مساجلة مع إبن عون

يانداوية ياكرام

السلام عليكم ورحمة الله ورضاه

عذراً عن البطا لاعدمناكم

وإليكم هذه المساجلة مع الزميل الشاعر
غازي بن دخيل الله بن عون العتيبي

قال غازي

[poem=font="MS Sans Serif,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
تجمل في نديمك وأوصل المكتـوب ياسلطـان=
لبن منصور محمـود السجايـا فيصـل العيـه
لو إني مأبخصه مير أسمع أخباره مع العربـان=
وعلم الطيب مايخفى على العالـم منـه شيـه
ومضمون المثل ، علم الحيـا والطيبيـن يبـان=
وفيصـل لـه فعـولٍ بينـه ماهيـب مخفيـه
قرى الضيفان عنده قرح الخرفـان والقعـدان=
وصفراً فـي وجـاره زادهـا هنـدي وبريـه
مغاتيـرٍ يهـال الهيـل فيهنـه بـلا تقـنـان=
على جال المنـاره فالمسـاء والصبـح مركيـه
وعودٍ غالياً مشراه يمشى به علـى الضيفـان=
بديوانيـتـةٍ للضـيـف والــزوار مبنـيـه
سلايل لابـةٍ بأمجادهـم شـادوا لهـم بنيـان=
مبانـي مجدعهـم كبـر الينوفـي والعسيبيـه
دخلوا في صرح تاريخ الفعول من أوسع البيبان=
يسطـر مجدهـم بفعـول مكتوبـه ومقـريـه
على هاماتهـم للمعجـزات وللفخـر عنـوان=
وصرح المجد معشرهم تربـع فـوق كرسيـه
حمو حدانهم فـي مامضـى بمذلـق العيـدان=
خذوها غصب ، ماجتهم من العربـان عاريـه
وفيصل فالمحافل يعتبـر مـن خيـرة الفرسـان=
ليـا قامـت صفـوف الخندفـيـه والشبابـيـه
وينظم رائعاتٍ مثـل نظـم اللـول والمرجـان=
تجي مثل الجواهر عن عيوب الشعـر منقيـه
ويرسم بالشعر لوحات فاقـت لوحـة الفنـان=
تشد المستمع مـن نسـج الأفكـار الخياليـه
ويمزجهـا مثـل ماتمـزج اللوحـات بالألـوان=
وتطلع لوحتـه مـن مفـردات الشعـر فنيـه
غريبٍ نوعهـا فـي غايـة الإبـداع والأتقـان=
عـذابٍ مأنتجتهـا أفـكـار رواد الحداثـيـه
مثل من هملوا موروثهم فـي عالـم النسيـان=
وجونـا بالحداثـه والخـرفـات الأوروبـيـه
قصائدهـم معانيهـا مثـل سوالـف البـزران=
وتنشـر فالجـرايـد والمـجـلات الخليجـيـه
ليا ناقشتهم فـي منهـج الأسـلاف والجـدان=
يقولون إلـك تقليـدي ومنتهـي الصلاحيـه !
ورجل يذكر التافه وينسى الماضي اللـي كـان=
يبـا ينسـى العوايـد والتقالـيـد العربـيـه
يجاز اهل أهل الجمايل بالرذايل طير بن برمـان=
بعد ماعلمه راعيـه راح وجـاب لـه حيـه !
عجز يشرف مشاريف الحرار الشقر والعقبـان=
ونزل فالمنزل اللي ينزلـه بومـه وحنديـه !
وانا مأ عاتب اللي يرغب التجديد مـن شبـان=
ليا جت صـورة التجديـد مقبولـه ومرضيـه
فلامانـع مـن التجديـد مـع تطـور الإنسـان=
ولاتهمـل علامـة جـودة المـوروث الأصليـه
وأنا اللي داعب أفكاري وصحّا نايم الأشجـان=
بعد حضرت من ضمن الحضور وشفت الأمسيـه
عسى ربي يجازي عايض بن حمود بالأحسان=
تجمـل يـوم جتنـي دعوتـه للأمسيـه ذيـه
وأنا لو ماحضرت الأمسيه كان أعتبر خسـران=
خسـاره معنويـه فادحـه ، ماهـيـب مالـيـه
سمعنـا رائعـاتٍ فارعـاتٍ نالـت إستحسـان=
خسـاره معنويـه فادحـه ، ماهـيـب مالـيـه
حكيماً يبدع بضبط الصـور وبروعـة البيـان=
وبإسلوب الأداء الراقـي وبالـروح الرياضيـه
وأنا بعد إستماع أمسيته لـي شـدت الأذهـان=
هواجيس القصيد الميته فـي أصبحـت حيـه
وحلق هاجسي تحليقـة القرنـاس بالجنحـان=
ونويت أرسل لفيصل من بنات الفكـر برقيـه
ودم وإسلم عدد ماهـزت الغربيـه الأغصـان=
وماغنـت علـى خضـر النبانيـب القميـريـه
--

[/poem]

الشاعر - غازي دخيل الله بن عون

----------

رد ي عــلــى الزميل غازي بــــن عــــون

[poem=font="MS Sans Serif,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سرايا الشعر صفـت والضميـر يمثـل الميـدان=
صدر من غازي إعـاز الجيـوش الفيصلاويـه
يابن عون أنت ثورت المشاعر ثـورة البركـان=
يثيـر شعورنـا شعـر العقـول الأمتيـازيـه
كلامك يـوم أفكـر فيـه بالتدقيـق والإمعـان=
يماثـل عملـة الـدولار بيـن النـاس دوليـه
عرفتك شاعرٍ مثل البحر يصفق على الجيـلان=
عرفتك رجل شامخ كالجبـل طيـب وشهاميـه
عتيبيـاً عريـب الجـد وميـة نعـم بالعتبـان=
مفاخرهـم تخلـدهـا السـجـلات الذهبـيـه
رجالٍ يوم دقلات الجمـوع وسوقـة الأضعـان=
مواقفهم تشـاف ومجدهـم شمـسٍ ضحاويـه
لهم في نجد مخلاب ولهم صوب الحجـاز أمتـان=
بعطبـات المضـارب وسعـو حـد العتيبـيـه
حضرت الأمسيه يامن تعرف الـزود والنقصـان=
وهذا اكبر شرف للشعر والجمهـور ثـم ليـه
تحياتـي وتقديـري وشكـري بالفـم الملـيـان=
لغازي والـذي وجـه لـه الدعـوه خصوصيـه
يابو عبد الله الشعـر الحقيقـي يبعـث الوجـدان=
مترجـم للخفـايـا بالعـبـارات الكلامـيـه
لتاريخ العـرب وأمجادهـم وتراثهـم عنـوان=
تناقلـه الـرواه شهـود الأخبـار الحقيقـيـه
يقولون الرجال إن الشعر عند العـرب ديـوان=
وفيه الوصـف والحكمـه والألفـاظ البلاغيـه
مشاعر صاغها الإحساس وتغنى بكـل لسـان=
الأشعـار الفصيحـه وإلا الأشعـار النبطـيـه
ياغازي لايزال الشعر عند أهله نقـي ومصـان=
هل الـذوق المميـز وأهـل الأفكـار الطبيعيـه
لكن المشكله بعض الطيور صغيـرة الجنحـان=
تبـي تطلـع مطاليـع الشواحيـف الجبلـيـه
وهذا مستحيـل يقـارن العصفـور بالشيهـان=
عصافيـر المـزارع مالهـا طلعـات جـويـه
على الله كل شـئ وكلنـا فـي دبـرة المنـان=
وتختلـف المـواهـب والـدرجـات الثقافـيـه
يامال الجنه اللي عاشـوا النكبـات والحرمـان=
قصائدهم ليـا ذلحيـن بأذهـان البشـر حيـه
دخل فالشعر نـاسٍ يدعـون الهـم والأحـزان=
وهـم وسـط النعومـه والحيـاه البرجوازيـه
وانا وياك مثـل مطـرد الشـارد مـن الغـزلان=
علينا الشمس ولهيب السموم أبرد مـن الفيـه
ومعنا الفوج الأول ، مثل عبد الله وبن جـدلان=
لو أعـد فطاحلـة الشعـر زادوا عـن الميـه
وعلى ذكر الصحافه ، مثل طاح فلان ، قام فلان=
والأسمـا المستعـاره والمقـالات الدعائـيـه
ياكثر الكذب ، والتلميع ، والتزوير ، والبهتـان=
تناقلهـا الصحافـه والمحـطـات الفضائـيـه
يابو عبد الله إعذرني عسى يفدونـك الرديـان=
ترى التأخير له يإبن الكـرام أسبـاب شرعيـه
صحيح أيامنا تجـري وتثنـي همـة النشطـان=
تحت ضغط المشاغـل والظـروف الإجتماعيـه
تمنيت إني أرجع في زمانٍ عـاش بـه راكـان=
بعصـر البـدو الأول ، قبـل توحيـد السعوديـه
أسولف في مجالسهم مـع الشيبـان والشبـان=
تسيـرنـا التقالـيـد وعوايـدنـا القبـيـلـه
مراكينـا الأشـده ، والكهـارب شبـة النيـران=
تجمعـنـا المحـبـه ماتفرقـنـا الكراهـيـه
مراجلنا الفرس والسيف ، والبل مـدة الرحمـن=
وشيمتنـا وغيرتـنـا وأصالتـنـا البـدويـه
ماتفتنا الأراضي والفلـوس وثـورة العمـران=
تراحمنـا وراحـات النفـوس أعطـم رفاهيـه
عسى الله يحفظ أرضٍ ساد فيها خاتـم الأديـان=
وهدى فيها محمد بأفضـل الكتـب السماويـه
هي أرض المملكة دار العدل ، دستورها القرآن=
سقتها من مراهيـش المخايـل كـل وسميـه
وصلاة الله وتسليمه على المبعـوث بالإيمـان=
عدد ماداعـب النسنـاس الأزهـار الربيعيـه


[/poem]

---

مع صادق التقدير لكل النداوية - فيصل الرياحي البقمي

بيض الله وجهك يابو بدر بياض تشله البل

على هذه الدرتين وحديث العمالقه

مريت لاجل ارتوي واسجل حضوري يامدرسه

واكون اول المتصفحين وبكل شرف

لاهنت وتقبل تحيات بحر

صح السانك وبيض الله وجهك يابو بدر
ماتجيب الاالدر الثمين ..


لاهنت ايها العملاق

ابو بدر

صح السانك والسان بن عون


صوت وصدى رائعان من شعراء لهم ثقلهم في مجال الشعر


لك تحياتي

صح لسانك يابو بدر

وصح لسان بن عون

وبيض الله وجيهكم

صوت وصدى العمالقه الكبار

لاعدمناكم ،،،،،،،

.

يا سلام يا سلام


هذا القصيد والا بلاش


عز الله ان بيّض الله وجهك اللي جبت لنا ذا الدرر

وصح الله لسان ابن عون

وصح الله لسانك


تحياتي

ونعم بابوبدر ونعم بغازي

قمتين من اكبر قمم الشعر في الخليج العربي عندما يتناجيان يكون للشعر مفهوم اخر

دمتم لعشاق الشعر ومحبيه

الله الله

صح الله السان أبن عون وصح الله السانك يابوبدر ياعملاق الشعر الشعبي والأدبي والمحاورة


سجل إعجابي ولي عوده

دخـل فالشعـر نــاسٍ يـدعـون الـهـم والأحــزان
وهـــم وســـط النـعـومـه والـحـيـاه البـرجـوازيـه



دخـل فالشعـر نــاسٍ يـدعـون الـهـم والأحــزان
وهـــم وســـط النـعـومـه والـحـيـاه البـرجـوازيـه





دخـل فالشعـر نــاسٍ يـدعـون الـهـم والأحــزان
وهـــم وســـط النـعـومـه والـحـيـاه البـرجـوازيـه





دخـل فالشعـر نــاسٍ يـدعـون الـهـم والأحــزان
وهـــم وســـط النـعـومـه والـحـيـاه البـرجـوازيـه





هذا الصحيح


واررررحب يابو بدر



صح السانك والسانه مدد بلا عدد


تقديري

الاخ الشاعر الكبير /فيصل الرياحي
اسعد الله صباحك بكل خير
صح السانك والسان بن عون
صوت وصدى رائعان من شعراء
لهم ثقلهم في مجال الشعر


لك تحياتي

مساجلة من اجمل المساجلات التي قراءتها

الشاعر القدير فيصل الرياحي صح لسانك ولسان الشاعر غازي بن دخيل الله بن عون العتيبي


متابعتي واحترامي

وفيصـل فالمحافـل يعتبـر مــن خـيـرة الفـرسـان
لــيــا قــامــت صــفــوف الخـنـدفـيـه والشـبـابـيـه
وينـظـم رائـعـاتٍ مـثـل نـظـم الـلـول والمـرجـان
تجـي مثـل الجواهـر عــن عـيـوب الشـعـر منقـيـه





يا سلام





تستاهل يا ابوبدر






داهم العصيمي

الاخ الشاعر العملاق فيصل الرياحي




صح لسانك وصح لسان غازي بن عون


صوت وصدى رائع ومتميز



لاهنتو



تحياتي

الله الله الله يابوبدر


قصيدتين من شاعرين من شعراء الفوج الاول


وبالنسبه لي اعتبرها دراسة لوضع الساحه الشعبيه الحالي

يجب التركيز فيها والاستفاده منها

شكرا

ارحب ابو بدر

صح السانك والسان بن عون


صوت وصدى رائعان من شعراء لهم ثقلهم في مجال الشعر
اخوك .. فهد بن صلبوخ