|||ô||| قحــــطان في200بيت|||ô|||

صبي بللحمر


ابقاك الله ولاهنت مرورك فخر ولا عليكم زود وصح بدنك






تحياتي وتقديري

بيّض الله وجهك يامحمد قول وفعل


شاعر جزل جزل جزل وتغرف من بحور الوفا لولوه ومرجانه

جعلك ذخر يانسل الاحرار



لاهنت

عبد الهادي


مرحبا ومسهلا



صح بدنك ولاهنت






تحياتي

مشبب


مرورك فخر لا هنت وجمل الله حالك لاعدمتك


ولا عليك زود





دام عزك

محمد سالم اليامي



ماعليكم زود يا محلف قروم ووافين



صح بدنك ومرورك فخر لاهنت









دام عزك

تابع

[poet font="Simplified Arabic,5,blue,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
من امرؤ القيس اسمعو علم وخبر =صب الذهب في قالب وقلبانيه
من ذاء القروح وماجرحه من الدهر =شواش راس وعاشق ولهانيه
هام بهوى عنيزه وهام بخدرها =عشق الغواني يهيم بالشبانيه
فحل من فحول الشعر لو انضلم =من دكه الواشي ومن حسدانيه
آكل المرار وسقي من كاس الغدر =في خندريس بجبه الرومانيه
عصبت ورثه من بعيد ومن قريب =وعصبت راسي شاعر ودجرانيه
انا ورثت الادرع الخمسه علن =وقيد الاوابد هيكل السرحانيه
من راس جدي امرؤ القيس انهلا =بنات فكر مبهمه وسمانيه
جدي ولاكن مات كافرو يهبا=مسلم وجدي عابد الاوثانيه
وانا ورثت العز جيل بعد جيل =من صلب يعرب عالي الجدانيه
ولا فرق من بين اعربي واعجمي =الا بتقوى الله والايمانيه
يعرب وما يعرب على السان العرب =فخر العرب عز العرب والعانيه
حنا العرب ساس العرب واصل العرب =قحطان ياجاهل بني قحطانيه
من عاد لا ثمود وادينا مغيث =بجبال رمل فى اليمن وعمانيه
قحطان بركان العرب لا ثار ثار =يقذف حممه من الغضب بركانيه
قحطان لابه من قديمات العصور =متمسكه بسلومها للآنيه
حنا قحطان اصل العرب فصل العرب =مليون نعم ونعم ياقحطانيه
غصب على كبار العرب وصغاره =وغصب على الحساد والعدوانيه
حنا قحطان وجدنا هود النبي =يشهد بها التاريخ والحسبانيه
حنا الفخر حنا الضفر سعد الضفر=ايه افتخر في عزوتي قحطانيه
امدح بني عمي مقابيس الدجى =لا عنكب البارود والدخانيه
يردون لحياض المنا يا كنهم = قيف ورد قيف بغنى وطربانيه
ولا خير فى الي مايثبت حجته =بالفعل والشاهد على البرهانيه
ولا خير في الي يهضم حقوق العرب =بالزود والتزيف والبهتانيه
اعلى منازلنا على بحرالعرب =ضخام العمد في خدمه الضيفانيه
في ضلها آسود وحرار ندري =ستر الكواعب داعجي الاعيانيه
واسفل منازلنا على شط الخليج =لديار ابن يآس وهوى الاضعانيه
يبرالها آلموت الحمر يبرالها =اهل الفعايل من قديم ازمانيه
ولنا على نجد العذيه موردا =عين اليمامه مورد الكهلانيه
ولنا على نجد العذيه موكرا=وكر الحرار وموكر الشيهانيه
فيها رموس شامخه فعل وذكر =آثار للشجعان والقيفانيه
دخيلنا في وجيهنا ماينضهد=قرعي وردي شان في العربانيه
والجار نستر غيبته ونحشمه =والسيئه نجزيه عنها احسانيه
نفدى القصير بدم فلذات الكبد =مثل المهادي وجيره السبعانيه
اوفاء مفرج مع محمد قصرته =يانعم بالجيره وبالجيرانيه
وخوينا ناخذ بثاره لو بعيد =من بدنا لا ندنا لو دانيه
ببدى وعدد في جدودي لين لين =لين الحق بهود النبي جدانيه
من لاد عاطف لا احتمى الحرب بوطيس =اطلع كما قريويش للفرسانيه
اوما بسرج المهره وبعنانها =الفين فارس في نضره اثنانيه
لمن تعزوى بسمحه ارخت اذنها =ووتنهضت مثل اشقر الجنحانيه
الآد عاطف مثل شر(ن)منزلا =ويرد شر الارض عنه الشانيه
عضم النحر وحتات قرن يدهر =لا عنكب البارود والدخانيه
لعمس اطباء الحاضره والباديه =عضم النحر يشطى على الشريانيه
لا يحدر ولا يسند انجاء معترض =يبلش به الدكتور والكهانيه
عواطف ياسعد منهم عزوته =ينزاح همه لو كبر بترانيه ()
وقباس ناره ماطفت لا ماطفت =(قباس )بن( محسن )على (حفيانيه )()
قباس جدي الاول وشباب ضو =راعي مغازي من عصور فانيه
سموه قباس الدجى لانه فحل =يامر على الصناع والرعيانيه
ربعه على ضوه تلافى وتحضر =واسمه محمد واللقب عنوانيه
ومفرح حفيان في اللقاب البدو =لا والله الا راحو البدوانيه
وجتنا حضارات الشعوب المارجه =تقليد شرق وغرب وامريكانيه
من قلد الكفار يمرج مثلهم =يالعنبو العريان والعريانه
لعيون آناس ونوف رمحي ملحما =ولا ودي آعرضه للفسقانيه
ويعقب ويخسى من يكذب مادرى =الصدق سيفي والقصيد حصانيه
الحد لو موس صغير مبردي =يحرق كبود ويقطع الوردانيه
والذل ماينجي الضليم من الهدد =الحر يهوي لو حيا مرشانيه
والحق مثل السيف يهطاء ساطيا=يضهر على الباطل وهو زهقانيه
والكذب ثوب منشلح وجه وقفاء =لا يستر ولا كذب الصدقانيه
من قال انا وانا وانا وانا وانا =يكسب مذمه لانه الآنانيه
ومن قال انا الكامل نقص والله نقص=الكامل الله يابني الانسانيه
ومن قال انا متكبر ومتغطرسا=يهطاء عليه من الزمن كبرانيه
اما هرم او جاه عايل يقهره =ويمسي اذل من اصغر الصيبانيه
والرابح الي لا يضْر ولا يضَر=في ستر ربي صاين ومنصانيه
ومن قال انا اثقل وارجح من فلان =وش وزن ابن مسعود في الميزانيه ()
من قال انا المعجز تعجزه الرجال =ويقعد على عجزه وهو عجزانيه
ومن قال انا ابن البلد في ذا البلد =يضهر عليه من البلد ولدانيه
اغرب مجاني في حياتي من القصص=ثلاث واروي زهره البستانيه
عينت لي طفل صغير في العمر =مابين خمس وست في الاعيانيه
دعاني ولبيت له واصغيت له =وطلب من الدنيا بعد مدعانيه
هرجه تقول هروج شايب حين قال =انا وانا وانا عضامي وآنيه
طلبني وشحيت بالمده عليه =والله أعلم وش جرى في ثانيه
وجنحت عنه وقال وقف وادن لي=قلت العجب ياصغير الاسنانيه
قلت اسرع وقلي تراني منشغل =وقلت الله اكبر وسمعي ياذانيه
والله دهشني حين قبل خدتي =اقسم برب البيت قدا ادهانيه
حتى الصغير يهرج بهروج الكبار= لا والله الا حآن ماقد حانيه
وعلمت بنا في آواخر ها الزمن =الله يستر يآخر الازمانيه
وعندي نصيحه للشباب المنحرف =في الدين والاخلاق لا تعصانيه
وانا مقصر ماكتمل عقلي بعد=وقلبي خضر لبيه (يال......)
الاوله لا ترتجي منه بشر =ارجى الكريم المعطي المنانيه
والثانيه صل الصلاه بوقتها =اقضب عمود الدين والايمانيه
والثالثه وصل الرحم في امك وبوك =ترضيهم ويرضابها الرحمانيه
والرابعه خلك شجاع مقدما =الموت واحد والشجاع معانيه
والخامسه لا تبخل بدرهم وقرش =هاذا وصخ دنيا دنيه فآنيه
والسادسه اصدق بقولك لا نطقت=وصادق صدوق وكذب الكذبانيه
والسابعه لا تضلم وتطغى بجور =ياهي نهايه هشله الطغيانيه
والثامنه لا تستمع شور المره =لو كانت امك ماكتمل نقصانيه
والتاسعه خلك مثل طير الهداد=لا شام شام ولليمن يامانيه
والعاشره قدم على اليسار يمين =في كل موقف ياطويل ايمانيه
ولاشفت ابو عيون (ن)تبارق جنبه=لا بوه لابو خوه الخوانيه
يضحك معك بالسن وقليبه حقود=يحمسك في سمه ابو نيبانيه
وعطف على المسكين وجبر خاطره=لو ببتسامه ناجدك احسانيه
ولامن سلمت المره الاولى اعتبر=احذر تعود وتندمر في الثانيه
وضرب الاسد يستئدب الجرو الصغير=اقسى على القاسي برمح وزانيه
ولامن رميت بندقك عنز لها =الرميه الاولى على النيشانيه
هل هامت الشعارصم صمصما =اوهامت الشعار في الوديانيه
الشعر مايسهج ولا يفسر بضن=الشعر غبه تطمي الحيتانيه
الشعر من غاصه هوس يشرق هوس =الشعر فن وذوق سر امعانيه
الشعر ساحه للكبير وللصغير =مايحتكره افلان والا فلانيه
ميتين بيت مثل طيب في جمر =وانوج من اليشموم والريحانيه
ميتين بيت مثل قطف من زهر =من نرجسيه زهره البستانيه
ميتين بيت مثل جني من ثمر =لا اينعت حبلا الغصون الدانيه
ميتين بيت مثل غرف من بحر =مابين بين وبينها نهرانيه
ميتين بيت مثل نحت في صفاء =تزكم بها الثقلين انس وجانيه
[/poet]

الشاعرمحمد العاطفي


صح لسانك تريليوووون ضرب تريليوووون ولايكفون يالعاطفي



قلت ووفيت يابومبارك



ونعم ومليووون نعم بربعنا قحطان ولايهون الحاضر



تقبل تحياتي واحترامي

الاخ محمد العاطفي



صح لسانك على المعلقه الجزله اشهد بالله انك ابدعت ماشاء الله تبارك الله الله لا يضرك ..

من شدة اعجابي قريتها من أولها الى اخرها بيت بيت ..

قصيده غير عاديه في من يستاهلها ...

صحيح انك طوفان الشعر


تقبل تحياتي واعجابي وتقديري

اررررررررررررررررحب تراحيب المطر يامحمد


صح لسانك قليله

لكن بيض الله وجهك

معلقه

لله درك

بحر وعلم من اعلام الشعر

اسلم وسلم

خالد

محمد العطفي
ونعم بك وبقحطان رمز الأصالة ولا يحتاج النهار إلى دليل

شاعر متمكن يطوع الكلمة ويصوغها بأعذب الألحان

دمت رائعاً

وتقبل مني أطيب التحايا

[frame="1 80"]


لا اله الا الله

وصلى الله على سيدنا محمد

ايش سويت يالعاطفي

تبارك الرحمن

لقد قرئتها متفحصا بيتا بيتا فلم اجد سوا السيوف والفخر والهيل والزعفران والعزة والمنعه بيض الله وجهك

وفيت وكفيت

نص باسق الطول يانع الثمر طيب المعني

الله لا يهينك

ما شاء الله

تقبل التحيه والتقدير

اخوك

ابو نايف[/frame]

ارحب يا حسين





مرورك فخر لاهنت




تحياتي وتقديري

ياعاطفي

والله ونعم بقحطان ولاهانو القبايل الثانيه

وونعم فيك وفي قصيدك


اخووووك

حمد الهاجري



ارحب وهلا وغلا مرورك فخر يالعزوه ولا هنت وصح بدنك ولا عليك زود




دام عزك

ابو شايع مرورك فخر ونوماس



ونت ذخر وراس مال يالعزوه لا عدمت شرواك ولا هنت



تحياتي لشخصك الكريم

جمل



مرورك فخر جمل الله حالك ولا تهون وابيض وجه يالعزوه







تحياتي وتقديري