عبـد اللــّه بن فــلاح الهـــاجري ( الواثق )

. صباح الخير


..الوفاء لايكون جزاه ألا الوفاء



... عبدالله .

. كل املى وما ارجوه عند قراتك لهذا الموضوع هو شي واحد فقط ان ارى من جديد موضوع او قصيدة بأسم الواثق فهل من مجيب ؟!؟



............................................................ ...............




.. يالله عليــك المبتــدا والتوافيق

ــــــــــــــــ ألك الثناء والشكر دوم ودواما


.. يالله يا رازق جميــع المخـــاليق

ـــــــــــــــــ ياكــافلٍ حتي حيــأة اليتــاما



.. من حكمتـــك تخضر يبـاس الزماليق

ـــــــــــــــــ وتحــيي الفياض الممحــلات العــداما



.. بسـمك وذكــرك يهجــع القلب ويفيق


ـــــــــــــــــ عليــك مبــدى أمـرنا والختـــاما



.. هاض الضميــر وزان بدع الطــواريق

ــــــــــــــــــ شعــرٍ يقــدي في طريق النظـــاما



.. ماهــو قصيــد ملفق الهرج تلفيــق

ــــــــــــــــــ شعــرٍ عن دروب الهــزال يتطــاما


.. ولاهـوب شعــر مدورين الغرانيـــق

ــــــــــــــــــــ أهل الغــزل واهل الهوى والغــــراما


.. البــارحه فـ غـــروبها والمشــــاريق

ـــــــــــــــــ جــزت عيـــوني عن لـذيذ المنـــاما


.. كنّـي كمــا حـــرٍ جـويد المســابيق

ــــــــــــــــــ لـــولا سبوقه كـــان فالجـــو حــاما


.. فّـى يـدين مطفــوقٍ علومه مطــافيق

ـــــــــــــــــــ مــايفرق حقـــــوق الصقر والحمــــاما


.. ولا كمـأ من صوبــوه التفــافيق

ـــــــــــــــــــ ربعــه مـخليـنه وجـــرحه تنــــــاما


.. كــله سبب علمٍ حــداني على الضيـق

ـــــــــــــــــــ من صــاحبي يــوم ابتــدا بالكــلاما


.. يـوم أتصل بى قال ناوي التفـــاريق

ـــــــــــــــــــ كنـــه ركــز داخل حشـــاى السهـــاما


.. قلت المهل : قال : أوصلت نشفت الريــق

ــــــــــــــ الي مـتي يـا سهيــــل وأنا اتســـاما


.. لا واللـــّه ألا وقعــت فالمعــاليق

ــــــــــــــــــ شرهة رفيــق وبين خــال وعمــــاما


.. طويــق يشره يالجبـــال الشواهيــق

ــــــــــــــــــ شرهـة وفــاء ماهيــب شرهة نـــداما


.. ماهــو عدو إلا أعــز الاصـــاديق

ــــــــــــــــــ يــذرا ربــوعه شرق قبــله وشـــــامــا


.. رفيق وافي لــو همـــومه مطــابيق

ـــــــــــــــــ ماباع في خـــوة رفيق وســــــاما



.. ابــو فلاح ونعـم يـأقمــة طـــويق

ـــــــــــــــــــ عبدالله الـواثق سلــــيل الحشــــاما



.. مـــامعه في دروب المــكارم مــلاحيق

ـــــــــــــــ في ذمــتي . يــاما . ويــاما . ويــــاما


.. يـاربعنـا ترى القلـــوب الصنـــــاديق

ـــــــــــــــ يــافارقين مـــن الحـــلال الحــــراما


.. مـا تــوخذ الدنيـا معيقــات ومعيــق

ـــــــــــــــــ ولا هــو كــذا تورد جمـــالٍ حيـــاما


.. تـــزهمك ياللي وثـــق العلم تــوثيق

ــــــــــــــــ جـــاهيةٍ تجـــلا عتيــم الظــلامــأ


.. والشـعر وسلــوم الرجــال المطـــاليق

ـــــــــــــــ والطيــب والرفــقـة وسلـــم النشـــاما


.. والجـدي وسهيل النقــاء والعشـاشيق

ــــــــــــــــ والجــود وشــداد الفخـــر والسنـــاما


.. وأهل الكويت ونــجد تزهمك وبقيــق

ـــــــــــــ قــل تـم وأرجع يـا عزيز المقــاما



.. وصــلاة ربي عـد جمــع المخـــاليق

ــــــــــــــــ على النــبي الهــاشمـي والســــــلامــا




.. وسلامتكم



...... سعد العـازمي


....... سهيل


[تم تعديل الموضوع من قبل سهيل بتاريخ 06-05-2001 الساعة 10:52 AM]

صح لسااااااااااااااااااااااااااااااااااااانك


يابو براك لاهنت لاهنت

وبيض الله وجهك.



ابو فلاااااح يستاهل كل خير .





العنيــــــــــــــــــــد

[تم تعديل الموضوع من قبل العنيد بتاريخ 06-08-2001 الساعة 03:24 AM]

..........................



صباح الخير..



ولاهنت يبو براك.. على القصيده الجزله والاحساس الجزل..

اشهد لله يالعازمي انك ابدعت ولا قصرت

قصيده رائعة وجزله وفيها كم هائل من المفردات الراقيه التي تسمو بستوى تفكير القاري لارقى المستويات

ولا اعتقد ان الواثق بيرفض طلبك لانه رجل ويهزه كلام الرجال

وانا اضم صوتي لصوتك



اخوك/عبدالله

ابو براك





الله يمسيك بالخير





وصح السانك على هالقصيده الرائعه يارائع وهذا يا العازمي من طيبك لو منت طيب ماتذكر الطيبين




لاهنت يابو براك وعسى عمرك طويل






تقبل فائق الاحترام والتقدير



من اخوك الصغير











[تم تعديل الموضوع من قبل عايض العتيبي بتاريخ 06-05-2001 الساعة 02:15 PM]

.. لاهنت يالعنيد لى الشرف تكون اول من رد مجرد اطلاعك على ما اكتب مكسب

.. لاهنت


. تقبل تقديري

الأخ سهيل بيض الله وجهك على هذه القصيده الطيبه واطيب

منها قايله واللي هي مقيوله فيه لكني كلمته ولقيته

زعلان اشوي مادري ويش الحاصل بالضبط اتمنا ان يكون هناك تلاحم

وترابط اكثر للشعراء كي يكون الشعر في قمة مستواه والله

يوفق الجميع للخير

حسن المسعودي

ارحب ياسعد



. ولا انت يابو جابر وصح بدنك

. والنشاما مثلك يستاهلون وعبدالله يستاهل والنداويه كلهم يستاهلون



.. لاهنت على اطلاعك وردك


.. تقبل تقديري

اخي سهيل .....

صح لسانك ... على هالجزاله .. ويستاهل الواثق ..

ومنا الى الواثق ...

هلابك يا عبدالله الشهراني

.
لاهنت يا الشهراني

وصح الله بدنك

.. تشريفك وقرايتك لما كتبت وسام افخر به من شخص فى مكانتك


. ابو فلاح يستاهل عساه ذخر


.. تقبل تقديري

الله الله الله الله الله


استاذي سهيـــــــل صــــــح لسانــــــــك ألـــــــــف


ولاهنـــــــت ويستااااااهل الهاجـــــــــري وانا اضم صوتي معك


لان غاليـــــك يا سهيـــــل غالي عندي بعـــــــد ،،،








صح لسانك مره ثانيه والله لا يهيـــــــنك وعسا عبدالله يقراها


ونشوف له مشاركه والله كريــــم .















اخوك المهنــــــد

هلا بعايض



. ارحب يا عايض ولاهنت مجرد اطلاعك على ما كتبت شي يسعدنى لاهنت



. تقبل تقديري

... هلابك يالمسعودي



. صح بدنك ولاهنت على دخولك وقرايتك القصيدة وكلامك الجميل


. وابو فلاح يستاهل

. ولاتخاف ترى مابه شي بس شرهة نشمي على نشاما مثلك



.. تقبل تقديري واحترامي

النايفة



. صح بدنك

. ولاهنتي يا بنت الاجواد


.. وفعلاً الواثق يستاهل كل خير



.. شاكر لك القراءه والرد


.. مع خالص تقديري

صح السانك مليون

ياسهيل ياسعد والله انك مبدع فى كل شي فالشعر وفى المراجل من عرفك عن قرب يعرف لاينسا طيبك وكرومك وجودك وصدقك

يستاهل خويك عبدالله الهاجري كل خير وكلنا نظم صوتنا لك فى ما اسلفت فى قصيدتك


لاهنت وصح السانك ياسعد