بابنا الحمايل كل حرٍ يصيد=قسمه ليا هد دق الصيد وجلالها
هذا بعض ماانتقاه الفكر غفل وغيد=ياخذ من جزالها ويجنب هزالها
بيني وبين القصيد الجزل ساعي بريد=مثل المخاييل يوم تهل همالها
اشطب 100بيت لاجل اصوغ بيت فريد=للي يميز خفاف الوزن وثقالها
يامن طلبت الجديد انا لك ابن مهيد=تاتيك بالضمد ماتاتيك بلحالها
هديتي لك قصيده من عيون القصيد=من سمعها قال صح لسان من قالها
وسلامتكم
[/poet]
تعليق