" حسّ شايب "

مرثية في الوالد غفر الله له والقصيدة موجهة لإبن العم حمود بن عبدالله بن حسن .. لحسن صلته بالفقيد

[poem=font="Arial,6,black,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/1.gif" border="solid,4,black" type=2 line=0 align=center use=ex num="0,black"]



ما للبيوت العامره طعْم يا حمود=إذا خلـَت في يوم من حسّ شايب
بيبانها طرْما وجدرانها سُود=وتصفق نوافذها قويّ الهبايب
في كل ركن لحزنها اثبات وشهود=على فراق مهَوِّنين الصعايب
النادرين أهْل الشرف منـْقع الجود=شيباننا اللي يحْسمون الطلايب
إخوان من طاع الولي خير معبود=اللي مكارمهم من الله وهايب
ما يعرفون الزيف في اليُسْر والكود=صدْق وبياض ورحمةٍ للقرايب
ثباتهم في حزة الضيق مشهود=وإيمانهم يزداد عند المصايب
كانوا هنا .. وكان السعَد ماله حدود=وكان الرضا يملا قلوب الحبايب
كانوا هنا .. مفاخر آباء وجدود=ونور وأمان ووقفةٍ فالنوايب
واليوم كل اللي مضى صار مفقود=وَلا بقى غير الجروح العطايب
يا حمود لوّ أبكي سنـَه حزن ..واجود=بدموع فقـْدٍ من عيوني سكايب
على الذي ذكـْره معَ الناس محمود=الطاهر اللي مثل وبْل السحايب
أبوي .. وانت ادرى .. وَلا بالحكي فود=ما يندمل جرحي وَلا الكيف طايب
الوضع غير وما به سهود ومهود=من يوم خلـّيناه حدْر النصايب
نهار غابت بسمته ذابت كبود=وشفنا ما عفنا في زمان العجايب
ليت المنايا لا لفت تطلب الزود=ما تاخذ الا الناقصين الزلايب
روس ٍ كساها الشيب ما صانت عهود=ومن ظن فيها يصبح الظن خايب
هرّاجة المجلس حجا كل مقرود=بيّاعة الذمّه بسوق الجلايب
الرَّجل فيهم له عضلات وزنود=هيكل فحَل والقلب فالغيّ ذايب
ذليل .. لا يحذف ولا يجمع حيود=نقص ٍ على الأجواد حاضر وغايب
يا الله يا معْطي العطا غير محدود=وإيماننا بك ما دخل به شوايب
إجعل مقرّ ابوي في ظل ممدود=بجنات عدْن أم الغصون الرطايب
وأحْسن عزانا فيه يا خير معبود=لولاك ما نصبر بلا حسّ شايب[/poem]

العزيز / سالم صليم
رحم الله والدك واموات المسلمين

قصيده كتبت بحرقه قلب لذا كانت للقلب مباشره

مرثيه محزنه مبكيه

والاجمل المطلع المعبّر /

ما للبيوت العامره طعْم يا حمود=إذا خلـَت في يوم من حسّ شايب

كم هو مؤلم الفقد (إذا خلت في يوم من حس شايب )


نهار غابت بسمته ذابت كبود

كان بودي أن أطيل في الكلام وأفضفض أكثر لكن !

الحال من بعضه ياسالم ليس حس واحد يل حسين ياسالم

الحمد للذي لايحمد على مكروه سواه.

تحياتي

الله يرحم ابوك ويحسن عزاك

بيض الله وجهك وصح الله لسانك

ليت المنايا لا لفت تطلب الزود=ما تاخذ الا الناقصين الزلايب
روس ٍ كساها الشيب ما صانت عهود=ومن ظن فيها يصبح الظن خايب
هرّاجة المجلس حجا كل مقرود=بيّاعة الذمّه بسوق الجلايب

الاخ

سالم بن صليم

رحم الله والد الجميع واسكنه فسيح جناته

وعظم الله لكم الاجر

وماء مات من خلف نوادر يضرب بهم المثل

والبقاء في روسكم ياكحيلان

وصح السانك على القصيده المعبره الوافيه

تقبل تحيات

اخوك

علي بن مشرف

صح بدنك يا علي وألف شكر على مرورك واشادتك

تحياتي لك

وعد العبدالله

هلا بك يا وعد ومشكورة على مرورك الكريم وثنائك

تحياتي وتقديري

مـا للبيـوت العـامـره طـعْـم يــا حـمـود
إذا خلَـت فـي يــوم مــن حــسّ شـايـب

صدقت يابو سند

قصيدة رائعه من شاعر رائع

صح لسانك

والله يرحم والدك ويغفرله ويسكنه جنات النعيم

مـا للبـيـوت العـامـره طـعْـم يــا حـمـود
إذا خلَـت فــي يــوم مــن حــسّ شـايـب
عز الله انك صدقت

القصيده هذي تتحدث عن كل بيت فقد حس شايب
الله يغفر لوالدك ويسكنه فسيح جناته واموات المسلنين

ويحسن عزاك يابوسند

الله الله

يسلااااااااااااااام


يابن صليم


صح الله اللساااااااااااااااااانك

الى مااااااااااااااله نهاااااااااااااااااايه

بيض الله وجهك على هذي القصيده

انااشهدنك صادق

اعجابي ومتااااااابعتي يابن صليم

اخيك علي ال جوزاء

ابو سند



الله يرحم جميع اموات المسلمين



قصيده والله معبّره من اول بيت الى اخر بيت


وشايبٍ يخلّف مثلك وشرواك مايموت ذكره





الله يحسن عزاكم

ريناد

صح بدنك وتسلمين على مرورك واشادتك الثمينة


لك تحياتي

عبدالرحمن بن بديع

صح بدنك ولا هنت على مرورك الكريم ودعواتك الطيبة والله يجزاك خير

لك تحياتي وتقديري

خالد الذيابي

صح بدنك يا خالد وجزاك الله خير على الدعاء والثناء

هلا بك يا ابو حميد


تحياتي وتقديري لشخصك الكريم

سعيد الحمالي

مرحبا يا ابو ناصر ومرورك بحد ذاته مكسب

لك جزيل الشكر والتقدير

الغالي /ابو فارس

يـا الله يـا معْطـي العطـا غـيـر مـحـدود/وإيمانـنـا بــك مــا دخــل بــه شـوايـب

إجـعـل مـقـرّ ابــوي فــي ظــل مـمــدود/بجـنـات عــدْن أم الغـصـون الـرطـايـب

وأحْسـن عزانـا فـيـه يــا خـيـر معـبـود/لــولاك مــا نصـبـر بــلا حــسّ شـايـب




صح لسانك و الله يغفر له و يرحمه و البقاء في روسكم،،،،

إجـعـل مـقـرّ ابــوي فــي ظـــل مـمــدود
بجـنـات عــدْن أم الـغـصـون الـرطـايـب
وأحْسـن عـزانـا فـيـه يــا خـيـر معـبـود
لــولاك مــا نصـبـر بــلا حـــسّ شـايــب

الله يحسن عزاك يابوسند ويغفر لوالدك ويرحمه

قصيد مؤثره
لاهنت