الزمن يفرس نجيض الحياه ونيها .....أهداء للجميع

[شاعرعبس]

أسعد الله مسائكم جميعاً وطابت لياليكم..هذه الخاطره المتواضع أهداء للجميع لهذا المساء..

مابقى في خاطري شي يوجب قول شي *** غرني غيب المغره وغبت بغيها

توي أدرك حال عن حال ماتدرك يدي *** والزمن ماهية تستدير رحيها

كنت اسير بنية الطيب واطوي الكود طي *** والمدى هم المسافه وانا طرقيها

واتحرى للوفا ضي صدق وصدق ضي *** والدروب اقرب جهه للسنع وهميها

والسراب يصبه اللال وهج شبه مي *** في نحور البيد والشمس تشرب فيها

ماتوارت هقوتي بين ذاك وبين ذي *** ولانسيت المعنويه ولا معنيها

الرجا في مالك الملك وامر الكون حي*** مارجيت أعلى الخليقه ولا حدريها

خاطري كم قلت له بين عي وبين عي *** يوم زلت جمره الطيب عن جاويها

غرني ماكنت احسب نجيض وصار ني *** والزمن يفرس نجيض الحياه ونيها

وانت ياللي كل جرح توارا فيك في *** كيف نجبر للمشاريه كسر عصيها

لي ولك بالطيب في ماعليك وماعلي *** والمروه يرفض الخندقه جنديها

قالوا أن أخر علاج المرض بالطب كي *** واتضح غيب المغره وغبت بغيها

تقبلوا أطيب تحيات

سعدان عابس

[تم تعديل الموضوع من قبل ولدعبس بتاريخ 12-09-2000 الساعة 04:53 PM]

سلمت يا شاعر عبس

غرني ماكنت احسب نجيض وصار ني *** والزمن يفرس نجيض الحياه ونيها

طول اللع عمرك يابو وليد...
الحقيقه...مدرى وش أقول.
صح لسانك

(.........)
ولدهم

ياسلالالالالالالالالالالامي عليك ياشاعرعبس

شاعرعبس..........سعدان عابس

عيني عليك بارده...صح الله لسانك مليون...هل تكفي ياولد عبس..لااعتقدر...اعذرني...خلص كل الكلام ياشاعر عبس..ياسلالالالامي عليك...لاهنت.

اخوك/عبدالله الهاجري

[ابو هاجوس]

ماشاء الله

شاعر العلم الحقيقة بيض الله وجهك انت استاذ مانقول الا الله يديمك ويعزك يابو ليد
ولايهنون اخواني

بسم الله الرحمن الرحيم

يازينها هالقصيده ..

تسلم ياولد عبس على هذه القصيدة للشاعر الكبير سعدان ونتطلع لمشاركته معنا في المنتدى
اخوك الجازم

صح لسااانك شااعر عبس ,,,,

ولالالالاهنت وبيّض الله وجهك اللي امتعتناا بهالقصيده الرااائعه ,,,

ننتظر المزيد ,,,,

اخوك : ابو الاصاله

[شاعرعبس]

تحياتي للجميع..

وكل الشكر لمن قام بالرد متجاوباً مع كلمات هذه الخاطره....فالكتابة سفيرة القلب هنا..

أعتزازي فيكم ومنكم

سعدان عابس