عرضٍ نزف والناس شاهد ومشهود =وآخر ضحيه ( صابرين الجنابي )

شاهدت على شاشة الجزيرة مأساة الفتاة العراقية التي عاث بعرضها عدد من الضباط ( قوة حفظ النظام العراقية ) وهي تنثر دموع عينيها دماً على سجادة الأمن العراقي المتلطخ بدماء العار ، باحثةً عن معتصم يغسل شرفها المهدور ، ويجبر قلبها المكسور ( حسبنا الله ونعم الوكيل ) ..

صابرين الجنابي

عرضٍ نزف والناس شاهد ومشهود =وآخر ضحيه ( صابرين الجنابي )
ضحوا بها وتلبسوا كل منقود =طشوا كرامتها ورا الاغتصابي
ذكوا طهارتها وهي ترفة العود =واخذوا براءتها بروس الجنابي
شقوا ثياب الستر والسيف مجرود =حتى ولغ دم الطهور الذيابي
ما هابوا الله ربنا خير معبود=عاثوا بها وادمت حشاها النيابي
واللي جنوا ماهم نصارى ولا يهود=إلا من ديارٍ بها الدين رابي
بتّوا حبال الدين .. وقلوبهم سود =صفر الذمم .. ومسممين الحرابي
و( المعتصم ) ما كن له صوت ووجود=صوته خفت يوم زاد نعق الغرابي
يا ( المعتصم ) وين انت ما عنك منشود ؟ =دوّى بدار الرافدين الخرابي
صار انتهاك العرض عادي ومعهود=بين الثعاله والرخم والكلابي
يا ( المعتصم ) ما كدّرك كل مضهود =ما حركك في ( صابرين ) العذابي
ما تنتفض والعرض بالذل ملهود=ما يذبحك موت الشرف وانتحابي
يا الله يا معبود يا مجري النود = تجعل رجانا والدعا مستجابي
تحفظ علينا أعراضنا وانت محمود=ن كل متجبّر ومجر وصابي



محمد بن حمدان المالكي

3/1/1428

الشاعر محمد المالكي


صح لسانك وعلاشانك


الله يمهل ولايهمل وجزاهم عند رب العالمين

لك تحياتي

أخوي محمد بن حمدان المالكي

صح لسانك وبيض الله وجهك
رايعه ووفيه من راس وافي


حسبي الله ونعم الوكيل


لك فائق احترامي وتقديري

أحبتي
ابن عسكر
الحبابي
مرحبا تراحيب المطر

[سعد بن شليه السبيعي]

أخوي محمد بن حمدان المالكي

صح لسانك وبيض الله وجهك
رايعه ووفيه من راس وافي


حسبي الله ونعم الوكيل


لك فائق احترامي وتقديري

سبنا جبار السموات والأرض
حسبنا من بيده مشرق الشمس ومغيبه
حسبنا من اطبق البحر على فرعون وازلامه

والله انها تعتصر القلب هذه المئسات وانها تهز الكيان ولكن لله في كل شئ حكمه لعل الله يكتب بعد ذلك امرا

محمد
صح لسانك ولا فض فوك
لنا معك الهم نفسه وننظر بعين الريبه الى هذا النظام المتوحش ونسال مالدافع وراء مايفعل بالسنه هناك وهل يعتقدون انهم قله لا والله لا يكونون اتباع المصطفى قله لأن فئة قليله تغلب كثيره بامر الله والايام دول ...وكما نرى بفضل اله فقد اثخنت الجراح في هؤلاء الخونه ومالصبح ببعيد


صح لسانك مره اخرى يا محمد ولا عدمناك

مشهووور..

عرضٍ نزف والناس شاهد ومشهود =وآخر ضحيه ( صابرين الجنابي )
ضحوا بها وتلبسوا كل منقود =طشوا كرامتها ورا الاغتصابي
ذكوا طهارتها وهي ترفة العود =واخذوا براءتها بروس الجنابي



صح لسانك ياابو البدر


قصيده موجعه


والله ينصر الاسلام والمسلمين


ويكتب لك الاجر

شاعر الحدث

محمد بن حمدان



صح لسانك ياابا البدر

ابيات معبره عن مايدور في نفوس الشرفاء والاوفياء






لك تحياتي

صار انتهاك العرض عادي ومعهود=بين الثعاله والرخم والكلابي

محمد المالكي

لله درك


ابدعت في رسالتك

جزله يالجزل

وصح قلبك والسانك

أحبتي
سعد بن شلية
شايع العيافي
فالح الشلوي
ابن عبود
أشكر لكم زيارتكم الكريمة
وحضوركم الرائع

محمد بن حمدان

صح لسانك

والله يمهل ولا يهمل

واخر الامر انتصارنـــا آميــــن

لاهنت لاهنت لاهنت

م.ح.س.ن

مشكور أخي محسن
الله يحييك تراحيب المطر
شرفتنا بحضورك

للرفع إلى الأعلى