Tweet
بسم الله الرحمن الرحيم
السلام عليكم ورحمة الله وبركاته
.
السلام عليكم ورحمة الله وبركاته
.
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا مهندس طبق العده بعد زدت الضريبه = خلها عندك شهر وان ما رجعنا شهر ثاني
الجميح وباوزير وشركة العيسى العجيبه = كل واحد حافضٍ رقمي ولو ما جيت جاني
جزت من سيارةٍ صارت علي اكبر مصيبه = عقب ما تلفت وصارت من غرابيل الزماني
بارك الله فالقطار اللي نروح وننثنيبه = مع شباب من العرب والهند اصيلين المجاني
فيه ناسٍ شكلها مقبول واشكالٍ غريبه = كابسين الروس بالكبوس مرخين الاذآني
بارك الله فيه حتى لو مشاويره قريبه = لو مشاويره بعيده زاد شكري وامتناني
ليتهم مدوه من شرق البلاد إلى مغيبه = يوص المقطوع واللي عودت عشره ثماني
واجعلوا عشرين موقف خص في ديرة عتيبه = مكرمين الضيف والعاني كبيرين المباني
وان نقدنا واحدٍ عجلٍ على الشحذه خبيبه = ما علينا منه والدنيا عبر والعمر فاني
يا وسيع العرف وش بعد المهاد من النصيبه = الحياه افراحها واحزانها مثل الثواني
كم نجيب وتاخذ الأيام منّا ما نجيبه = في مواجيبٍ يجنبها البخيل المروغاني
كم تعرضنا جليد البرد يجلدنا لسيبه = وكم تعرضنا سموم القيض مهلكت السواني
وكم كسبنا لذةٍ عنها الردي يقصر نصيبه = ما يحصلها البخيل ولا يحصلها الجباني
كم سعدنا بالنسيم العذب فالأرض الخصيبه = زادنا زاد الكرام وكيفنا البن اليماني
وكم صدقنا مع خوي الطيب حتى نعتزيبه = عقب ما كان ابعد الاجناب كنه من خواني
يوم بعض الناس قرض اعراض ربعه مايعيبه = يقطع الله عابد الدينار والنجس الأناني
كل ما سجيت فالغربه وطولت المغيبه = اعترضني واحدٍ كنه على الشين ايحداني
علموا راع الحكى لا يحسب انه ما دريبه = والله انه خابر ان يميني اطيب من لساني
وعمه اللي يتعبه ويلد عينه يم جيبه = ما عطاه إلا الفلس والله من انعامه عطاني
كل مخلوقٍ من الدنيا يبي ياخذ نصيبه = جيت للمكتوب يا مخلوق وإلا جاك عاني
والله اللي قدر الأقدار ما يخبر بغيبه = جل شانه منزل القرآن والسبع المثاني
احمد الله واشكره واسجد لوجهه ولتجيبه = واحدٍ لا قال للمعدوم كن لبا وكاني
:
محمد السميري[/poem]
تـــقـــبـــلـــوا تـــحـــيـــاتـــي
تعليق