Tweet
السلام عليكم ورحمة الله وبركاته
اليكم هذة المتواضعة و التى ارثي فيها ابني رحمه الله راجيا منكم الدعاء له ولجميع موتى المسلمين
اليكم هذة المتواضعة و التى ارثي فيها ابني رحمه الله راجيا منكم الدعاء له ولجميع موتى المسلمين
[poem=font="Simplified Arabic,6,burlywood,bold,italic" bkcolor="black" bkimage="" border="groove,6,sandybrown" type=2 line=0 align=center use=ex num="0,black"]
ياقبر انا لاجيت يمك تمنيت=اني بداله تحت الاحجار مدفون
ودي يكون الحي عمري وانا الميت=لو الثمن كل المخاليق يفنون
ياقبر فيك اللي على ابوي سميت=دايم وانا مع قرة العين مشطون
ياقبرلو تدري بعد ويش كنيت=لتقول ليت الموت ماكان مسنون
ياقبر والله عنه مايوم سجيت= اسمع صدى صوته وانا منه محزون
كم مرةٍ باسمه على اخوه ناديت =والناس من حولي يقولون مجنون
اذكره حتى يوم فالفرض صليت=والناس باسمه لا بغوني ينادون
ماتدري انه كان لي شمعة البيت=وانه يساوي الكون والكون والكون
واني اشوفه كل ما اصبحت وامسيت=قدام عيني خطوته دوم بالهون
ماانساه لو اني دلهت و تناسيت = ودنياي عقبه يا ملا مالها لون
وقت العزاء لوي تظاهرت واخفيت=حزني عن اللي في فقيدي يعزون
لكن تراني من كثر صبري ازريت=وعقب العزاء بيحت انا كل مكنون
الله من ليلٍ بتــــــــــاليه ونيت=ونة كريمٍ داخل السجن مديون
والله من ضلعٍ بعاليه عديت=ودموع عيني فوق خدي يهلون
انا اشهد اني عقب فرقاه وليت=والحال عقبه صار من دون في دون
ياقبر انابانشدك بالحزن حسيت=في قلب والد صار بالهم مطعون
هذا شعوري يوم يمك تعنيت=والله يفرج هم قلبٍ به شجون
مرحوم ياللي طلته كنها( الليت)=اعداد ناسن فالحرم جوايصلوون
ومرحوم ياللي فالمرض حيل عانيت=اعداد مايبغض هل القدس شارون
وانا اطلب الله يوم للمقبره جيت=الصبروالسلوان والثالث العون
ماغيره احدن في حياتي ترجيت=ورضيت بامر اللي له الكاف والنون[/poem]
[rams]http://al-molta3.com/uploader/molta3/ayaya.mp3[/rams]
http://al-molta3.com/uploader/molta3/ayaya.mp3
تعليق