Tweet
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
عسر الليالي زلّغت مشة الزور = إمن الحدم تحت الحمول الرجيحه
تضرس ضروس شعيل من نبتة البور = ويخفي لون الوقت بيّن فحيحه
هجرع وهجرس مونسٍ لسع ساعور = خثع وقل بثفنته عن مطيحه
جود الدهر دره مشمّل ومنزور = حيٍ ويذبح قدم موته ذريحه
ولا تفرق شبوح الرها غير فالجور = لو زوروها فالليال المليحه
راس التجارب والمعاناه دكتور = لو ثومة فواده بجاشه جريحه
معه لصلفات الصواديف ناضور = ما ساعف قناد النفوس المريحه
في زرقة ضروف اللواطيم بابور = ويحث من درهامته في جميحه
ولا عتّم المطلاع يرجح به الشور = دربل بناضور الدروب الصحيحه
تغانم المخراج مع شقة النور = وشفو رجايح حجته مع بحيحه
وركبو على مرسامه العمي والعور = وجنّب بهم ضحل العدود الشحيحه
نهض بهم لا شك منهي ومامور = لكن راس المرجله للمديحه
والكور في وقت الرخا ما سمه الكور = كورٍ بحزات الضروف اللحيحه
ليا انتخنّ البيض في مسطور = وسيق الجمل للمعركه بالمليحه
وبان الشجاع وكل ملحوق مقدور = وازمل إعداه اللي عسرها نطيحه
شقرة عيونه كنها نار دافور = ترعب خصيمه بالشرار وقديحه
اعتى مقاديم المعادين مكبور = ضاقت عليه ليا تعزوى الفسيحه
يجض من قدمه من الخوف مذعور = لو كان ما وده يجي فيه ليحه
ونكّس على قومه مشرد ومجبور = والا قضا نحبه بعد ذاق ويحه
وطبع على خد الدهر كف معسور = ورد النقا لهل الوجيه الفليحه
وجه الحقيقه فاح به جاش مقهور = مع هاجسٍ بذاخ عسرٍ كبيحه
اروى معاطيش الضماير على الفور = وايبس مواريق الشجر من لفيحه[/poem]
عسر الليالي زلّغت مشة الزور = إمن الحدم تحت الحمول الرجيحه
تضرس ضروس شعيل من نبتة البور = ويخفي لون الوقت بيّن فحيحه
هجرع وهجرس مونسٍ لسع ساعور = خثع وقل بثفنته عن مطيحه
جود الدهر دره مشمّل ومنزور = حيٍ ويذبح قدم موته ذريحه
ولا تفرق شبوح الرها غير فالجور = لو زوروها فالليال المليحه
راس التجارب والمعاناه دكتور = لو ثومة فواده بجاشه جريحه
معه لصلفات الصواديف ناضور = ما ساعف قناد النفوس المريحه
في زرقة ضروف اللواطيم بابور = ويحث من درهامته في جميحه
ولا عتّم المطلاع يرجح به الشور = دربل بناضور الدروب الصحيحه
تغانم المخراج مع شقة النور = وشفو رجايح حجته مع بحيحه
وركبو على مرسامه العمي والعور = وجنّب بهم ضحل العدود الشحيحه
نهض بهم لا شك منهي ومامور = لكن راس المرجله للمديحه
والكور في وقت الرخا ما سمه الكور = كورٍ بحزات الضروف اللحيحه
ليا انتخنّ البيض في مسطور = وسيق الجمل للمعركه بالمليحه
وبان الشجاع وكل ملحوق مقدور = وازمل إعداه اللي عسرها نطيحه
شقرة عيونه كنها نار دافور = ترعب خصيمه بالشرار وقديحه
اعتى مقاديم المعادين مكبور = ضاقت عليه ليا تعزوى الفسيحه
يجض من قدمه من الخوف مذعور = لو كان ما وده يجي فيه ليحه
ونكّس على قومه مشرد ومجبور = والا قضا نحبه بعد ذاق ويحه
وطبع على خد الدهر كف معسور = ورد النقا لهل الوجيه الفليحه
وجه الحقيقه فاح به جاش مقهور = مع هاجسٍ بذاخ عسرٍ كبيحه
اروى معاطيش الضماير على الفور = وايبس مواريق الشجر من لفيحه[/poem]
تعليق