ياذيب

[poet font="Simplified Arabic,5,darkred,bold,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
خلاص يكفي يا زمنّا طلبناك = طالبك لا تلعب بالاخلاق طالبك

لك موهبة تشكيلها من عرفاك = لنته تخلّيها ولاهي تتعبك

رميت ناسٍ في غرايب قضاياك= حتى تجرّب فيهم آخر مواهبك

وهدّيتهم تنشاف فيهم سواياك = وضاعت بصيرتهم نتيجة تجاربك

ودجّو بدون اخلاق منّا ومنّاك = مثل الوبا من مشرقك لين مغربك

وضاعو بسبتهم قليلين الادراك = وبنضيع معهم كان هذا يناسبك

ماعاد ندري من بلاهم وبلواك = نعاتب اللي ضاع والا نعاتبك

قعدت اعدّد لك سوايا ضحاياك = يمكن تصحّي بك ضميرٍ يأنبك

حتى تفشّت بالعرب حالة ارباك = واغدى ثلاث ارباعهم من زلايبك

وهجرت دارٍ صار اهلها رعاياك = واصبح يدوج بها الردي في مواكبك

قفّيت خوف نشوف اهل سلمنا ذاك = اليا رمو به وانت تملي مطالبك

ورحت القفور الخاليه وابني هناك = بيتٍ غدى ظلّ وذرى من هبايبك

الليل اسامر به نجومه والافلاك = والصبح احرّض خلق ربّي تحاربك

وباحد الليالي شفت للذيب مسلاك = بالرجم الادنى جرّ له صوت يرهبك

يقنب تقول موسّدٍ كبده اشواك = لين استقمت اقول له ويش مقنبك

وشجاك قدامي تمركزت وشجاك = قربك من ابن آدم مهو من مثالبك

انا بجال الرجم والرجم علاّك = مدى رصاصة بندقي . وشـ مقرّبك

ياذيب قلّي وشسبب جرّة عواك = اللي تخلّي من سمعها يجوّبك

جاوب تراني لك شفوق آتحرّاك = حتى تخاطبني بصوتك واخاطبك

وفاجاني بردّه ، يقول ابد شكواك = في راس رجمٍ مابه اللي يراقبك

عبّر عن همومك وبيّح خفاياك = وارخ الحمول اللي تعنّي مناكبك

وقرّبت بالجالك وباصير ملجاك = حتى تجاذبني السوالف واجاذبك

وآخذ علومك واسهر الليل ويّاك = واسري بدربي ساعت المح تثاوبك

قلت ارحب ارحب وابرك الوقت ملفاك = لو انّي اجهل كيف اقهوي واطيّبك

لكن تفضل ذا فراشك ومركاك = وعشاك ياضيفي طليٍ من الشبك

مقابلك ولا مقابل هذولاك = العالم اللي عرفها لك يعيّبك

الرمّه اللي لاتنطّحت مرقاك = تاتيك عن ذبّ الطويله تهيّبك

الجاهل ان غرّك بالاشوار واغواك = والكاذب ان ضلّك بدل لا يصوّبك

وذليلٍ يردّك عن مواجه عداك = وبخيلٍ يحدّك على ترك واجبك

ومنافقٍ خلاّك تفخر بعوجاك = ومناشبٍ دزّك تشارع قرايبك

وحاسد شناك ان زادك الرب واعطاك = وفاسد دعاك لخوّة الجرب واجربك

واشكال واجد غير ذولا وذولاك = ياكثرها يا ذيب يمكن تشيّبك

ناسٍ تخاويك لمصالح بممشاك = واذا انقضت في نص دربك تسيّبك

وناسٍ لعيبك تستره دام ترجاك = واليا تغانت عنك تقعد تعيّبك

وناسٍ يسرّك هرجها يوم تلقاك = وينوش عرضك بالردى في تغيّبك

وناسٍ تطوّقها الجمايل بيمناك = وبكره تدزّك بالشمال وتكذّبك

وناسٍ لك امس تأرنبت تبغي حماك = واليوم تستسبع عليك وتأرنبك

وناسٍ وناسٍ غير هذا وهاذاك = مابي تفاصيل العرب خوف اشعّبك

لكن انا باطلبك ثم آترجاك = اطلبك وادري بالمطالب باتعّبك

ان جيت حول ديارهم تنقل خطاك = صوّت على كبار الرجال وتجاوبك

ثم قل للشايب عيالك تقفّاك = بعلوم غير اللي غرس فيك شايبك

ضيّعت ورعانك على غير مرباك = مشغول بالدنيا تدوّر مطالبك

هذي أمانه والأمانات بحماك = لازم تخليها على اوّل مراتبك

ربّ الولد حسب الذي قال مولاك = وحسب السلوم اللي فرضها مناسبك

قبل الندم لا طال عمرك وحبّاك = وخلاّك في حاجة عيالك وحدّبك

تزهم ولدك تقول وين انت يا ذاك = وذاك الولد ما ينزهم في مكاربك

عقّك بشين التربيه ما بيرعاك = ويمكن على الشارع برجلك يسحّبك

ثم انهزم يا ذيب ونهج بدنياك = نصيحةٍ قدّمت وادّيت واجبك

وقل للذي ما شرّبه راي شرواك = بكره الزمن من مرّ كاسه يشرّبك


خوي المطاليق
[/poet]

خوي المطاليق


اسم على مسمى



سعدت ان اكون ضمن اول من تصفح هذه الشامخة والملحمة



بيض الله وجهك وصح الله لسانك


تقبل خالص تحيتي

صح لساااااااااااااااااااااااااانك

ولاهنت

ولي عوده

طال عمرك

جزله بجزالتك

اخوي الغالي ابوظافر

صح الله لسانك وبيض الله وجهك

وناسٍ ونـاسٍ غيـر هـذا وهـاذاك...مابي تفاصيل العرب خـوف اشعّبـك


نعم هم كثير و الله يرحم الحال

تحياتي لا عدمتك و لا عدمت نبضك الرائع

تحياتي

اخوك

الله الله الله


خوي المطاليق


صح الله لسانك


قصيدة مليئة بالحكم والنصح والابداع الرائع

لله درك ولله در الذيب

اخوك

صح الله السانك يابوعبدالله

قصايدك كلها ترفع الراس ومجمله بك

عزالله أنك أبدعت

سجل إعجابي

ابو عبدالله



اررررررررحب

من طول الغيبات جاب الغنايم


مرحبابك مرة اخرى


ولا عدمنا هذا الحضور


مشهور...

ارررررررررررررحب يابو عبدالله

لكـن انـا باطلبـك ثـم آتـرجـاك
.................اطلبـك وادري بالمطالـب باتعّـبـك

ان جيت حول ديارهم تنقـل خطـاك
................صوّت على كبار الرجـال وتجاوبـك

ثـم قـل للشايـب عيالـك تقفّـاك
..................بعلوم غير اللي غرس فيـك شايبـك

ضيّعت ورعانك على غيـر مربـاك
...................مشغـول بالدنيـا تـدوّر مطالـبـك

هـذي أمانـه والأمانـات بحـمـاك
..................لازم تخليهـا علـى اوّل مراتـبـك

ربّ الولد حسب الذي قـال مـولاك
...............وحسب السلوم اللي فرضها مناسبـك

قبل الندم لا طـال عمـرك وحبّـاك
..................وخلاّك في حاجـة عيالـك وشيّبـك

تزهم ولدك تقول وين انـت يـا ذاك
...................وذاك الولد ما ينزهـم فـي مكاربـك

عقّك بشيـن التربيـه مـا بيرعـاك
.................ويمكن على الشارع برجلك يسحّبـك

ثم انهزم يـا ذيـب ونهـج بدنيـاك
.....................نصيحـةٍ قدّمـت وادّيـت واجـبـك

وقل للذي ما شرّبـه راي شـرواك
..........................بكره الزمن من مرّ كاسـه يشرّبـك

الله الله

ياسلاااام عليك يابو عبدالله

عزالله وفيت وكفيت وبيض الله وجهك

وربي يطول عمرك على طاعه

انت من الشعار اللي اطرب على سماعهم وعلى قراءة اشعارهم

صح لسانك وعلا شانك ولاهنت

تقبل صادق ودي

تحياتي

اخوك...

حمد الهاجري

الغالي خوي المطاليق



صح لسانك وعلا شانك



قصيده جميله



واسلوب فريد من نوعه



تقبل تحياتي

ارحب

ياخوي



وصح السانك



وتقبل تحياتي

صح لساااااااااااااااااااااااااانك

ولاهنت

قصيده جميله



واسلوب فريد

اخوك...

فوووووق




خوى المطاليق




اشهد بالله انك اسم على مسمي



وانك فاخر وشاعر كبير




تحياتى

مرحبابك
يا
ابو عبدالله

لاعدمنا حضورك

مرور من اجل اسلام عليك
ولاستمتاع بهذه الرائعه

تقبل تحياتي وتقديري

أبو عبد الله


صح لسااااااااااااانك


جززززززلة من جزل


تحياتي لك

خوي المطاليق



مرحبا يابو عبد الله




صح لسانك يا شاعر المعلقات



واحد اهم من يتحدثون الجزالة شعرا



دمت بخير