Tweet
بسم الله الرحمن الرحيم
السلام عليكم ورحمة الله وبركاته
.
السلام عليكم ورحمة الله وبركاته
.
[poem=font="Simplified Arabic,4,darkred,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/18.gif" border="solid,2,black" type=0 line=1 align=center use=ex num="0,black"]
قصيدة وجــد
_
الا يابو عيونٍ زرق تسحر والخدود انضاف = تعاتبك العيون السود حاضرها وماضيها
عيونك من تصيبه تحرقه بالليز الشفاف = وتجرح بالرماح اللي عطيباتٍ مهاويها
ليا ناضرت راع الود خاف وصابه الخفخاف = وشفته في طريقه يقضب السكة ويخطيها
دخيل الله لا تكسر ضلوعٍ مثل عود الساف = ابعدها ومرسول الهوى يمك يدنيها
ترفق بي ترى ماصعب من الذكرى على الميلاف = تذكرني عيونك حاجةٍ ماني بناسيها
وانا من قبل اشوفك مستريح ولا على خلاف = ولا كني فقدت من الحياة اجمل لياليها
الا ياليت يرجع لي من أيام الهوى ما طاف = واطوف مرها وامرها وانعم بحاليها
بعيدٍ عن حواسيس الحسود وكلمة المزهاف = فالاكن الاماني ما تقضي شان راعيها
وانا والله تعبت وتعبت اقدامي من الميقاف = اغني لي قصيدة وجد شايبةٍ قوافيها
تركت الملتقى والناس والمبدى على المشراف = مثل من هج من درب النشايب ثم وقع فيها
صغير السن مملوح الكلام وكامل الاوصاف = نبش كل الجروح اللي مضمدها ومخفيها
عرض لي واعترضت وتل قلبي واختلف وانلاف = وخاويت الهجوس وصرت بايعها وشاريها
برسمه واحدٍ صديت عنه بنزهة المصطاف = وحلفت اني ماجي داره ولاسكن في ضواحيها
وانا مخطي ومقدي يوم اقوله والعلوم ارداف = تفاجا من علومي قال اعدها قلت توحيها
سرى في خافقي شياً مثل برق الدجى الكشاف = وشفت اول دروبي بس مادري وين تاليها
كذب هرج المنجم والبروج ويكذب العراف = فلا يعلم بتدبير الخلايق غير باريها
تبارك في علاه المستعان المعطي الرواف = اسأله يغفر الزلات والحاجات يقضيها
:
محمد السميري
[/poem][CENTER]:
تعليق