بيض الله وجيه ربعي ( الهيلا عتيبه ---

السلام عليكم ورحمة الله وبركاته

وفاء القبيله من قبيلة الوفاء لشاعرها ممثلها في برنامج (شاعر المليون) ( يوسف العصيمي) عندما صوتوا له التصويت

المميز والغير غريب عليهم والذي صعد به الى المراكز الأولى مع زملاؤه المميزين كانت لي هذه الابيات:-


[poem=font="Simplified Arabic,5,blue,normal,normal" bkcolor="transparent" bkimage="" border="none,6," type=2 line=0 align=center use=ex num="0,black"]
بيض الله وجيه ربعي طلّعوا يوسف غصيبه = وانثنت له عنوه الحرّه ولوّح وامتطاها

بيض الله وجيه ربعي ربعي الهيلا عتيبه = عزوةٍ وقت الله الله ماتخيّب من نخاها

عزوةٍ فالماقف الغصّاب وقفتها رهيبه = تحتمي ميقافها والله بتوفيقه حماها

فزعة ابن سعود فزعتها ماهي والله غريبه =لن دعاها داعي الدّاعي تعدّيها يداها

السيوف اللامعه تضرب وضربتها عطيبه = كم صدورٍ ساعة الهيجا تخبّط في دماها

ياعتيبه ياعتيبه مابها شك وريبه = انتم أهل الأوله واللي وراها من وراها

يامطوّلة الرقاب ويامهوّنة الصعيبه = ويامقصرة الرقاب اللي تعدت مستواها

يامقربةالبعيد ويامبعدة القريبه = ماعليكم من زعل بعض النفوس ولا رضاها

ماعلى الوقفه حجاب ولا على الفزعه ضريبه = ومن عطانا نصها ياخذ بعون الله ملاها

سطرّوها ملحمة تاريخ يالروس المهيبه = لين تقنع كل نفسٍ غيّها غثرب صفاها

الوفا والعز والرفعه لنا حظ وكسيبه = ومن وهايب واحدٍ سيّر نجومه في سماها

اكتسبناها بحدّ السّيف بسنين(ن) عصيبه = السنين اللي على موت بقا يدرج رحاها

واكتسبناها بنصرة قايد اصفوف الكتيبه = الملك عبد العزيز اللي على العليا بناها

والنّعم مليار فيكم يامطوّعة النجيبه = يامقابيس الظلام النار تحرق من وطاها

ياطحاطيح الرجال اللي لخالقها منيبه = لو كتبنا الفين بيت وبيت مانلحق جزاها

وبيض الله وجه يوسف له مع اهل العرف هيبه =هيبته هيبة بطل كل المواقيف احتماها

ايه ابن رزّاق فارس للمغازي ينغزي به = لن طعن يجرح جروحٍ مايداويها دواها

ياعريب الأصل والمنسب من القوم العريبه = ابشر بعزك ومن دوّر على حاجه لقاها

وان خطا المليون حظك عندنا ماهي مصيبه = عندنا تشريفك العتبان غايتها ومناها

ربعك الهيلا ماترضى بالهزيمه والغليبه = الحصون اللي تذرّي من تذرّا في ذراها

لطمة العايل طلبها للمطالب من طليبه = وذبحة الحايل كرم وأهل الوفا نوفي وفاها

ولو على المليون فابشر من على خشمي لاجيبه = من يدين اطرف عتيبي ثروته لاجلك صخاها

لا تفكر فيه ابد يافارس الشعر وأديبه = فكر بآخر قصيده وين ياصل بك مداها

حطها بين الضلوع وحطها جوف التريبه = خلنا طول السنين المقبله معك نحداها

هاتها مثل السموم وشبها مثل اللهيبه = مثل الاولى (ثور ينطح ثور) يامطيب صداها

وسلامتكم [/poem]

حطها بين الظلوع وحطها جوف التريبه==خلنا طول السنين المقبله معك نحداها

الدعوجي

صح لسانك وكفو بعتيبه عز الله وقفو وقفه تبيض وجيهم

الاستراحات شغاله في الدخل والبديعه

وان كان يوسف ماخلا قصيدته المقبله في شاعر المليون في عتيبه فلا عنده سالفه

تقبل تحياتي

حطها بين الظلوع وحطها جوف التريبه==خلنا طول السنين المقبله معك نحداها

الدعوجي

صح لسانك وكفو بعتيبه عز الله وقفو وقفه تبيض وجيهم

الاستراحات شغاله في الدخل والبديعه

وان كان يوسف ماخلا قصيدته المقبله في شاعر المليون في عتيبه فلا عنده سالفه

تقبل تحياتي

يسعدني انك اول من عانق ابياتي المتواضعه في حق قبيلتي

كفو بشخصك وكفو بقحطان اهل الوفا والكرم والحميه وبكل القبايل وكل قبيله بها حقها من رجالها ونعم بكل القبايل

ومليون ونعم

يوسف نخا وانتخا وربعه وفوا وكفوا وبيض الله وجيههم وبيض الله ومشكور للمرور العطر يالقرم

سطرّوها ملحمـة تاريـخ يالـروس المهيبـه
لين تقنع كـل نفـسٍ غيّهـا غثـرب صفاهـا



أفخر بهكذا شعر وهكذا رجاااااااال

الدعوجي ...صح لسانك وعشت للعز والهيبه ..

....

الاخ الدعوجي
صح لسانك وكفو بعتيبه عز الله وقفو وقفه تبيض وجيهم
واتمنا يوسف يبادلهم نفس الشعور
تقبل تحياتي

مدح الطيبين يزود كل طيب يابو عبدالرحمن

والله وسبعين نعم يرضابها كل حر وتوجع كل ضعيف رابعه

تيتاهلون يابو عبدالرحمن ويوسف خير ممثل

والله يوفق خواننا كلهم


صح لسانك ولا عجمت

وتقبل تحباتب



مشهوووور...

ياسلام يابوعبدالرحمن

قصيده جزله ومن راسٍٍ جزل ولعنبوا من مايحتمي دون ربعه في كل حين


الله يزيدك ويزيد يوسف من فضله وياعسى ماينولها الا منهو كفؤ لها ويستاهلها


اخوك

صح لسانك على هذه القصيده


الله يوفق ابن العم


والف شكر على من قام بالترشيح

صح السانك لاهنت

باسقه رائعه

تقديري

شوق

سطرّوها ملحمـة تاريـخ يالـروس المهيبـه
لين تقنع كـل نفـسٍ غيّهـا غثـرب صفاهـا



أفخر بهكذا شعر وهكذا رجاااااااال

الدعوجي ...صح لسانك وعشت للعز والهيبه ..

....

هلا بكبرياء ومشكوره على المرور

لاعدمتك ولا عدمت مرورك

الاخ الدعوجي
صح لسانك وكفو بعتيبه عز الله وقفو وقفه تبيض وجيهم
واتمنا يوسف يبادلهم نفس الشعور
تقبل تحياتي

هلا ياسعد السبيعي

صح بدنك ولا عليك زود بالقرم

ونعم فيك وفي عوانينا سبيع ومليار نعم

مشكور ولاعدمتك

اي بالله بيض الله وجيه عتيبه الهيلا

فزعتهم مع ابن عمهم يسجلها التاريخ

ولاهي غريبه عليهم الفزعه

صح الله لسانك يالدعوجي

وقصيدة وافية من شاعر وافي

ومايلومك أحد في ربعك وقبيلتك

لاهنت ولاتهون باقي القبايل

الدعوجي

ياهلاااااااا وغلاااااااا بالشعر وراعيه


وانت والله كفؤ وشاعرنا يوسف كفؤ

وعتيبه تستاهل كل مدح وكل طيب .

وصح لسااااااااااااااااااااااااانك ملياااااااااار

ودمت وسمت يابن عاصم .

تحياااتي

الله الله الله




يابو عبدالرحمن



أتيت من هنا


لكي ارفع قبعتي للشعر واهله





لله درك يابن العم



لله درك



ولا على القبايل الثانية زوووووووووووووود