Tweet
السلام عليكم ...
فكاهيه نوعآ ما لكسر الروتين ..الرجاء رفع مقص الرقيب وقبولها كما هي
لـو ينفتـح للـود فالقلـب بيبـان
======حطيت له كيلون من فـوق كيلـون
يابنت شوقي لك ووجدي على شـان
======ورث الجدود اللي غدا ماش مالـون
ياوزنةٍ ترجـح علـى كـل ميـزان
======ويـادر يامكنـون منتـه بمكنـون
رشيـد وحبيـب وملفـي وسلطـان
======فحول لاكن الجزالـه لابـن عـون
وجهة نظر واعوذ من كـل شيطـان
======كم عاقلٍ يضحك على هرج مجنـون
عندي على ماقلت حجـه وبرهـان
======ماجبتها من سـوق قـال ويقولـون
((صادفتها صدفه على باب دكـان))
======شطر لقصيده ضمن ديوان ميسـون
واللي سرت من نجد ماهي لضيـدان
======نايف صقر مهدن له البيت مـوزون
وباق القصيده مدري لمـن ومنـان؟
=====لكنهـا جتنـا كــذا فالتلـفـزون
الددسن اللي روحت في ظهـر فـان
=====احتدها مـن دون قمعـات صالـون
معـاون السـواق حـوّل لعـرفـان
====وخويه السواق فالحبـس مسجـون
يابنت انا ماني من النـاس زعـلان
====لو جرج قرداحي سرق نص مليـون
يارد على حـوض المنايـا كحيـلان
====وانا زبون الحرد وابليـس ملعـون
على رصيف الشمس مجموعة انسان
====روحي وانا بروح من دون في دون
منتـي بـلا لينـا ولانـي بعدنـان
====اللي يترجـم حبهـم فلـم كرتـون
اخوكم
بعيد المراميس
[/align]
تعليق