عـيط أبانات؟!!؟

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
البارحة من قادح الفكر مابات= برق القصيد اللي رفيفه خذانا
ليا أرزم الرعاد كم قلت له هات= المزن مزنك والشهاليل مانا
ورفات ياالخضر المعاذيق ورفات = يااللي على ساق من الريهجانا
من يوم صار الشعر رغبة وغايات= أطلقت لامهار القصيد العنانا
ولأبان مديت النظر والمسافات = سبحان من سخر لنا ماعطانا
سلام ياربعي من الذات للذات = دنيا تفرقنا وجمع يحدانا
يااللي لكم فوق المجرة مسارات= فوق النجوم اللي تعلت سمانا
أولادمضبر والهقاوي بعيدات = تنزح مثل مصباحنا عن مسانا
نتبع هوى غير النفوس العزيزات = من حيث ماتذرى الهقاوي مدانا
من شان مجد ماهيا بالسهالات= ولاجاء بحبة منخر من إعداٍنا
الله يغيث الحي ويغيث الاموات= في رحمته رب الملا ويحمانا
وللغيث ياديرة هلي عيط أبانات= عيط الفخر والمجد ياعيط أبانا
اللي بعد توفيق رب السماوات= ضافٍ عليها بالمعزة ذرانا
بالفعل والا الهرج مافيه مشهات= أربمئية عامٍ وهي في حمانا
يوم المواقف غصب والروس نعرات= كم نعرةٍ دارت عليها رحانا
ميقافنا يوم الواقف صعيبات = أزعل علينا ضلعنا من قسانا
مانخالي بعاد المرامي مخالات= من ذاق درج خشومهن مانسانا
عزالله إنا ماتركنا حسافات= وعن مايمس الحال تكرم لحانا
من بعدها يااللي لك البيض رايات= ياالأبلج اللي مرتكي بالمكانا
حامي مكان اهل الفعول القديمات= ومواصل منهاجهم ماتوانا
مفني عيال القود رجل المهمات= ومبهرج بيته عيانٍ بيانا
أبو هلا للضيف في كل الأوقات= كنه بمطلاعه سهيل اليمانا
صلحان شيال الحمل الثقيلات =أبن بدوي لو ماالزمان الزمانا
لبيه ياراع الفعول الجميلات = اللي نلبي دعوته لا دعانا
لله درك يابعيد المدارات = والله يديمك ياوسيع البطانا[/poem]

صح لسااااااااااااااااااااااااااااانك
شاعر متمكن
عساكم دايم على العز
تقبل التحيه

صح لسانك يالرشيدي



شاعر متمكن ومبدع وجزل



لاهنت على ذالمدّة



تحياتي

الشاعر صالح الرشيدي



صح لسانك وعلاشانك




قصيدة طيبة من راس مبدع




لك تقديري

صالح


صح لسانك وصح قلبك

والمدح في اهله جميل

كفو وتستاهلون


لاهنت ولا شنت


تقبل تحيتي


مشهوووور...

[خالد السهلي]

صح الله لسانك

قصيدة في غاية القوة

اسمح لي اخذ منها صورة

صالح



مانت بصاحي طال عمرك




تكتب لتبدع ولتعتلى القمه




صح لسانك ولاهنت



جزل ومبدع




تحياتى

ابو فارس

بيض الله وجهك

صح السانك ولاهنت

قصيده ماعليها كلام في مدح من يستحقون المدح

لك تحياتي

الغالي صالح
صح الله لسانك
ولاهنت
وسلم فكرك وبنانك
دمت برعاية الله وحفظة

ميقافنـا يـوم الواقـف صعيبـات
أزعل علينـا ضلعنـا مـن قسانـا
مانخالي بعـاد المرامـي مخـالات
مـن ذاق درج خشومهـن مانسانـا

كقو كفو
والله والنعم فيك وفي ربعك


رائع ياصالح
لك تحياتي

صالح لسانك


مايمدح الطيب الا طيب

سعود القت لاعدمتك ياالغالي

الاخ الشاعر / صالح الرشيدي
صح لسانك وعلاشانك ولاهنت
قصيدة طيبة من راس طيب و مبدع

تحياتي

شجاع عمر الاكلبي لاعدمتك وحضورك شرف لاهنت

صح لسانك يالرشيدي ...

حقيقه قصيده منتقاه كلماتها بعنايه فائقه ...

وتنم عن شاعريه فذه...