Tweet
بسم الله الرحمن الرحيم
أخواني وأخواتي روّاد وأعضاء المنتدى الكرام
أسعد الله جميع اوقاتكم بكل خير ومسرّة . يزيدني شرف أن أضع بين أيديكم أحدث قصائدي واللتي اوجـّهـها لأخي / علي احمد الصقري. متمنيا أن ترتقي هذه القصيدة لمستوى ذائقتكم الشعرية. واقول فيها :
أخواني وأخواتي روّاد وأعضاء المنتدى الكرام
أسعد الله جميع اوقاتكم بكل خير ومسرّة . يزيدني شرف أن أضع بين أيديكم أحدث قصائدي واللتي اوجـّهـها لأخي / علي احمد الصقري. متمنيا أن ترتقي هذه القصيدة لمستوى ذائقتكم الشعرية. واقول فيها :
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
غنّيت من همّي طرب واقول لو دار الزّمـااان = لاباس يانفس العنـى ضيقـه ويـوم بتنجلـي
غنّيت واحسبها هيا انّـك (تديـن ولا تـدان) = اثرالليالـي الاوّلـه متربّصـة لـي بعمـلـي
عدّيت روس النّايفـات ولا قويـت الاتّـزان =ماعدت انا اقوى النايفه من عقب ماهي منزلي
قامت تمايل بي السنين العوج وتشـدّ العنـان = وازريت انا من قولتـي : ياظالمتنـي حوّلـي
عطبت يمينك يازمن ياكيف ترضى لي هـوان =آمدّ لك يمنـى الوفـا وانـت اليسـار تمدّلـي
الى متى وانا اطلبك حلمك وروفـك والحنـان = ياحظّي العااااثر ترى ملّيـت تكفـى لـدّ لـي
ما ني براضي بالخنا لا لا ولا نـي بالجبـان = ون قاله الله ما احنى راسي ولـو فـي مقتلـي
لكن ظروفي والزمان تزيد عثـرات الحصـان = ويزيدها هَـمّ(ن) نشـا بيـن الحنايـا ياعلـي
يا خو حمد زاد العنى واللي بوسط الصدربـان =والنفس شينه يابن ابي والصّدر قد هو ممتلـي
والوقت ظالم والظروف سيوف والعـزّه بيـان =والبُعْـدْ بَلْـوى ياعلـي والله يعيـن المبتلـي
والضّيق يتلاه الفرج والحـق واضـح للعيـان =والله هو الوالـي ولا غيـر الله الوالـي ولـيّ
مَرّت سنيني مِثْلْ لَمْح البَرْق لى جا في ثـوان = واعطتني مـن دروسهـا إنّ البقـا للأفضلـي
مُرّ الليالـي يِتْعِـبِ الرجّـال ويْهِـدّ الكِيـان = ويْحَمّلِه مـالا تطيـق لْـهِ الجبـال الزٌحَّلـي
مَرّ(ن) اهوجس ياعلي وآقول قد كنّـا وكـان = مستانسين وكلّنا مع بعـض والخاطـر سلـي
نضحك ولا نحسب حساب الخافيه واللي تبـان = وحتى بعمري ما اذكر انْ هذي لك وهذيك لـي
عزّي لمن عاف الكرى عزّي لمن فيه احتقـان = هنيّ من جفنه غفى هنـيّ مـن جوفـه خلـيّ
ياربّ تَغفر ما مضى وِلْكِ الشٌكُـر والامتنـان = وتعينني يا ذا الكـرم فاللـي بقـى والمقبلـي
عندي رساله ياعلي من قلبـي آنـا واللسـان= للي سكن فـي ديرتـي ولديرتـي ولمدهلـي
قَبّل يدين ابوحمد واعطه من اقوالـي ضمـان = عهد الوفا له يكتبه ذاك الشّلـيّ ابـن الشّلـيّ
إنّي له حْزام وْسَنَد عند الرّخـا أو عنـد شـان = وانّي يمينه فاللقـا يضْـرِبْ بْهـا ويزلزلـي
وقل له تراني محتفظ بكنوز وكنـوزه تصـان = خُصّ الخصوص ان كانها من شاني ومستقبلي
وانّي على عهدي معه وانّي ما جيب الاّ السّمَان = ما حد يحجّ الاّ يبى الغفران من عنـد الولـي
عمري وشوفي والجسد اغلى ثلاث(ن) من ثمان = قدّمتها نذر(ن) على رجلـه وراسـي معتلـي
إي والله انّي مشتحن وانّي على شوفه ظمـان = يا نفس عِلّي واشربي من جَمّ عـذب المنهلـي
وأمّي وأُمّي قل لهـم مرتـاح والدنيـا أمـان = لايشغلـون انفوسهـم ترانـي بخيـر وْشِلِـيّ
ومن يوم جيت وعيشتي زينة وحتى الحظّ زان = كلّه لَجِلْ دَعْوَاتهم (حتّى انت ياالشّين ادع لـي)
يا رب تجزاهم علـى ماقدّمـوا لـي بالجنـان = وتجيرهم وتعيضهـم يـارب بالقَـدْر العِلـيّ
وياخو حمد بلّغ سلامي كل مـا تسمـع الآذان = بلّغ هل العدّ النّقـيّ أبيـات فينـي تصطلـي
ثُم قل لهم ياحظّكم بالحـج وبصـوم رمضـان = بيـن اهلكـم ياحظّكـم والله يْبَلّغنـي هَـلـي
وازكى التحايا والصلاة اعداد دورات الزمـان = واعداد ماخطّ القلم بـاسـم النّبـي المرسلـي[/poem]
وسلامتكم ,,,
اخيكم /
حمد الصقري
تعليق