Tweet
[poem=font="Simplified Arabic,5,darkred,normal,normal" bkcolor="transparent" bkimage="http://www.alnadawi.com/vb/images/toolbox/backgrounds/8.gif" border="none,4," type=0 line=0 align=center use=ex num="0,black"]
ليا صارت الخوّه لزومٍ وما منهاش = تنقيت خوّة واحدٍ ناشدٍ عنّه
حريص آتجنّب وقعة الفاس والمبلاش = واحكّ الذهب من خوف لا انغشّ بالرنّه
أحب الخوي اللي يصلّي نقي الجاش = يرتّل كتاب الله ويطبّق السنّه
يعينك ويرفع من حماسك ليا اغدى ماش = ويدعي لك المعبود يجزاك بالجنّه
واحب الخوي اللي لمنّك زهمته شاش = يجيلك يهفّ عنان ظرفه ليا عنّه
يسرّك ولو تنصاه مع حزّة المغباش = لوى محزمه ما قال ودّه ولكنّه
واحب الخوي اللي خذا في الحياه وعاش = الين التجارب بكّته واضحكت سنّه
يشيرك ويشرح لك دروسٍ تجيك بلاش = خذ الفايده في خوّته واكتسب فنّه
واحب الخوي اللي يجيب النصيحه كاش = ولو له عليك عتاب بدّاه ما كنّه
واذا شاف فيك عيوب ينقشك بالمنقاش = لعلّك تحاشا العيب لو خبّرك عنّه
واحب الخوي اللي يشجعك في المطراش = يخاويك لو ممشاك في القيض والكنّه
تبيه لتبوك شمال والاّ جنوب لجاش = معك لو على فكسار والاّ على دنّه
وجيه السعد حبّي لهم صادقٍ جيّاش = أهل خوّةٍ من دونها القلب له حنّه
لو الخوّه بتنباع باعطي ثمنهم كاش = وكم خوّةٍ بابيعها بيعة الشنّه
بابيع الردي اللي يخاويك خوّة لاش = ترى اللاش غير اللاش لا ترتجي منّه
وترى خوّة الرديان حيله لجل تعتاش = لو اغرقتها بالشهد ماهيب ممتنّه
وابيع الذليل اللي زهمه الخوي وانحاش = ولا هزّته من صاحبه جرّة الونّه
من الذلّ لو هانوه في لحيته ما هاش = جداه البكا ويقول ليته وليت انّه
وابيع البخيل اللي ليا مدّ جاه رعاش = ولا قنّد المصفاة من هيله وبنّه
ليا احتاجه مخاويه ما شاف منه عراش = ولو صادفت واعطاه يقفاه بالمنّه
ومعهم كثير اشكال بنبيعهم بخياش = ولا يزعل الشرّاي لو خالفت ظنّه
يصون الاصايل لا يدخّل عليها اكداش = تشربك عقول صحاح بعقول منجنّه
ويازارع الريحان مع نبتة الخشخاش = ترى الوزر في المبدوع يلقاه من سنّه
خوي المطاليق[/poem]
ليا صارت الخوّه لزومٍ وما منهاش = تنقيت خوّة واحدٍ ناشدٍ عنّه
حريص آتجنّب وقعة الفاس والمبلاش = واحكّ الذهب من خوف لا انغشّ بالرنّه
أحب الخوي اللي يصلّي نقي الجاش = يرتّل كتاب الله ويطبّق السنّه
يعينك ويرفع من حماسك ليا اغدى ماش = ويدعي لك المعبود يجزاك بالجنّه
واحب الخوي اللي لمنّك زهمته شاش = يجيلك يهفّ عنان ظرفه ليا عنّه
يسرّك ولو تنصاه مع حزّة المغباش = لوى محزمه ما قال ودّه ولكنّه
واحب الخوي اللي خذا في الحياه وعاش = الين التجارب بكّته واضحكت سنّه
يشيرك ويشرح لك دروسٍ تجيك بلاش = خذ الفايده في خوّته واكتسب فنّه
واحب الخوي اللي يجيب النصيحه كاش = ولو له عليك عتاب بدّاه ما كنّه
واذا شاف فيك عيوب ينقشك بالمنقاش = لعلّك تحاشا العيب لو خبّرك عنّه
واحب الخوي اللي يشجعك في المطراش = يخاويك لو ممشاك في القيض والكنّه
تبيه لتبوك شمال والاّ جنوب لجاش = معك لو على فكسار والاّ على دنّه
وجيه السعد حبّي لهم صادقٍ جيّاش = أهل خوّةٍ من دونها القلب له حنّه
لو الخوّه بتنباع باعطي ثمنهم كاش = وكم خوّةٍ بابيعها بيعة الشنّه
بابيع الردي اللي يخاويك خوّة لاش = ترى اللاش غير اللاش لا ترتجي منّه
وترى خوّة الرديان حيله لجل تعتاش = لو اغرقتها بالشهد ماهيب ممتنّه
وابيع الذليل اللي زهمه الخوي وانحاش = ولا هزّته من صاحبه جرّة الونّه
من الذلّ لو هانوه في لحيته ما هاش = جداه البكا ويقول ليته وليت انّه
وابيع البخيل اللي ليا مدّ جاه رعاش = ولا قنّد المصفاة من هيله وبنّه
ليا احتاجه مخاويه ما شاف منه عراش = ولو صادفت واعطاه يقفاه بالمنّه
ومعهم كثير اشكال بنبيعهم بخياش = ولا يزعل الشرّاي لو خالفت ظنّه
يصون الاصايل لا يدخّل عليها اكداش = تشربك عقول صحاح بعقول منجنّه
ويازارع الريحان مع نبتة الخشخاش = ترى الوزر في المبدوع يلقاه من سنّه
خوي المطاليق[/poem]
[/align]
تعليق