Tweet
..
هذه القصيدة تشرّفت بـ إلقائها في بعض إحتفالات قبيلتي ( البقوم ) أمل ان تروق لكم ..
هذه القصيدة تشرّفت بـ إلقائها في بعض إحتفالات قبيلتي ( البقوم ) أمل ان تروق لكم ..
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=1 align=center use=sp num="0,black"]
القضية تدور فْ-خاطري كل يوم = بين راسي جرايرها وبين اقلمي
والقصايد .. قصايد ما تسدّ اللزوم = إن تردّن يديني ما فزع لي فمي!!
مير هبي على صدري .. والأمر مْحسوم = مع مهب الهبايب لا يضيع انسمي
ب-اتنومس ما دام إني قوي العزوم = ومرتكز في ميادين القصيد اعلمي
.=.
سلوتي .. لا تسمووبي إعيال القروم = يوم غيري يموت وما لِقي له سِمي!
وإن لحقني من أقصى الناس شرهه .. ولوم = قلت يا نفس شوفي لايمي .. واحكمي
كانه يْبيع مع خطو الرجال ويسوم = قمت اقايس اخطايه .. لا تزلّ اقدمي
وان لقيته من الناس .. الخساس .. الرخوم = لو قوامه قوي .. ما اسرّحه ف-اغنمي
.=.
وأنت ياللي تجيب العلم .. دوك العلوم = قلّه إني عن اكل الميّتين امحمي
يوم له عام .. والسانه ما هوب امعصوم = عايش ٍ بين خلق الله على اكل إلحمي
ما درى إني عدوّ مضيّعين السلوم = وإن راسي لساس اصل العرب منتمي
ما اعْتلت هامتي فوق اكبر الروس .. زوم = معتليها بـربعي / لابتي / محزمي
يوم ربي خلقنا .. حط للقوم قوم = ف-الرخا مبصرين وف-الشكاله عِمي
ويوم للقرم قَسْمه .. والضعيف امحروم = تارد اطروش ربعي .. ما تصدّر ضِمي
إيه .. حنّا على وجه المقفّي سموم = للخلا .. وإن طمع فينا .. المياسم حِمي
ما تساوت لنا الدنيا بحب الخشوم = نقصر اعمار ناس .. وما قصرنا الرمي
العدا نبتليها .. والرفيق امحشوم = والدخيل فْ-ذرانا وامن ومحتمي
لابتي .. ليّنين .. وفالمخاصم خْصوم = حقّهم ما يضيع .. وما غدا مقسمي
وإسهمي في المراجل من كبار السهوم = احمد اللي بفعله ما يطيح اسهمي
واختتم قالتي ما قلت ( حنّا البقوم ) = من سمعني درى اني يالرجال ابقمي
..[/poem]
تعليق