Tweet
.
..
.
بسم الله الرحمن الرحيم
مساكم الله بالخير جميعآ ،،
هذه القصيده ردآ على قصيدة الشاعر حسين الغنامي
الذي تشرفت بالرد عليه واتمنى يكون الرد وافي
بكل خجل .. عسى ان تليق بالمقام ،،
بارود المعاني .!!
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يثـور بـارود المعانـي إذا صـار=حربٍ ضروس تقوم مابين الافكـار
واضيـع واغنـي عليهـا الهلالـي=واقول ويـش العلـم ياشعلـة النـار
واسلى مع السالين واشـوف حظـي=بين السراب وبين جمهـور ونـوار
وياصاحبي ياللي عروقـك اصيلـه=مساك ربي بخير والخيـر لـك دار
تعال واقلط مرحبـا الـف واهليـن=في مجلسٍ مايدخلـه غيـر الاخيـار
مجلس ولد عـزام نسـل العطـاوي=شيخٍ يعز الضيـف ويقـدر الجـار
وسمع سواليفٍ على الطيب والخيـر=سوالفٍ وضح النقى ماهـي اسـرار
ومن بعدها بشكـي وحالـي عليلـه=من سالفة حبٍ على مـر الاعمـار
حبٍ سكنـي يارفيقـي وانـا حـي=وجلسة اسولف به على كبار وصغار
وعشته سنه ياخـوك حـب ومـوده=ماهمني عاذل ولا حاسـب اخطـار
لعيون خلي سايـق الـروح للمـوت=تفداه روحي لو بـدى طالـب الثـار
وإذا لفاني وقـال ياحسيـن احبـك=يضيع تفكيري علـى دقـة الطـار
واحس إني ( كنـق ) امـة محمـد=وإني ملكة الكون مع كـل الاشبـار
وإني انا السلطان فـي كـل ديـره=وكلٍ على شوفي ضرب خمس بعشار
لكـن بعدهـا صـد عنـي وقفـى=صد وتركني فـي متاهـاة الاسفـار
اسهر مع الهوجـاس اسهـر لحالـي=اسامر النجمه إلـى حـد الاسحـار
واجلس اغنـي بوحدتـي يارفيقـي=( تذكار عيشي ياحياتـي بتذكـار )
ومن زود همي ضاقت الكون فينـي=ضاقت وسالت مني دمـوع الاوتـار
واشوف حالي في تردي وانا اخـوك=واقّلـب الاوراق وازيـد الاشـعـار
واكتب قصيدٍ سال دمعه على الخـد=واشوف حظي قدم عينـي ومنهـار
واقـول ياربـي تسهـل امــوري=وترحم فؤادٍ مات من صالـي النـار
والحين انا ناصيك يابـن السلاطيـن=مـدام فينـي ياولـد حـارة افكـار
ابغاك تفزع لـي وتعطينـي حلـول=مادامك انت اللي على حـادي الثـار
وختام قولـي فـي نهايـة قصيـدي=افضل صلاة الله على خير الاخيـار
وهذا كان الرد
غيمة شرف .!!
حي الحروف اللي تغنـى بالأشعـار=من صاحبٍ له داخـل الصدرمقـدار
حسين ابن عـزام راع المواجيـب=سأس الكرم والجود في كل الأقطـار
تبقى ويبقى من شبيهـك وشـرواك=والعلم واضح ياولد عـمّ الأحـرار
حرٍ نصيت الطيـب والطيـب فالـك=صقّار لكنّـك عـن الفيـن صقّـار
ناديتنـي وآبديـت ماكـان خافـي=سرّك فصحته من على كف الأسرار
مسـاك ربـي بخيـر والله يديمـك=دامك تعزّ الضيـف وتقـدّر الجـار
وياصاحبي مـادام جتنـي علومـك=من سالفة حبّك أنا جيـت بإصـرار
لنكّ نخيـت اللـي نخـوه الذيابـه=تختار .. وانتهّ . تعرف اشلون تختار
أنـا إلا منّـه نخـانـي رفيـقـي=أعطيه مايطلـب ولـو بيننـا ثـأر
مسنّد جميع اللي نصانـي وسيفـه=أطلب وتلقانـي علـى كـل الأدوار
ياحسين انا وإن جار وقتـي عليّـه=بقول لك وقتي ترى اليـوم ماجـار
الحب دوله وأنت حاكم على الحـب=لكن.! مع الأقدار نرضـى بالأقـدار
هذي هي الدنيا تصـول وتجولـي=برق ورعود وكومة أمطار واعصار
تبغى الحلول وطالب أقـرب إجابـه=أبشرّ عسى يفـداك نـذلٍ وغـدار
بعطيك اقرب قاعـدة فـي حياتـي=( حب التي تآتي بلايـأت آخطـار)
دولـة وملـك ويارفيقـي مليكـه=مليكـةٍ خذهـا علـى سنـةّ البـار
علـى كتـاب الله وسنـةّ نبـيـك=غيمة شرف يالذيب تنثرلـك امطـار
خـلّ القديـم ودورّ اللـي تـعـزّك=وردٍ مع الأزهار ياويـش الأزهـار
اسأل مجرّب لاتـردد وانـا اخـوك=خيرٍ ولاتلقى مـن خلافـه آضـرار
مالك ومال الهـم ومسامـر الليـل=والضيقة اللي داخلك دار ... مـادار
نصيتني وطقيت صـدري عشانـك=وجيتك وانا لمواصلـك دائمـا بـار
سيرّ عليّه قهـوةٍ تطـرب الـرأس=أقلّط عسى دربك تساهيـل وانـوار
فلّ الحجـاج ولاتفكـرّ فـي شيّـه=ولالا تشيل إهموم إصوار وعـوار
قـد قلتهـا لكـن بكـرر وابآعيـد=( صقّار لكنّك عـن الفيـن صقّـار) [/poem]
وسلامتكم ،،
.
.
تعليق