لـيـت بُـعـدك..طـب وابـطـي ما انـجـرحت!!

[poem=font="Simplified Arabic,6,black,bold,normal" bkcolor="transparent" bkimage="" border="solid,4,black" type=2 line=0 align=center use=ex num="0,black"]
لــي من الضـيقات مــده .. ما اسـترحت=ولــي مع الفـرقا مـواعـيد ورماح
ما اذكر آخــر مــرةٍ فيهـا فرحت=وان ضـحـكـت اضـحـك وانا كلي جـراح
اشـهـد اني من الــليالي ما ربحـت=غـير حـلـمٍ .. لابغــيت ابــنـيه طـاح
ولاسـمـحـت .. ان قلـت ياعـيني سـمـحـت=دامـي اسـمـع بالـندا .. داع الفـلاح
والله انك ياحـبـيـبي .. ما بـرحـت=قـلـبي اللـي .. مـن غـيابـك مـا اسـتراح
كـنّـك اللـي يـوم عـن عـيـني نـزحـت=مـن يـصـب الكاس ..لـي سـمٍ ذحاح
لـيـتنـي في بـحــٌر حـبـك..مـا سـبـحـت=لـيـت حـبـك ليــل يــجـلاه الصباح
ليــت بُـعدك طـب..وابـطـي ما انـجـرحـت=الـبـلا ..انـك مـن تـغـيـب الــسـد بـاح
مـا يجـيـك اللــوم لـكـن لــو فـتـحـت=قـلـبـي اللــي من كــثـر مـا اغـلـيك..فاح
كان والله مـن غـيـابك ما انـجـرحــت=ولا نثــــرت الــدمـع .. لـين الــدمـع باح
احســب ان الــعزم بــاقي لين طــحت!=من غيـــابك مـثـخـن وكـلـي جـــراح[/poem]

[frame="1 80"]اخوي عبدالله بن غازي

صح الله لسانك

نص راقي وشاعر متميز

هلا بالجروح التي تؤدي الى مثل هذا الابداع

تقبل التحيه والتقدير

اخوك

ابو نايف[/frame]

لي من الضيقات مده .. ما استرحت
ولي مع الفرقـا مواعيـد ورمـاح


الله الله

ياسلام عليك يابو غازي

دايما تسعدنا بنصوصك الراقيقه والرائعه..

صح السانك ياعبد الله
ولك تحياتني

الغالي .. حسن الوطري


هلا وغلا


وصح بدنك



حظورك يشرفني


لاهنت


ولك اجمل تحيه

صح لسانك...............لاهنت

أخوي الشاعر عبدالله بن غازي

صح الله لسانك ولاهنت


قصيدة طيبة من راس طيب

دمت برعاية الله وحفظة

اخوي الغالي عبدالله

صح الله لسانك و علا شانك

قصيدة رائعه بحق

وجزله لا تستغرب من شاعرها الجزل

تحياتي

اخوك

الغالي.. سعد الاكلبي


هلابك


وصح بدنك


لكن عندك لبس في الاسماء

لأني ماني بأبن عون


المهم اعجابك فالقصيده


دمت بخير